SMS'e vir 13 Januarie 2017

“. . . geen opvoeding of respek nie.” Baie geluk aan St. Boniface en sy leerlinge se uitstaande prestasies. Wys jou net wat kan 'n streng hand en dissipline verrig.Ek is verheug dat die vermeende renosterstroper Gerson Kandjii uiteindelik hierdie keer borgtog in Gobabis se landdroshof geweier is. Hoe is dit dat die staatsaanklaers nooit sy borgtog teengestaan het nie? Moord en stropery is tog ernstige klagte, of hoe? Hoe is dit dat Kandjii nie opgespoor is toe hy nie in Okahao in die hof verskyn het nie?Gepraat van water! Druppel buite die emmer! Omaruru gaan ook toemaak. Die amptenare worry nie, of het geen kennis? Maar “money talks”. Die matriekuitslae lyk nie waffers nie. Die taxi bestuurders gaan vanjaar vermeerder op die paaie. Dankie aan Henties se Lions vir 'n bietjie water-verlossing vir Uis. Mens kan nie help om – ten spyte van die reën – te wonder watter dorp volgende sonder water gaan wees nie. Die Russiese skip wat die dolfyne wou vang sal mos nie al die pad tot in ons hawe gekom het sonder redelike sekerheid dat daar vrag sal wees om terug te neem nie. Iemand het mos daardie versekering gegee - miskien met 'n paar doller onder die tafel deur. Tot nou is die verkoop van lewende seediere nie goedgekeur nie. Nou wie verkoop ons wild onder ons uit? Elke week lees ons in die koerant wie het vir wie met 'n mes dood gesteek etc. Môre, oormôre is hulle weer op straat. Ek onthou nog mooi. My eerste president, president Sam Nujoma, het kort nadat hy president geword het op tv gesê: Verdedig jou eiendom. As iemand by jou steel “shoot him!” Ja en nou? Wat van Rust? Die arme sot sit al amper 'n jaar in aanhouding! As dit nie rassisme op sy beste is, dan weet ek nie. Ek stem saam oor morsjorse aan die kus. Ons was geskok om te sien hoeveel gemors lê langs die see. 4X4 manne met geen opvoeding of respek nie. Dis hulle wat daar beweeg en hulle vuilgoed net daar los. Asseblief GEEN borg vir renoster- en olifantstropers nie. Hulle is gewetenlose moordenaars! Hoop daai 16 kg steenbrasse is teruggesit in die see sodat hulle kan broei. Hartseer saak! Diegene wat sê Duitsland het miljoene DM en euros in Namibië ingepomp: Hierdie gelde het nie die betrokke gemeenskappe bereik nie. Duitsland moes van die begin af die skenkings self gesupervise het deur nou met die gemeenskappe te werk, jongmense van die betrokke gemeenskappe te stuur na Duitsland om hul te bekwaam in menige rigtings. Ná 26 jaar van selfbeskikking skiet ons tekort aan eie medici en moet dokters invoer van elders terwyl ons politici en hul families top mediese behandeling kry en ons dae moet wag by staatshospitale vir aandag. Alle Afrika-presidente is welgesteld en hul burgers arm. Sommige se smagting na meer rykdom het geen perke nie terwyl hul mense swaar kry. Ja nee, wat is 'n heerser sonder sy onderdane in 'n gekke-paradys? Survivor Kan die persoon wat so beledigend is teenoor honde wat bang is vir klappers, sy woonadres verskaf asseblief. Net toe ek wil Oranjemund toe trek sien ek hoe dit lyk. Maar hulle het baie water. Ag wat ek bly maar hier. Wil net weet, is daar sekere karre waarmee jy by K'hoop NaTIS s moet uitpasseer? Dis heeltemal onwaar dat net onopregte en verbasterde brakke vlug vir vuurwerke. Waar kom jy aan daardie twak? Al ons honde was opreg en almal was bang vir vuurwerke. Mnr. Suurdruiwe, mens behoort nie jou oningeligte selfgesentreerde mening so op SMS'e uit te blaker nie. U weet seker van leë blikke . . . Die 3,5 biljoen het seker ook 'n groot verskil op die land se begroting gehad. Sou die klaring van die invoerdokumente reg gedoen wees van die begin, kon die regte geld in die staatskas beland het en dan kon daar seker ook meer begroot wees vir ander ministeries soos die pensioene, gesondheid afdelings en onderwys. Dalk kon daar nog ander beplannings vir die land en sy mense gewees het, soos die droogtehulp wat 'n groot bydrae sou gewees het vir die land. Maar nou ja, daar is die begroting weer gekortwiek. Hoop die staat sal strenger beheer maatreëls instel op die belastingstelsel want oral praat geld. Aan vuurwerk “lover”: Ek dink jy't die hond aan die stert beet. As jy 'n opreggeteelde hond het sou jy beslis ook meer kennis gehad het oor hoe sensitief ENIGE hond se ore is vir sulke HARDE geluide. Lees dit dus gerus, dit is nogal 'n eye opener. Dit het dus niks met opregtheid te doen nie. Ek't self ook opregte honde en een gebasterde hond, so ek weet wat dit doen aan hulle. Moola, kan u ons verduidelik hoe het Moola 25 en 31 Desember se wenners gekies as julle nie inbelprogramme gehad nie? Hou soveel katte en honde aan soos jy wil MAAR hou hulle uit my jaart en uit my ore uit. Ons was onlangs by Etosha se NWR-kampe en wat 'n teleurstelling! NIKS word in stand gehou nie, teëls val van die mure af, toiletsitplekke lyk vieslik en verf dop oral af. Okaukeujo se kamma “luxury” chalets wat op die watergat uitkyk, se balkon-stoele is vodde en die tafels gebreek. Dan vra hulle nog ten duurste om daar te oornag. Ek sal niemand aanbeveel om daar te gaan bly nie. Wat 'n skande. N$16 vir 'n bankstaat en jy is 'n pensioenaris. Kan daar nie asseblief na eenvormige skooldrag vir alle skole gekyk word nie? Skoolklere is net te duur. As 'n mens drie of vier kinders op skool het, en elkeen het darem seker meer as een rok of hemp of skoolbroek nodig, raak die rekening baie hoog. Onderskeid tussen skole kan getref word deur die skoolwapen op die hemp se sak vas te werk. Laat die minister asseblief die saak ondersoek. Mense, wat word van ons staatsgeboue? Die goed verval. Kyk nou maar hoe lyk dit by Neserhuis in daai artikel wat Republikein gepubliseer het. By Tienmanhuis oorkant die straat lyk dit net so verskriklik sleg. Dit is 'n nasionale gedenkwaardigheid en 'n lieflike ou gebou wat sorgsaam in stand gehou moet word. Maar nee, alles gaan ten gronde. “Those things happened decades ago and should be left in the past where they belong”, so why is the CURRENT German government asked to deal with something that happened more than a CENTURY ago under another government and was not a one-sided affair? Nothing but financial greed. Ai tog, as mense net beter oordeel gebruik as hulle skakels op Facebook deel. Het julle geweet alles op African News, iMzansi, Live Monitor, UpdatesT1mesLive, News24-TV is vals nuus, nonsens, snert? Nee, Donald Trump eet nie Afrikane vir ontbyt nie, 'n hondsdol haas het nie vir Malema gebyt nie en daar is nie 'n Spanjaard verlore op Mars nie. Ek praat ook van foefies soos “Wat verklap die vorm van jou duime oor jou persoonlikheid”, of “haar hond het drie kleintjies gekry, maar die derde was nie wat jy dink dit sou wees nie”, of “kan jy die 'z' tussen al die 'o's' sien” stories wat ons deel. Dan is ons verbaas as iemand ons Facebook-rekening steel, of lelike goed onder ons name publiseer. Laat staan die gemors, dis vorme van spam, phishing, indentity hacking en virus-verspreidende snert. Is daar enigiemand wat lig kan werp of ook 'n stel afgetrap het met 'n sekere Marco Lopez wat op vakansie was met twee trailers wat gebreek is wat hy wou laat sweis, terwyl hy ry van gerief af na 'n plaas om die goed te laat sweis. Was bereid om 5000 euros te betaal maar gaan leen dan petrolgeld en geld vir akkommodasie te betaal. Laat weet tog.

SMS'e vir 13 Januarie 2017

Kommentaar

Republikein 2025-11-24

Meld asseblief aan om kommentaar te lewer

SMS'e vir 13 Januarie 2017

Kommentaar

Republikein 2025-11-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.