SMS'e vir 3 November 2017

Agbare minister, dit is nie net die “struggle kids” wat werk soek nie. Die jeug van die land is honger. Skryf hulle op in dorpe en "villages" sodat hulle die staatsgeboue onderhou waar hulle bly. Ek verwys na die boodskap in die Republikein van 1 November 2017 “Highway patrol julle het die stryd verloor”. Die verkeersmanne vang net vir spoed, voertuie word nie meer afgetrek vir padwaardigheid nie. Kry van die ou verkeersmanne terug. "Hand pick" hulle, dan sal dinge regkom. Liewe Heiland, red ons land gedurende hierdie tyd van ekonomiese sterfte, want hier op Lüderitz gebruik die verkeerspolisie sommer vier voertuie om hierdie klein dorp te patrolleer. Waar kom die petrolgeld skielik vandaan? Ek doen navraag vir plaaslike akkommodasie tussen 24-29 Desember 2017 (5 dae), die bedrag is N$12 410. Ek het 'n kwotasie vir 'n vakansie in Bali tussen 22-30 Desember2017, vlugte heen en weer ingesluit, sowel as ontbyt daagliks, die bedrag is N$18 065,90. As 'n Namibiër sal ek my geld graag in die land wil behou. Ek gaan beslis Bali toe! (Ek woon in die Suide van die land). Ek is nou so kwaad ek kan pofadderslange eet, soos my pa sou sê! Die menere (ek glo dit kan net mans wees) wat The Donald so goedpraat, luister asseblief 'n slag na sy toesprake/tweets. In elke liewe een beledig hy iemand en vertel hoe wonderlik hy is. Hy is 'n verleentheid vir Amerika. Waarom dink julle is sy twee hoofmanne nou aangekla? Al waarvoor hy baklei, is om sy sakebelange in Rusland uit te brei. Crooked Trump! M & K Gertze Hoërskool se rugbyveld se sproeiers is vanaf Maandag 30 Oktober al aan en is vandag 1 November nog steeds aan. Dit het 31 Oktober gereën op Rehoboth en die sproeiers was aan in die reën, vir drie dae. Wie betaal die rekening? Daar word opgemerk dat die bestuurders en passasiers van amptelike, gemerkte sakevoertuie hulle self gereeld na ure gate uit geniet by die watergate van Hentiesbaai. Die verskoning sal natuurlik wees dat dit ook eetplekke is. Dit is so, maar na ure in amptelike voertuie? - Willie Weetals Die ombudsman moet bietjie 'n draai kom maak in Gochas. Dit is nou te erg! Die polisiebeampte gooi kar om en daarvan word niks. Hy het nie lisensie nie en die kar was nie padwaardig nie en nog meer. Waar moet ons rapporteer? Het julle gehoor! Robert Mugabe wil die doodstraf terugbring in sy land Zimbabwe. Hy sê daar is te veel moorde in sy land. Robert, dit sal die beste ding wees wat jy ooit in jou lewe gedoen het. Duisende mense stem vir Swapo uit onkunde. Dis die oningeligtes wat die swaarste trek. Die opposisiepartye is meer 'n verleentheid vir die land as 'n mens kyk dat slegs 20% van Namibiërs vir hulle stem. Vir een party om so lank te regeer, is gevaarlik. En dit lyk asof die lyding en verwoesting van ons land nog sal voortgaan. Iets moet gebeur; en gou ook. In ander lande word knelvrae tot op die been gekloof, regstellende aksies volg en hierdie ondersoeke kan openlik op TV-kanale gevolg word. Nou wie of wat is ontasbaar, dat vrae van nasionale belang net vrae bly. Trump: Ons het kinders wat in VSA woon en werk. Hulle is lankal burgers daar. Hulle vra ook gebede dat hul land tog net die Trump-nagmerrie en -verleentheid sal oorleef. Trump = Zuma. 'n SMS in gister se koerant “onderwys is in sy glorie”. Sinonieme vir glorie is roem, eer, heerlikheid, trots, stralekrans en ligkring. Hoe nou? Die rede hoekom Donald Trump net negatief uitgebeeld word, is omdat hy die Afrika soustrein briek. Hy verwag 'n teenprestasie vir sy hulp en dit is verregaande! Namibië is nie Dubai nie. Kom met huispryse af, of is dit omdat ministers meer huise het en dit laat verhuur, dat ons soos Dubai moet behandel word. Nomtsoub se strate is skoner as die dorp. Hul maak skoon voor hul huise, maar in die dorp oral waar jy kyk is tuinvullis wat op die sypaaie ophoop. Nee man! Kom ons hou ons dorp skoon. Ons stem om beter lewe te kry, maar dit help niks! Jou salaris is miskien N$8 000, maar jy betaal vir huurplek N$3 500 en taxi N$1 500 en het twee kinders, wat ook taxi moet ry. Waar gaan die lewe van die mense wat stem vir beter lewe? A Namibian Comic Book: Waar is dit beskikbaar? Kan 'n Lutheraan my dalk help. Kring Usakos se kring T-hemde is "surfblue". Ek soek die kleur van Kring Karas of Kring Keetmanshoop. Dit is vir die 500 000 feesviering.

SMS'e vir 3 November 2017

Kommentaar

Republikein 2025-08-08

Meld asseblief aan om kommentaar te lewer

SMS'e vir 3 November 2017

Kommentaar

Republikein 2025-08-08

Meld asseblief aan om kommentaar te lewer

MELD AAN

Advertensie