SMS’e vir 7 Julie 2021

Graag wil ek sê die foto's in amper elke uitgawe is soms die enigste vreugdepunt in die koerant, énige koerant for that matter. Dit is ‘n féés! Dankie. En dankie julle hou vol, al is die nuus en geld skraal. – Elize

Mens staan magteloos en aanskou jou medemens wat 100% oortuig is dat ivermektien dieselfde vir hulle kan doen as die Covid-19-entstof. Ivermektien is nie 'n entstof nie! Dis net so goed jy vryf jou in met 'n stuk beesmis en glo dat dit die Covid-19-virus sal keer.

Die koue winters wag vir Duitsland, Griekeland en so, wat nou heerlike sonnige warm somers het. Dan sal ons sien hoe normaal normaal is.

Waarom het ons regering nie betyds genoeg Covid-entstof bestel nie? Mense is angstig om dringend gevaksineer te word, of hul 2de ent te kry, maar, te midde van die noodtoestand, is daar geen entstof beskikbaar in Namibië nie. Pateties!

Ek soek groot asb., indien my medeburgers my kan help, leë blikkies. Ek soek koeldrank-, bierblikke, koffieblikke – enige blik! Dit is vir ’n goeie doel, om vir my kos en tioletware te koop asselief. Ek bly in Khomasdal, Aandblomstraat. My selfoonnommer is 081 792 8553. Ek sal dit waardeer as u kan help.