SMS'e vir 26 April 2016

Hoofberig 22/4. Daai skole wat die meeste water gebruik, is skole wat koshuise het. Dus is daar 24/7 mense & in die vakansie. Is dit regverdig om daai skole met nie-koshuisskole te vergelyk? (Dit is in ag geneem; hulle gebruik egter meer as hul kwota – Red)“Laat mense duur betaal vir plastieksakke”. Die sakke is vir dekades al by die pryse van goedere ingereken. Jy het tog nie gedink hulle gee derduisende sakke elke maand persent weg nie. Ek gebruik my sakke oor en oor totdat dit heel flenters is voordat ek dit “recycle”. Niks fout met plastieksakke nie. Wel fout met morsjorse.Dept comm Van Zyl, oppas vir jou rug! Die slange is om jou! Jy en jou familie was net altyd goed vir ons. As ons nie kos gehad het in die nagte as ons gewerk het nie, het julle altyd vir ons gesorg. Jy is een van die eerlikste bevelvoerders wat ons nog gehad het. Die slange soek jou rang! Alle aantygings teen jou is ’n pot strooi. Ons staan agter jou! Ek salueer jou. – Ex-polisiemanWat kry die Groot Aub gemeenskap uit die sand, klip en grond wat elke dag hier weggery word? Of behoort hierdie stuk gronde aan private eienaars? Ek is ’n inwoner wat sien hoe sukkel ons eie mense om aan die lewe te bly. Die ander probleem is ook dat daar soveel kerke in Groot Aub is, maar daar is geen verandering nie, want sommige kerke wen nie meer siele vir die Here nie, maar wil net geld maak uit hierdie reeds sukkelende gemeenskap. Waarheen nou?Ons is moeg van slanery van polisie, veral die kontroleerspan. Hulle kry mense op strate en vra wat soek jy rond en dan sien jy net voor jy ’n woord praat, lê jy al op die grond. Mag jy terugslaan of wat?Ek wil graag reageer op die skrywer wat voel mense neem verkeerde besluite en sterf dan ’n grudood. Vir ons wat agterbly, maak jou ondeurdagte woorde seer! Kom ons bid en hoop dat jy nooit, ooit ’n verkeerde besluit sal neem nie, of een op die ingewing van daardie noodlottige oomblik sal neem nie.In Hardap people are resettled on farms that have no livestock. I am a young woman of Maltahöhe, have livestock, a proud Nama but with a Herero surname. Does the surname play a role in the allocation of resettlement farms. Yes, I think so. And you must well-connected.RSA bestuursposte by lodges, hotelle. Jy wat so rond toer. Jy verstaan nie wat se gesukkel dit is om iemand van Namibië te kry wat die werk ordentlik wil of kan doen nie. Hulle het al ewig ’n probleem met een of ander ding. Houdings moet verander! Voor ek moet rond sukkel, hulle blink lek om te verstaan hoe belangrik dit is om saam te werk en nie die res van die span op te steek nie, kry ek iemand wat wil werk. Dit geniet en trots is op sy werk. Dis so maklik.Nadat ek Willem se skrywe gelees het (22/4/16) was ek ook lekker opgewarm. Wou ook dadelik skryf om aan te sluit by wat hy gesê het oor die waterkwessie en sommer nog bylas ook. Regtig my sê sê. Maar toe besef ek die brief gaan te lank word, want eintlik kom alles tog net neer op die feit: Gebrek aan visie, kennis en bevoegdheid. “Waarvoor al die haas? Môre is mos nog ’n dag.”Oudl. Toy Coetzee van die ELKRN in Krönlein, u is ’n man met murg in die pype. In ons parogievergadering op 17 April het u die agterbankers goed op hul plek gesit. Laat hulle onse Oupa Jan uitlos en hom ophou misbruik. Trots op u my ouderling.Mondesa se polisieselle. Jy wat kla oor urinereuk, dis hulle eie skuld dat hulle daar sit. Dis ook hulle urine wat jy ruik. So los maar die Regional Commander, hy het baie belangriker werk om te doen as om na skurke se piepiereuke om te sien. Jy is welkom om dit te gaan skoon maak aangesien dit jou duiselig slaan.GIPF, groot asseblief help ons die mediese ongeskiktheidslede ook met ’n verhoging. Kry baie swaar, het 2 jaar laas ietsie bygekry (N$180.67) Baie dankie.Waterbesparingswenke: Baie dankie vir al die goeie raad. Sal beslis alles probeer.Baie dankie aan Philipp Strohle (N155 292W) wie my kamera by die watergat by Okaukuejo gevind het en by ontvangs ingehandig het. As iemand hom ken, sê asb Flip Beukes is baie dankbaar.Pres. Hage, lees asb. die koerante dan sal u sien wat die mense van u sogenaamde ministers dink. Baie is onbevoeg en ander hoort in die Old Age Home. Geen wonder ons land gaan agteruit nie.Inwoners van Gochas, kom ons staan op en veg teen dagga en die pil wat onse village verwoes. Kyk wat het gebeur in so ’n klein plekkie! Dit alles word veroorsaak deur die drugs, die pil speel hoofrol in die small village. Kom laat ons opstaan en onse polisie help laat die drugs smokkelaars gevang en gevonnis word. Smokkelaars, staan op en sweet vir jou geld. Moenie sit en wag vir die ander se sweet nie.Ons opregte dank aan Dawid Diergaardt en Rina van Wyk van Avbob Windhoek vir julle hulp, vriendelikheid en professionele optrede tydens Peet Kotze se roudiens in Windhoek en sy begrafnis in Grootfontein. Ons het van die eerste dag af gesien ons kan al die reëlings in julle hande los. Welgedaan!Is ons van RHB nie geregtig op die N$1 350 nie? As ons as huiswerkers praat van die salaris word ons gesê hulle kan dit nie bekostig nie en dan word ons gesê net 2 of 3 dae vir N$600 tot N$800.Plastiesesakke: Liewe skrywer, plastieksakke is ’n probleem vir die land. Lees jy nie koerant nie? Vader, gee ’n lapsak saam soos baie van ons. Selfs ’n kussingsloop werk. Stuur groter kinders winkels toe dan sal brood nie uitmekaar val en alles kom by die huis aan.Property transactions – why are agents commission, lawyer fees and transfer fees price-related? This law should be abolished as the work involved remains the same whether a property costs N$50 000 or N$5 million. So why the horrendous costs? Fixed fees should be set. It would profoundly assist young people to buy.Wanneer word die rivier in Whk-Wes skoon gemaak? Asb. munisipaliteit, voor die teachers gerape word en die polisie kamma rond hardloop en nooit daai verdagtes kry nie, doen iets. Hulle fone word omtrent daar afgevat en handsakke. Hul het nie karre nie en werk vir die Moslem kindergarten.By Keetmanshoop hospitaal is daar pasiënte wat bedlêend is en niks vir hulself kan doen nie. Nou vra ek waar is die verpleegsters? Is hulle nie daar om na die pasiënt om te sien nie of is hulle vir geld daar?Ons het op Vrydag 22 April 2016 Peet Kotze se begrafnisdiens op Grootfontein bygewoon. Daar was baie trane van hartseer, maar daar was meer trane toe ons daar wegry en vir Peet moes agterlaat in daardie absoluut onversorgde begraafplaas. Iemand het ’n dag voor die tyd ’n powere poging aangewend om gras af te sny. Dis net so gelaat bo-op en tussen ander grafte. Grootfontein munisipaliteit, skaam julle. Die laaste rusplek van ’n geliefde kos duisende dollar. Roep julle werkers tot orde en herstel die haglike toestand in julle begrafplaas waar ons geliefdes lê. En ons moes vir Peet in julle sorg agterlaat? En Tsumeb? Baie geluk! Julle is ’n voorbeeld vir julle buurdorp. Baie geluk en baie dankie.Ek stem saam met die persoon wat sê hy haal sy hoed af vir die president van die DTA. U moet tog besef dat dit die enigste man is wat die land kan lei.

SMS'e vir 26 April 2016

Kommentaar

Republikein 2026-06-16

Meld asseblief aan om kommentaar te lewer

SMS'e vir 26 April 2016

Kommentaar

Republikein 2026-06-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.