SMS'e vir 7 Julie 2017

"SME Bank bankrot": Arresteer en kla direkteure en topbestuur aan, want dit is moedswillige steel. Lê beslag op al hul bates en verkoop dit om onskuldige beleggers te vergoed. A nee a! So kan dit nie aangaan nie dat amptenare altyd daarmee wegkom! Ek hoop van harte mnr. Ipumbu Shiimi en die minister van finansies laat die gewese raadslede van die SME Bank krimineel vervolg. Ek kan dink aan verskeie klagtes wat toepassing kan vind. En siviele eise moet teen almal in hul persoonlike hoedanighede ingestel word vir die terugbetaling van die verlore geld. Om mense verantwoordelik te hou vir die gevolge van hul aksies of swak besluite is die enigste manier hoe Namibië gaan wen teen korrupsie, selfverryking en wanbestuur. En daar gaan ek Rehoboth Town Council toe om my water te betaal. Toe verstaan ek vir Jesus, toe Hy gesê het witgepleisterd van buite is julle mooi, maar binne is julle vol doodsbeendere. Geen rekenaar werk en dis nie "customer friendly" en daar hang 'n doodsheid. Hoe is dit moontlik dat Namibië Wildlife Resorts nie debiet- en kredietkaarte vat by hulle winkels nie? Het nou die dag 'n toeris by Sesriem gesien hoe hy alles los wat hy wou koop en nie met 'n kaart kon betaal nie. Dieselfde geld in Etosha. Daar is ook nie 'n OTM om kontant te bekom nie. NWR leef in die middeleeue as dit by betaalopsies kom.Hoe werk dit? Chinese wat in die huise woon wat vir die agtergeblewendes gebou word hier in Swakopmund? Sien vanoggend vroeg vir die tweede keer hoe chinese daar uitpeul en teen die mure urineer? Geen water, rooil of krag. Hoekom kan ons eie mense dan ook maar solank intrek neem nie?Waar in die land is nog 'n Rehoboth? Kasupi sê hy weet nie van die dorp se water en stinkreuk nie. Is hy die enigste vreemdeling in Jerusalem? Kan 'n mens jou onkunde landswyd so adverteer? Jammerlik! Ek lag vir die persoon wat sê hy weet nie van die rioolwater in Rehoboth se strate! Bewyse is dan wit op swart? Swak vir indrukke wat jul toeriste gee oor so 'n toestand! Amen op Estelle de Bruin se “Internet dryf 'n land.” As internet so pateties is in Namibië se hoofstad, moet jy weet daar is omtrent niks op die platteland nie. Afstandonderrig aan studente kan nie behoorlik plaasvind daarsonder nie. Die regering kon eerder die miljoene wat weggegooi is by die SME Bank gebruik het om telekommunikasie op te gradeer. Dit kon weer help met "skills development" vir die werkersmag van Namibië. Hoe moet betalings sonder tjeks en internetdienste gedoen word in die toekoms?Ja, die eens pragtige Rehoboth dorp lyk nou soos 'n middernagtelike onheilsplek. Daar hang 'n lamferreuk oor die dorpraadskantore. Dan wonder 'n mens wat Rehoboth was en waar hy nou in die wêreld pas. Geen gemeenskapvergaderings en elke jaar kom die "mayor" met nuwe beloftes dat in die nuwe jaar daar vergaderings sal wees. "Dear mayor, you can fool people some time but you can't fool people all the time. Be sure the day will come and u will be held accountable. Nobody can make a fool of God. I have heard the cry of my people and I have come to save them." Ex. 3:7-8 Sal graag wil weet? My GP verwys my na 'n spesialis of dalk sielkundige, maar om daar 'n afspraak te kry en te bevestig, moet ek eers N$700 betaal wat nie deur die mediese fonds terugbetaalbaar is nie. Die spesialis kry mos in elk geval sy pond van die mediese fonds na die afspraak, maar daar gekom, kry jy net 'n voorskrif wat jou GP ook vir jou kon gegee het, met die woorde “ek kan jou nie help nie”, gaan sien liewer my vennoot langsaan. Die sal jou seker kan help. Moet ek weer sewe honderd betaal vir niks nie? Help hulle mekaar so sodat elkeen sy pond kan kry? Waarvoor moet ek in elk geval eers die sewe honderd betaal?Die Rehoboth tweedevlakowerheid opsigself is 'n verleentheid en 'n wanbalans. Die gevaarlikste verkoopsman is die stille uitstalling. Jy kry 'n behoefte, daarna 'n begeerte wat lei tot eiendomsreg. Impulsiewe besteding lei tot bankrotskap en laasgenoemde tot armoede. Deur wanbesteding staan Namibië op die rand van 'n ekonomiese krisis, dit wil sê die hulpbehoewendes vermeerder daagliks en ons spandabele regering het nie geld nie. Die toekoms lyk bleek. Ag toggie en nou sukkel die koerantgirltjie met menoupos. Dis die hitte! Potte en panne oppie stoof kom ook op hitte. Dis die “men” in menoupos. Maar wat van ons mans - ons sukkel dan seker met vrouenpos. - OompieDaai wrakstukke in die see by Henties: As dit vir jou vreemd is ken jy nie Hentiesbaai baie goed nie!Mense wat besig is met ELKRN. Los tog vir Bishop en pastore uit. Hoekom vervolg julle hul? Die wat heilig is gooi eerste klip. Ons almal verdwaal. Bid vir mekaar en dra mekaar se laste.Rehoboth word in die afgrond inbestuur deur onbevoegde, korrupte elemente. Mev. Blaauw, Eva Maasdorp julle het nog nie een gemeenskapsvergadering gehou, maar wees verseker julle tyd is verby. Hiermee nooi ons die hele Rehoboth-gemeenskap, al ons broers en susters vanaf Blok E tot in Burgershoek uit na 'n baie belangrike vergadering op Sondag om 03:00 in die stadsaal. Ons doen 'n dringende beroep op die jeug van Rehoboth. Jul bywoning sal hoog op prys gestel word. In die Meester se diens. - Die Vuurvreter Ek soek hulp! Ek is 'n afgetrede onderwyser, gevra om uit te help vir twee jaar. Betaal vir taxi per jaar N$53 721,05 en van GIPF vat "tax" weer N$18 777,21 en dan word ek N$17 000 aangeslaan omdat ek werk terwyl ek 'n afgetrede man is. Ek betaal jaarliks N$89 498,05. Is dit die manier van Harambee?Rocky Crest word nou baie geteister met roof en inbrake veral Principestraat. Ek hoop die polisie doen iets hieraan.Ek wil tog net 'n beroep doen op dierebeskermingsbeamptes om lewendehaweveilings by te woon en self te sien hoe ons diere mishandel word en daardeur swak pryse behaal en nog brandnommers wat hulle opgehad het verloor en uiteindelik afgekeur. Die Rehoboth Bastergemeente moet net saamstaan om die oorspronklike gesag naamlik die Kapteinsraad terug te neem. Die "mighty Swapo party" kan niks vir Rehoboth doen, al wat hulle doen is om net verder die land in verwaring te bring met die invoer van afgodsdienaars ens. Karin, dis jou hormone. Jy benodig 'n onkeerbare, genoeglike romantiese vergryp ("why not"!). - Louis Die oert van Henties was 'n kennisgewing wat voertuie op die strand verbied het. Die land is deur die Chinese en buitelanders bankrot kom maak. Die geld gaan uit die land, niks bly in die land nie. President, maak reg wat jou voorgangers jou ingedompel het. Namibië skrik wakker! Swapo het die land vernietig, laat ons red wat nog te redde is. Ek wil net vir die minister baie dankie sê vir ons pensioengeld. Ek wil vir die mense wat so kla sê dat hulle moet dankbaar wees. Dit was N$600 en die minister het dit opgesit na N$1 100. Mense, sê dankie, moet nie so kla nie. Op plekke is dit 'n dronkspul as dit pensioendag is. Ek wil die minister vra die ma's wat so drink en die kleinkinders wat daaronder ly, vat die kinders en sit hulle in 'n huis wat hulle honger stil en 'n warm bed het. Dankie aan die tronkbewaarder van 1968 vir die inligting rondom laksman. Volgens betroubare inligting was die laksman 'n bekende in ons gemeenskap wat in Namibië en Suid-Afrika diens gedoen het. Sy naam is geheim, ek stem, maar dokumentasie lek dit uit. Binnekort sal my boek verskyn met sy naam. Een letterslim antie skryf dikwels dogterbriefies in ons koerant vir mammie daar oorkant die waters op gindse goue strand. Baie navrae by NamPost het bewys dat sulke briefietjies nie afgelewer kan word nie. Ou Vader Abraham van daar vêr het glo self gesê die mammies en pappies by die goue strand het nie sulke goete soos penne, pampier en seëls nie. En nou wil ons eie koerantantie ook glo met haar mammie probeer gesels. Em Tie Cie sê ook hul eposse kom "unread" terug. - Oompie Aan asmaprobleem, gee u nommer. Ek bid vir u. God sal u te hulp kom. Amen. As iemand Fordbakkiesleutels tussen Karasburg en Ariamsvlei verloor het, kontak my gerus op 081 738 9890. Dankie.

SMS'e vir 7 Julie 2017

Kommentaar

Republikein 2026-02-03

Meld asseblief aan om kommentaar te lewer

SMS'e vir 7 Julie 2017

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.