SMS'e vir 21 April 2021

Moordenaars, diewe en stropers mag in Namibië inkom, wettig of onwettig, maar ’n onskuldige tweeling mag nie na ’n goeie huis en huisgesin kom nie. Dan vra ons waarom ons geteister word deur droogtes en siektes. In watse land bly ons?

Die besluit om die Delgado-Lühl-tweeling uit Namibië te hou, is wreed en onmenslik. - P.B. Pieterse

LPM se gedrag. Lyk prof. Horn is heeltemaal uit voeling met wat in die land aangaan en dis duidelik in sy kritiek. Dis pure frustrasie aan die een kant en president Geingob en sy regering se uittartende arrogansie aan die ander kant wat die vure aanblaas. Wil die agbare professor liewer gevegte indie strate sien soos ’n Namibiese Lente? Mense is ...vol en useless; decorum is uitgedien. Natuurlik sal dit beter raak in die parlement. Wag maar.

Dit is reg, ons wag al 30 jaar dat die waarheid ’n slag moet uitkom, maar nie op so ’n manier of optrede van die persoon wat vir ons land ’n voorbeeld moet wees nie.

Ja, Swartbooi as president sal nie deug nie, maar watse las dra hy en Seibeb wat hulle so voor almal en veral voor president Hage gooi? Is dit die nasie se las? Is dit hoe die stemlose nasie voel? Kan wees want hulle het volgelinge.

Dankie aan die leser vir die inligting oor die vlak 3 rugby-afrigters. So eenvoudig soos dit. - Robbie Thompson

Ek wil asseblief die mense wat so aangaan dat padblokkades 'n klug is, herinner blokkades is daar as daar mense gesoek word wat misdaad gepleeg het. Dit vat tyd om uit te ry en dan die blokkade op te stel. Nou is hulle sommer daar. Hulle is nie verkeersmanne nie, hulle is polisiemanne.

Ek kan slange vang. Sodra iets vir my werk, verdwyn dit van die rakke. Byvoorbeeld Jacobs se moerkoffie. Hulle kitsprodukte is soos in hoeveel wil jy hê, maar bone of gemaalde bone, dié kry mens al maande nie meer nie.