SMS'e vir 4 Oktober 2016

Na aanleiding van die vrag koeldrank (Republikein, Vrydag 30 Sep ’16) wat gesteel is, wil ek graag ons agbare Andreas vra: Ons het op die gesteelde ware beslag gelê. Andreas, jy sê niks van arrestasies nie! Beteken dit ekkan maar steel soos ek wil? Indien ek daarmee wegkom, “good luck”, maar indien ek gevang word, moet ek net die gesteelde ware, indien as ek nog iets daarvan oor het, dit teruggee en dan kan ek maar my reis as ’n vry man voortsit op soek na die volgende iets wat ek kan steel? Lekker man, lekker.Wie het onderwysers leer lees en skryf? Hulle het in vrede leer lees en skryf. Vandag wil julle ons kinders slapelose nagte gee.Onnies, julle is doodreg vir julle 8%. Daar is nie geld vir julle nie, maar “struggle kids” kry miljoene wat niks werk verrig nie. Daar is nie geld nie, maar regering stel nuwe mense by hostels aan wat wie betaal? Na dit gesê is, daar gaan vir die volgende jare nie nuwe aanstellings wees nie. So staan op vir julle regte.Die enigste rede hoekom die Suide se onderwysers nie wil “strike” nie, is oor die minister. Sy’s mos van die Suide. En hoor nogal – die beste minister sover. Lewe in ’n droomwêreld, nè. En Suide moet eerder nie “strike” nie. Het julle al julle “results” gesien? Veral skole vanaf Rehoboth af suide toe.Ons is opgesukkel met die “nurses” van Hoachanas-kliniek. Hulle sien net pasiënte Maandae en Dinsdae. Op Woensdae is dit net kraamvroue tot 13:00. Donderdae is dit prisoniers tot 13:00. Al is daar nie prisoniers nie, sit en ginnegaap hulle. Vrydae dieselfde net voormiddag, want dis babas wat immuniseer word al kom jy in ’n rolstoel.Ek stem volkome saam met die onderwysers. Staak en laat die ouers weet dat jou kind se opvoeding by die huis begin. Sommige kinders het nie respek vir die onderwysers nie. Nou moet die onderwysers die skuld gegee word. Wanneer moet die kinders leer as hulle nog nege-uur in die aand moet staan en speel. U as ouer, waar is u?Bendeverkragtings soos in nuusblad 30/9. As hul nie doodstraf kan kry nie, verban drinkplekke. Kyk danhoe vinnig gaan dit stop. Geen respek word getoon vir meisies/vroue nie.Stem saam. Moenie kla oor ongewenste diere op paaie nie. Dit veroorsaak ellende vir alle padgebruikers. Daar moet ’n skut wees op elke dorp sodat eienaars boetes betaal om hul diere te kry. Gebruik geld om sodanige dorp te verfraai. Veral vir toerisme.Namibië se samelewing het ’n groot skroef los. Verkragtings, mishandeling, aanrandings, egskeidings. So kan mens aanhou. Maar hoe ’n ma haar eie kind wat sy nege maande gedra het, kan versmoor, is bo my denke. Ek stel my in die klein meisietjie se plek, hoe sy dalk geprotesteer het. Maar rekenskap sal een dag gegee moet word. Intussen weet ek nie hoe ’n mens daarmee moet saamleef nie.Wil net vir daai oom wat besorg is oor ander se water, sê laat hulle bid vir reën. In Groot Aub het ons in Oshakati vier maande laas water gehad. Ons drink net oshikundu en bid terwyl ons ’n vrou as ’n “councillor” het.Lyk my ons by Keetmans-munisipaliteit moet ook stories aandra, werkstyd rondrits en van RDP na Swapo terugspring. Per slot van sake het van die betrokke amptenare waarteen u wil hê opgetree moet word, die nodige akademiese geleerdheid en nie nodig om ’n “sweetheart”-werker te wees by sommige “council”-vrinne nie. “Council” moet wakker word vir werkers wat hul gebruik as “stepping stones” vir opgang binne munisipale strukture.Wat se “results” verwag ons van kinders as hulle vir sommigevakperiodes onder ’n boom laat sit word, want hulle raas en hul vakonderwyser vir Engels en Duits is op kraamverlof. Dis nou al ’n volle maand. Die skoolhoof het by die vorige skool dit aangebied, maar het te veel papierwerk. – Bekommerde ouer van KhomasdalKalkrand! Hoe kry een klein dorpie dit reg om so vuil te wees? Verbygaande motoriste sal mos nou nie wag tot hul in jul dorp is voor hul hul vullis by die venster uitgooi nie. Hoe lyk dit met ’n skoonmaaksessie? Amerikaanse toeriste by my in die motor sê hul het nog nie sowat beleef nie. Maar wag maar totdat ons by Rehoboth kom – laasgenoemde oortref almal. Kry die dorpsmense nie skaam nie? Gaan dit ’n epidemie tydens die reënseisoen kos om hul tot aksie te dwing? Zika, malaria, cholera en maagkoors is hul voorland.Baie dankie aan ouers wat omgee vir onderwysers. Dankie vir die kos wat jul skool toe bring vir onderwysers.As onderwysers so sukkel met dissipline by die skool, kry ek die vrywilligers baie jammer. Die kinders het nie eens meer respek vir ons wat elke dag met hulle werk nie, wat nog te meer vir die vrywilligers?Staatskaping kom al hoeka lank aan in Afrika. Die Guptas-geval in ons buurland was nie die eerste geval nie. Wat noem mens die moedswillige uitsluiting van die twee hoofgroepe - die Namas en Herero’s - van die onderhandelingstafel? Is die regering bang die twee hoofgroepe sal alte beslis hul regmatige deel kry en sodoende onteiende welvaart kan belewe? Die plundering van menige Namibiërs se GIPF en die weiering om teen skuldiges op te tree? SSC se fonds wat vir werkersvoordeel geskep is, het die werkers met aftrede arm gelaat met ’n eenmalige armsalige bedrag, met CEO’s se raad van direkteure en sittingsgeld wat die septer swaai. Volgende jaar wag nog ’n nuwe “tax” op ons. – Hoe-oe-oe-a-ta-ta-ta-ta-NamalanderMr. Moses Kavendjaa. You lost your passport. Phone 085 584 8840 in Gobabis to collect it.Die Waterberg-omgewing was oorspronklik bewoon deur Aro-daman en San. Die area tussen Paresisberg en Waterberg is bekend as Arob. Ek vra asseblief vir tradisionele leiers om nie mense te verlei met valse geskiedenis nie. Julle het alles vervals, tot die stoele waarop julle sit. Dink julle ons ken nie die herkoms van ons voorouers nie?Wonder nou net, geld die waterbeperkings net vir sekere skole, mense, besighede? Sondag 2/10/16 om 07:45 spuit Eros Laerskool se sproeiers op die rugbyveld tog te lekker.Kaptein SJ Witbooi en die grootmense in /Khowese “Royal House” moet wragtie optree teen raadslede wat dink hulle kan die kaptein verontagsaam. Hoekom moet ’n klein groepie raadslede die volk manipuleer terwyl die oorgrote meerderheid die volk, koningshuis en kaptein ondersteun? Waarom laat ons toe dat vyf mense ons stam gyselaar hou? Of is ons bang vir goewerneur en 2 vroue kabinetslede wat ons storie by regering verdraai. By hierdie fees moet die volk vra dat regering die 5 saboteurs de-gazette sodat ons vorentoe gaan. Ons wil fees hou.

SMS'e vir 4 Oktober 2016

Kommentaar

Republikein 2025-07-18

Meld asseblief aan om kommentaar te lewer

SMS'e vir 4 Oktober 2016

Kommentaar

Republikein 2025-07-18

Meld asseblief aan om kommentaar te lewer

MELD AAN

Advertensie