SMS'e vir 5 Desember 2016

Dit is baie frustrerend. Jy wil met jou kind oor die “border” gaan, dan moet jy die pa van die kind opsoek wat geen aandeel in jou kind se lewe het nie, net om sy toestemming te vra. My liewe aarde. Dan is die man nog verwaand, weier om toestemming te gee vir redes net aan hom bekend. En dan moet jy hof toe, polisie stasie toe en, en, en. Dis so “unfair” teenoor die arme ma en kind. So spyt sy naam verskyn op die kind se geboortesertifikaat. Wat kry die sogenaamde pa daaruit om die vermakerige houding in te neem?

Brandstofpryse onveranderd, hoekom? In SA gaan pryse gereeld af, hoekom nie by ons nie? Meer wins op ons koste!

Ek dink Rehoboth “town council” moet op Aroab by die “village council” gaan leer hoe om die minister se opdragte uit te voer en sommer ook hoe om te lees en te verstaan. 172 km suidoos van Keetmanshoop werk daardie mense, want gebed en eerlikheid is prioriteit nr. 1 op hul agenda. Trotse ou Aroaber

Wanneer kry Usakos ’n nuwe naambord wat wys waar is Swakopmund? Help iemand. Die mense verdwaal en dit is WARM hier by ons.

Almal treur nie saam oor Castro se dood nie. Hy was ’n kommunis wat sy eie mense vermoor het. So moet almal eendag voor God staan en verantwoording doen. Mugabe ook.

Hoekom word ’n ou mens wat onder 70 jaar is, nie geld by ’n bank geleen as hy werk nie?

Nampost se toonbankpunte is pateties. Kliënte wat geld trek, kry voorkeur. Die ander moet maar tussen-in probeer hulp kry.

My vraag aan die hoogs geleerde mediese professie: Wat is die punt om ’n afspraak te maak vir ’n ondersoek? Jul laat wag ons in jul spreekkamers tot soveel as ’n uur na die afspraak om net vir 5 minute ondersoek te word. Is ons tyd dan van geen belang nie? As ek ’n afspraak het met ’n kliënt is ek stiptelik, anders het ek nie kliënte gehad nie.

Personeel van ministerie van armoede-verligting, Keetmanshoop, mnre. Jossob en De Klerk en me. Kapofi – julle diens is effektief en baie vriendelik. Julle kan trots wees. Ander ministeries gebruik hierdie mense om julle personeel te kom leer wat kliëntediens is.

Sofia Rietz, kan u asb. dringend 081 306 2452 skakel i.v.m. u persoonlike dokumente.

Vandag (1/12) om 16:15 kry ek ’n SMS van die SA ambassade (konsulêre dienste) hier in Jan Jonkerweg om te sê my noodreisdokumente is gereed om afgehaal te word. Minder as 4 en ’n half werksdae nadat ek daarvoor aansoek gedoen het! Puik diens! Ek is trots op die Namibiese en SA personeel wat daar werk ! Laetitia Roos

Rehoboth-polisie is gou en baie daar om na ’n paar Basters te gaan kyk, maar die hele dorp wemel van onwettige immigrante. Dan praat ons nie eens van die klomp onwettige taxi’s nie. Hulle is te veel op Rehoboth, want hulle vertrap mekaar by die aanklagkantoor en nog onbevoeg om net ’n kwitansie uit te skryf.

Dit help nie om oor Multichoice te praat nie. Amper 250 kanale word in ons keelgate afgedruk. Reken net as 10 miljoen betaal N$760. Hoeveel geld kry daai mense per maand? Ons betaal al daai klomp geld om advertensies en kanale wat ons glad nie eens kyk nie. Die klomp sokkerkanale. Jy word nie ’n keuse gegee om kanale te kies nie. Jy vat of jy los. Ons aanvaar dit maar net.

Ek en ek dink baie ander wat nie meer so heldersiende is nie, sal dit waardeer as minder van die koerant op ’n grys agtergrond gedruk word. ’n Koerant is nou nie juis ’n grootdruk publikasie nie en hierdie gebruik neem baie van die leesplesier en inligtingsverspreidingsaspek weg.

“Labour inspector, Ministry of Labour”. Kom tog na die private kleuterskole/preprimêre skole in Pionierspark. Hou onderhoud met die werkers. Help asb. Eienaars word ryk, ryk, ryk, maar werkers zula vir taxi en kos!

Weer eens word ’n onskuldige man se dood veroorsaak deur ’n onsinnige ou wat DRONK op die paaie ry! Mens, besef julle wat jul doen deur te drink en te bestuur?

Al is kapana-vleis dalk bietjie goedkoper sal ek dit nie koop nie, want dit is meesal vleis van gesteelde, hakskeenafgekapte, versmoorde diere. Selfs geen gesondheidsinspekteur is bereid om daarna te kyk nie.

Aan leser oor versekering betaal. Ek stem saam om liewers my geld in die bank te spaar. Is ook opgesukkel met swak versekering.

Ek stem saam dat Joos Platt vir ’n slag reageer op SMS’e.

Ek wil graag weet: Rehoboth-welsynkantoor verkoop op pensioen-uitbetalingsdag pakke kos aan die oues by die poskantoor. Is dit reg? Hulle maak nou inkomste uit die oues. In die Noorde is dit skenkings aan die oues.

Ek stem saam met SMS. Joos Platt antwoord sodat ons met jou kan debatteer. Jy kan ons ook adviseer rondom sekere sake. Hoop jy oorweeg dit om te antwoord.

Pres. Hage. Ons Hei//oms mense is ook deel van Namibië. Dink tog aan ons. Die “chief” wat Swapo ons gegee het, help niks. Kyk nie na ons nie. Ons sit en kyk net mense wat optog maak en dan geld of hulp kry en vorentoe gaan. Gee tog ook asb. “chief” Willem |Aib. Hy sal miskien ons help. Pres Hage asb., as ons Hei//oms van Seringkop, Werda, Outjo en ander plase Agribank van Otjiwarongo bel om vir hulp te vra vir bietjie geld om paar bokke, beeste of skape te koop, dan sê hulle vir ons “jy moet huis het in die dorp of baie geld wat in die bank hê. Dan eers sal hul jou help.” Want as jy diere of geld opeet dan moet hul huis vat en verkoop. Ons het nie huise nie, net sinkhuise. Doen tog ook iets by Agribank asb. Ons wil ook vorentoe gaan. Die nuwe base koop plase dan gaan ons uit wat baie jare daar sit. Geen hulp kry ons van “labour” nie.

Ek is baie jammer Nossobville-skool van Omaheke. Ons is nie daar om vir julle elke jaar geld in te samel nie. Staan op en gaan vra hulp by die regering wat baie geld het. Waar is die gelde wat ons so vir julle versamel en gegee het? Waar is die skoolsaal wat moes al gebou gewees het? Ons kan nie meer met die papier by die mense geld vra nie. Dit lyk nie goed nie. Oor dit moet die kinders se rapporte terughou word. Laat die skoolminister by die skool kom asb.

Wat doen ’n mens as jou oortyd al vir 7 maande nie betaal word nie omdat die myn nie geld het nie? Dan het die buitelandse baas die vermetelheid om te sê dat alle Namibiërs dumb, lazy c#@% is.

Wil net graag weet of die koeldranke op “special” sonder gas is om die verbruikers se sak te knyp.

Ek wil graag by ander lesers weet of dit verkeerd is as ek as ’n jong dame wil trou met iemand wat veel ouer is as ek? Sy vrou mishandel hom en dreig nou al 9 maande om hom te skei, maar sy kom nie sover nie. Ek dink ek sal maar wag, al kry die perde horings. Ek dink nie hy’s meer lus vir daai huwelik nie. Dis so te sê klaar op die rotse. Laat weet asb. u mening.

Ek soek raad vir weeluise.