SME Bank: Só laat Kotane glo geld verdwyn

Oordragte 'strydig met verloop van sake'

10 September 2018 | Howe
Catherine Sasman - Die gesamentlike, voorlopige likwidateurs van die SME Bank het in hul mosie voor 'n Gautengse hooggeregshof gesê die N$11,5 miljoen wat hulle versoek het om in 'n Peregrine Equity (Pty) Ltd-rekening namens mnr. Mauwane Kotane bevries te word, behoort aan die SME Bank.

Kotane het in 'n verklaring in die hof beweer alle geld (N$196 miljoen) wat deur die SME Bank belê is in sy maatskappy, Mamepe Capital Investments, is gedoen met die twee entiteite wat ooreenkomste en 'n samewerkingsooreenkoms met die bank gehad het.

Hy het ook beweer die geld is "veilig" deur Mamepe Capital belê, en dat die geld wettig en regmatig ontvang is.

Die likwidateurs, mnre. David Bruni en Ian McLaren, het in hul aansoek om die Peregrine-rekeninge te bevries, beweer Kotane is wel instruksies gegee dat die SME Bank-geld in KE2 Ample (Pty) Ltd. belê word. Kotane is die alleenaandeelhouer en direkteur van KE2 Ample (Pty) Ltd.

Daarbenewens het die likwidateurs gesê KE2 Ample (Pty) Ltd. is nie geregistreer as 'n beleggingshuis of 'n batebestuurder nie, en dit is nog 'n voorbeeld van hoe geld van die SME Bank verdwyn het.

Hulle het gesê as likwidateurs van die SME Bank het hulle 'n reg tot die N$11,5 miljoen, want die oordragte na Peregrine Equities en KE2 Ample is deur die SME Bank gemaak sonder enige basis en was "strydig met sy gewone verloop van sake”.

Die SME Bank het ook geen waarde vir die oordragte ontvang nie, is beweer.

Kotane het beweer sowat N$188,2 miljoen is deur Mamepe vir en namens die SME Bank belê.

ONWETTIGE VLOEI VAN GELD

Tydens die kommissie van ondersoek se werksaamhede om inligting oor die transaksies tussen die SME Bank en ander entiteite te verkry, het verteenwoordigers van Standard Bank Ltd. sekere bankstate van die Peregrine-rekeninge verskaf.

Volgens hierdie dokumente het Peregrine Equities opdrag aan Standard Bank gegee om drie rekeninge vir KE2 Ample oop te maak.

Op 23 Augustus 2016 het die SME Bank 'n versoek van Kotane voorberei vir die oordrag van N$1,5 miljoen na 'n Peregrine-rekening by Standard Bank.

Dit is hersien deur die voormalige finansiële bestuurder van die SME Bank, mnre. Joseph Banda, en goedgekeur deur die bank se voormalige uitvoerende hoof, mnr. Tawanda Mumvuma. FNB Namibia het die oordrag namens die SME Bank gedoen.

Op 25 Oktober 2016 het Mumvuma op skrif opdrag aan die VBS Mutual Bank gegee om N$10 miljoen van die SME Bank se geld na 'n Peregrine Equities-rekening vir KE2 Ample oor te plaas. Hierdie oordrag is bevestig en die ontvangs van die N$11,5 miljoen is inderdaad deur Peregrine bevestig.

Die geld was op instruksie van Kotane belê en gehou in KE2 Ample, nie in die naam van die SME Bank nie.

Die likwidateurs het gesê gegewe dat die N$10 miljoen gedisinvesteer by VBS Mutual oorgedra is aan die Peregrine-rekening op die SME Bank se skriftelike instruksies, maak dit nie sin hoe Kotane opdrag kon gegee het die N$11,5 miljoen moet in KE2 Ample gehou word nie.

Hulle het gesê daar is geen bewyse dat hierdie oordragte wettig of na behore gemagtig is nie.

Voorts het Kotane volgens hulle nie een keer verklaar die N$11,5 miljoen is in die Peregrine-rekeninge inbetaal wat in sy maatskappy se naam gehou is nie.

Soortgelyk

 

Twee karkasse in Etosha ontdek

8 ure gelede | Misdaad

Francoise Steynberg - Twee karkasse van swartrenosters is oor die naweek in die weste­like deel van die Etosha ­Nasionale Park ontdek.Mnr. Colgar Sikopo, die direkteur...

Meatco het nie Brexit-angs

8 ure gelede | Internasionaal

Ronelle RademeyerMet mnr. Boris Johnson se oorwinning gister oor mnr. Jeremy Hunt as leier van Brittanje se Konserwatiewe Party en die Britse premierskap, is die...

Etosha se paaie geskraap

8 ure gelede | Infrastruktuur

Tanja Bause - Die private inisiatief om die netwerk paaie in die Etosha Nasionale Park te skraap, het gister afgeskop. Die projek is deur mnr....

||Kharas bibber, Noorde sweet

8 ure gelede | Weer

‘n Intense kouefront sou vanaf gisteraand en nog vroeg vanoggend vir reën en sterk winde in die suidelike streke van Namibië, asook in die Wes-Kaap...

Weer vir 24 Julie 2019

8 ure gelede | Weer

WEERWAAK: Winderige toestande en reën word vanaand in die Suide verwag. Buie en koue toestande word môre in die ||Kharasstreek verwag. BINNELAND: Gedeeltelik bewolk...

Silk Road brings cars from China

8 ure gelede | Motors

The Chinese ministry of commerce (MOC) has started allowing exports of second-hand cars, marking the country’s latest move to drive domestic sales and promote trade...

WAP-leerling reik na Nasa-sterre

8 ure gelede | Tegnologie

Mariselle Stofberg - ’n Namibiese tiener vlieg Namibië se vlag tans hoog by die United Space School (USS) in Amerika.Christo Boshoff, ’n graad 11-leerling aan...

Nóg kans vir voorvaderlike grondregte

8 ure gelede | Regering

Augetto Graig - Skriftelike insette oor voorvaderlike grondregte kan nog tot 9 Augustus 2019 ingedien word. Die adjunkminister van inligting en kommunikasietegnologie (ICT), mnr. Engel...

MIV/vigs: 4 uit 5 ken hul status

8 ure gelede | Gesondheid

Henriette Lamprecht – Beduidende vooruitgang is in oostelike en suidelike Afrika op die gebied van die uitwissing van MIV/vigs gemaak. Dié streke is die tuiste...