SMS'e vir 27 Februarie 2017

Die Suide se mense lees dieselfde koerant wat jy lees en vir ons is die inligting oor die stand van damme baie belangrik.



Ons lees van padkonstruksies dwarsoor die land, nou wanneer kom die Rehoboth-Windhoekpad aan die beurt? Honderde mense ry tussen dié twee plekke werk toe en terug elke dag. Dis nou sonder die ander wat SA toe ry of na ander plekke. Vra maar net. Hoop maar die regte mense lees dit raak.



Ek is baie ingenome dat net een tyd hopelik gebruik gaan word. Toe ons op skool was, het skole 30 minute later in die wintermaande begin en steeds 13:00 gesluit. Ek is oortuig dit kan werk. Een uur vroeër en die skoliere hoef nie ná donker by die huis te kom nie.



Waarom moet bier duurder word deur sondebelasting? Net omdat dit alkohol bevat? Dis dan gesonder as gaskoeldranke en dies meer.



Keetmanshoop “regional office”, kan julle die plaaslike elektrisiën van Aus die werk gee om ons krag reg te maak? Van Desember af wag ons op die elektrisiën van Keetmanshoop af. Bel jy julle kantore, dan kom jy net voor dooiemans deur. Sal julle ook so lank sonder krag bly? Moenie aan ander doen wat julle ook nie sal duld nie. Stop nou met die kansvatters en gee die tender terug aan ons elektrisiën in Aus asseblief.



Dit sal die beste ding ooit wees as die wintertyd asseblief wegval. Dink aan die “commuters” tussen Rehoboth-Windhoek en Okahandja-Windhoek. Skole kan maar 8:00 begin. Asseblief!



Die persoon wat praat van “gemiddelde stand van alle damme”: Wel, daar is ook mense woonagtig in ander dele van die land wat die ander damme se water gebruik. Dis nie net in Windhoek waar daar mense woon nie. Dankie aan die koerant vir die plasing van die waterpersentasies van alle damme.



Knowledge Katti, “well done”. Jy is 'n opregte Samaritaan. Dankie vir jou insette in ons land. Jy is 'n voorbeeld vir vele burgers in hierdie land. God sal jou seën.



As wintertyd gestop word: Alle skole wat nie skoolbusse het nie, moet dan hul skole 'n uur later laat begin, asseblief. Minister Himarwa, direkteure en skoolhoofde, asseblief.



Anti-Joos Platt, ek stem met jou saam. Net een ding waar ek met jou verskil – ek is nie anti-Joos Platt nie. Ek is vir Joos Platt. Duime!



TransNamib-korrupsie: Daar is altyd nie geld nie, maar sommige assistente in die guns van toesighouers los af vir meer as drie jaar en daar word meer afgelos as wat daar aanstellings is. Gee ander assistente kans om ook af te los.



Persoon wat sy mond spoel oor Stefan Mans se goeie daad! Is jy jaloers? Of dalk nie mans genoeg om iemand te hulp te snel wat beroof word nie? Dan bly jy maar stil. Dankie daar is darem een man met ruggraat om 'n vrou te help wat beroof word.



Die prokureurs is volgens my net 'n klomp geldmakers en die een is so treurig soos die ander. Hulle maak jou groot beloftes en vertel jou 'n klomp goed, maar sit en belieg jou net. Jy moet dadelik 'n helse bedrag betaal om een te sien, maar hulle is nie haastig om hul werk te doen nie. O nee, daarna sukkel jy om hulle in die hande te kry of diens uit hulle te kry. Help nie jy los 'n boodskap nie. Nee, hulle is te suinig en te vernaam om terug te bel. Dit lyk my hulle gebruik hul tyd, want hoe meer tyd, hoe meer kan hulle jou melk en meer verskonings uitdink. Nou ja, jy moet seker kan lieg om een te wees.



Vader Teddy, baie dankie vir die dienste wat u aan almal in Holy Redeemer doen. God seën u. – Dina Balzar



Ai, die Engels. Kan ons nie maar die een koerant Afrikaans los nie? Hou die Engels in die Engelse koerante. Ek betaal reeds vir so dun koerantjie net om uit te vind 'n deel is in Engels. Wat het geword van “Jou land. Jou taal. Jou koerant”?



Airport deal splits government: Obviously there are those officials who want to go ahead with the 7 billion (inflated from 3 billion) Chinese contract. That way there are so many billions left to divide for kickbacks and to enrich middlemen, officials and cronies? The corruption in this contract – one among many – screams to high heaven. Somebody – ACC? Geingob? Jooste? Calle? Put a stop to this!



Ons as ouers voel dat die regering ter wille van die veiligheid van ons kinders die wintertyd moet behou en liewer kyk om die vier kwartale terug te bring. Die drie termyne is baie lank en dit raak die kinders en onderwysers – dis waarom die uitslae so swak is.



Rehoboth spa needs N$26 million for renovations? Why is it that EVERY government entity is mismanaged, run right into the ground, then closed and then costs millions to renovate – which would be totally unnecessary if regular maintenance was done? Incompetence is costing the country millions.



Help! Hoe kan jy uitvind of jou huweliksmaat deelneem aan hierdie euwel van pornografiese materiaal? Want hulle kleef aan hulle selfone vas! Ek self vermoed my huweliksmaat is daaraan verslaaf. Hoe kan ek haar uitvang?



Ek wonder hoekom kan Rehoboth se besigheidsmanne nie 'n slag hul “social responsibility” nakom nie? In elke blok is daar tog winkels wat deur die gemeenskap ondersteun word. Hoekom nie die paaie in jou blok skraap ter wille van jou kliënte nie?



Asof die rand nie swaar genoeg trek nie, moet die banke wat reeds miljoene der miljoene se wins maak, hulself nog aan “collusion” skuldig maak ook? Kry die gierigaards nie skaam nie?!



Bravo, Pohamba Shifeta! Dis fantasties dat die minister van die omgewing en toerisme vir strenger strawwe en hoër vonnisse vir renoster- en olifantstropers vra. Dit moes lankal gebeur het, voor stropery so erg toegeneem het.



New development at Mole, Swakopmund to start soon. No answer when phoning? Nobody can get any info of the project? Why the silence? No public participation meetings? Too many unanswered questions raise suspicions. Publish the plans, so we can see the very secret monstrocity.



Ek wil net dankie sê vir die organiseerders van die Namibia “social football” liga. Die manne speel rêrig goeie sokker. Dankie ouens, julle wys die NPL hoe dinge gedoen word.



Ek sien hulle sê Zuma se salaris kan tot R3,9 miljoen klim. En dan is daar mense wat nie eers weet hoe gaan hulle dit deur die dag maak sonder kos nie. Dis om van siek te word.



Dis skokkend hoe werkers in Rehoboth verneder word. Dis eintlik 'n blydskap as die werkers nie “pay” nie. Die unie en “social” se mense kom sit mos in kantore en kry lekker kos. “Labour” Rehoboth is net so hopeloos. Oral is korrupsie. Ons werk lang ure sonder oortyd, jou geld word afgetrek en dan hoor jy nog jy steel elke dag.



Weet iemand dalk waar ek musiek van AC/DC en Bad Company kan kry? Skakel my asseblief by 081 845 2372