SMS'e vir 21 Junie 2019

Mnr. Kaaronda, as jy so praat, sterk en onverskroke staan agter die waarheid. Weet verseker ek staan sterk agter jou as ’n president. Die regering bedel geld by ons mense, terwyl die Chinas miljarde dollars die land uitvat. Die ministers en hulle onderdane rond karjakker op vliegtuie en bly in luukse hotelle. Wat ’n skande en armoede vir ons Land of the Brave. Do something.

Polisie besing Operasie Kalahariwoestyn se lof. As hulle dan so goed is, kan hulle asseblief ook die korrupte officials arresteer, want die regering doen net mooi boggerol daaraan. Miskien oor daar nie meer ’n regering sal oorwees?

Sien die nuwe nege gesigte van die kommissarisse by die Namibiese Sportkommisie ontbreek toetentaal van ’n wit gesig. Histories het rugby, motorsport, tennis ens. ’n meer vaalgesig deelname, wat belangstelling betref. Wonder maar net ligweg in my binnekamer. – Concetia

The director of education, Keetmanshoop Regional Office. Why is it that a certain cleaner at your office, while on vacation are always allowed to run the registry office if the admin officer is on leave. Can other cleaners on the same level with her and who is a grade 10 certificate holder not be given the opportunity to prove them self. We observe that this cleaner make use of the GRN vehicle. Please, as tax payer this is not correct.

Namibiërs het die donkieslagtery oorwin, pak nou die tabakkwekery. Ek vertrou op God en ons eie mense.

MultiChoice, ek is een van die pensioenarisse wat geniet wat julle bied, maar ons is afgetredes met ’n beperkte inkomste. Is dit moontlik vir ’n “pensioners discount" of 'n "pensioners package”? Vra maar net.

Miskien kan banke ook ietsie aan getroue kliënte teruggee soos sommige versekeraars deesdae doen. Om dankie te sê vir ons ondersteuning, byvoorbeeld as jy al 10, 20, 30 jaar of langer al jou sake by een bank doen?

Asseblief, is daar enige iemand wat inligting het omtrent die Suid-Afrikaanse ambassade, was twee weke gelede daar. Ry 300 km ver, om my Suid-Afrikaanse passpoort wat November verval, te gaan hernie. Wat ’n nagmerrie, onvriendelike personeel, groet nie, beantwoord nie jou vrae wat jy vra, druk ’n klomp vorms oor die toonbank en verdwyn dan vir ten minste 10 minute. Ek is in trane daar uit. Ek is bejaard en kan nie bekostig om heen en weer te ry ambassade toe, om sulke behandeling van hul te kry. Ek bel hul elke dag, maar tervergeefs. Telefone word nie beantwoord. Wat nou?

Namibië het groter probleme as wat die algemene publiek dink. Kan die president asseblief aan die publiek bekend maak, dat N$675 miljoen wat aan die aandeelhouers van Rössing Uraan behoort (geld in die fonds vir die rehabilitasie van die myn) verdwyn het. Is dit dalk een van die redes waarom Rossing aan die Chinese verkoop word? Miskien kan die Ouditeur-Generaal dit bevestig.

Dit is ’n jammerte dat die leser wat kennis dra daarvan dat ’n klerk roekeloos met ’n GRN-voertuig op die hostelterrein bestuur het, verkies het om liewers ’n SMS na ’n koerant te stuur. Pleks van om dit onder die aandag van die hoofstreeksbeampte of die Direkteur van Onderwys, Kuns en Kultuur se aandag te bring, met volle besonderhede soos ander ooggetuies, tyd, dag, koshuis, tipe voertuig asook wie dit bestuur het. lAwebahe Johannes llHoeseb, Streeksdirekteur van Onderwys, Kuns en Kultuur. +264 81 252 4882.

Ek wil graag weet waar is MTC se kliëntediens? Mens word 3 uur in die nag wakker geSMS, dis onaanvaarbaar. Miskien moet ons na ander verskaffer gaan.

Khomasdal-kliniek. Baie dankie vir jul diens wat jul lewer. Die dokter plus personeel, jul doen regtig jul bes om die siek mense aandag te gee. Stamp vol kliniek elke dag, maar jul hanteer ons siek mense en bejaarders baie, baie goed. Katutura hospitaal kom leer bietjie. Ek gaan al ’n geruime tyd daar, maar kom sonder stres daar uit. Baie goed hou so aan, ons waardeer wat jul doen vir die siek mense.

Kom ons as mense van Namibië bid tot die einde van die jaar, elke week vir die herstel van ’n aspek van ons land en sy mense. Kom ons bid die week vir die manne van ons land, dat die vrees van die Here oor hulle sal kom, dat hul, hulle plek as koning priester en profeet sal volstaan. Sal wegdraai van drank en geweld en hulle gesinne sal lief hê.

Mnr. Kleinhans, u beoefen nou eers wat u preek en dit merendeels uit boeke. Geloofwaardige skrywers is altyd welkom.

Dankie aan Omega Sekuriteit by Maerua Spar vir hulle eerlikheid en opregtheid. Hul het die inisiatief geneem om my vriende te kontak toe ek my foon en aankope agtergelaat het, Woensdagoggend! Vertroue in jou medemens bestaan nog in Windhoek. Baie dankie.

Mnr. Ndeitunga beskerm ons in Gemengde- en Wambo-lokasie.

Ek soek raad met duiwe in die dak van ons kerkgebou. Hoe kan ons keer, dat hulle daar kom nes maak?