SMS'e vir 30 September 2020

Wat 'n gemors is aan die gang by Psemas. Hoe kan jy eers die afhanklikes verifieer en daarna die hooflede? Begin by die hooflede, as jy seker is almal kwalifiseer wetlik om lede te wees, dan verifieer jy hulle afhanklikes.



Mnr. Sam Shivute jaag asseblief met dieselfde ywer jou personeel wat so baie foute maak met ons dokumente, wat nie die werk se telefone beantwoord nie en wat nie ons geld aan ons uitbetaal nie.



Ministry of education should seriously consider initiating a subject in schools called respect so as to teach children to respect others and thereby to counter GBV.



Ek is vir 'n geruime tyd baie bekommerd oor City of Windhoek se houding teenoor Windhoek se tuine en parke. Half gesuiwerde water is volop beskikbaar, maar ons grasperke vrek op. Kan ons as Windhoekers nie dreig dat hulle die tuine- en parke-afdeling uitkontrakteer aan mense wat lief is daarvoor nie? Ek skaam my dood.



Ek dink dit is tyd dat die vrou wat die beskuldigings van kinderverkragting en molesterings rondslinger, self ondersoek moet word. Dit klink meer sy is betrokke by dit, sodat die kinders in haar sorg geplaas moet word en sy geld van die regering kan kry om haar aan die lewe te hou.



Jong, het jy gesien wat doen ek als met daardie masker op? Ek werk, dans en sing met hom op en ek praat lekker met hom op. So, hoekom probeer jy dit nie 'n slag nie. Myne sit lekker stewig, miskien moet jy so 'n een kry. (Geen SMS'e gaan verder oor dié oor-en-weer stryery oor maskers geplaas word nie. - Redakteur)



Aan almal wat aangaan oor die skole se hostels. Die volgende moet in gedagte gehou word. Ouers betaal N$206 per kwartaal, dit is 60 dae, naweke uitgesluit, dit is N$3,40 per dag vir voedsel, water, elektrisiteit en versorging deur opsigters. Regtig, dit is 'n hostel en nie 'n hotel nie.



Wil net vir mnr. Mario Guterres bedank vir sy hulp met ons baba. Jy is 'n ware held/hero. God bless you.



Opregte dank aan Stad Windhoek met ons vullisverwydering in Eros. Dankie. – Rooney

Ek is baie bekommerd oor die rigting wat ons land inslaan. Dit lyk al meer of daar op die hoogste vlak inmenging in die Fishrot-ondersoek is en of mense wat ten nouste by die ondersoek en vervolging betrokke is , soos pionne op 'n skaakbord deur die Powers geskuif word. Ons Namibiërs moet wakker slaap. Hulle goël hierdie land onder ons alies uit.



My straat op Elisenheim is snags pikdonker. Op 24 Augustus werk my straatligte nie meer nie nadat die vullislorrie teen die lamppaal gebots het. Dit is toe al aangemeld, maar ná meer as 'n maand is dit nog steeds saans donker in my straat. Die ­slange begin loop! Komaan, Windhoekse munisipaliteit, kom maak asb reg wat jul vullislorrie veroorsaak het.