SMS'e vir 11 Desember 2020

Tartanbaan in sy peetjie gery. Hierdie is kwaadwillige beskadiging van staatseiendom. Die skuldiges behoort krimineel aangekla te word. Die atletiekseisoen begin nou en so word die jeug ontneem van die infrastruktuur wat vir hul ­liggaamlike ontwikkeling daargestel is. Die eerste tartan is tydens die destydse SWAIKS in 1978 in gebruik geneem. Ek was self 'n atleet op daardie baan. Ons mag nie eers met gewone skoene op die baan geloop het nie. Dankie Swapo-regering vir jul vernielsugtigheid. Dis hoe julle die land in sy peetjie laat gaan.



Die leser wat vir Dr. Oberholzer so beetpak, het skynbaar nie 'n probleem met die sogenaamde Covid-voorsorgmaatreëls nie, maar die feit dat die dokter vir Trump aanvat en ook 'n liberaal is. Nou toe nou. Trump is 'n diktator.



Die minister van geslagsgelykheid en kinderwelsyn is 100% reg as sy sê dat vroue en dogters aangekla moet word wanneer hulle sake net terugtrek. Dit sal die oortreder twee keer laat dink as hy weet die vrou gaan nie sy wandaad net oor die hoof sien omrede hy weer beloftes aan haar gemaak het nie. - Ivone



Padongelukke in Namibië maak meer mense dood as Covid-19. ­Regtig? Mense maak mense dood! 99% van padsterftes is nie ongelukke nie, dit is arrogante persone wat nooit agter 'n voertuig se stuurwiel toegelaat moes gewees het nie. - SAP&H



Tsumeb Traffics. Julle moet ­asseblief julle werk begin doen. Wit Toyota taxi N1661T is 'n ongeluk wat plek soek om te gebeur. Die man ry asof daar niemand anders op die pad is nie. Het hy 'n ­lisensie? Die ­voertuig is 'n wrak ook nog. Asseblief, gaan sy papiere na.



Dankie FM Hartklop vir die vars nuwe briesie die laaste paar weke in Tjaila, veral ten opsigte van die kla-gleuf om 16:30. Riaan en mnr. van Wyk vaar ook goed met daardie program.