Slaggat in die pad? Blameer Eskom

Elvira Wood – Eskom en die land se reuse- begrotingstekort plaas Suid-Afrika letterlik en figuurlik op ’n sinkplaatpad na die toekoms.Louw Kannemeyer, hoofingenieur van Suid-Afrikaanse Nasionale Padagentskap (Sanral), sê in die lig hiervan is daar doodeenvoudig nie genoeg geld vir infrastruktuur en spesifiek vir paaie nie.Die padnetwerk is volgens hom onder geweldige druk. Sowat R116 miljard per jaar is nodig om dit in stand te hou en uit te brei. Die tesourie ken egter net sowat R52 miljard aan Sanral toe.“Ons paaie word oud en ons kan dit nie net so los nie. Ons het ’n enorme begroting nodig om dit reg te maak, maar ons kry nie die geld van die tesourie nie en mense wil nie tolgeld betaal nie. Die vraag is dus: Hoe moet ons dit doen?”Hy was Donderdag ’n spreker op die Future of Roads-beraad in Woodmead, Johannesburg.“As Eskom nie krag verskaf nie, het ons nie krag nie. As die staat nie geld aan gesondheid en onderwys bestee nie, is daar nie hospitale en skole nie.“Maar oor paaie meen Suid-Afrikaners daar is altyd ander paaie om te gebruik as sommige te veel verswak.”Benewens die teenkanting teen tolgeld – en spesifiek e-tol in Gauteng – is staatskaping ’n groot rede hoekom Sanral te min geld kry om sy werk te doen.“Ek wil dit duidelik maak dat Sanral nog nêrens met staatskaping verbind kon word nie en ek glo dit sal so bly. Die probleem is dat die omvang van staatskaping by instellings soos Eskom, Denel en die Suid-Afrikaanse Lugdiens van só ’n aard is dat geen private maatskappy meer in enige staatsonderneming wil belê nie.“Sanral kan dus nie na die mark gaan om effekte te verkoop nie, want niemand wil dit koop nie.”Sanral kry deesdae ook minder geld uit die brandstofheffing.“Nuwe motors gebruik beduidend minder brandstof. ’n Ouer voertuig sou R37 per 100 km via die brandstofheffing ingebring het. 'n Nuwe voertuie bring R20 in, terwyl 'n hibridiese voertuig net R6 inbring. Elektriese motors betaal niks.“Al hoe meer voertuie ry dus op die paaie, maar nie almal betaal via die brandstofheffing vir instandhouding nie.”Kannemeyer sê hy weet Suid-Afrikaners kla oor die hoë heffing en wil weet hoekom brandstof in buurlande goedkoper is as in Suid-Afrika, veral as die buurlande dit hier koop.“Ons verkoop net die brandstof aan hulle, hulle moet hul eie tariewe vir padinstandhouding hef.“In Suid-Afrika moet ons meer as 750 000 km se paaie in stand hou. Botswana moet sowat 7 000 km se paaie in stand hou. Dít is hoekom hul brandstof goedkoper as ons s’n is,” sê hy.Kannemeyer sê as politici nie dringend 'n plan maak nie, weet hy nie hoe Sanral Suid-Afrika se paaie in die toekoms in stand gaan hou nie.Hy sê Sanral hoop daar sal ná die algemene verkiesing in Mei groter duidelikheid hieroor wees. – Netwerk24

Slaggat in die pad? Blameer Eskom

Kommentaar

Republikein 2026-02-02

Meld asseblief aan om kommentaar te lewer

Slaggat in die pad? Blameer Eskom

Kommentaar

Republikein 2026-02-02

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.