namibië uit ruimte gekiek

Verdana" >Elvira Hattingh - Windhoekers sal elke dag tot Saterdag die geleentheid hê om die internasionale ruimtestasie met die blote oog te sien verbyvlieg, terwyl dit môreoggend (Woensdag 19 Desember) om 05:37 vir ‘n hele ses minute lank in die suidweste sigbaar sal wees.Dít indien weerstoestande dit toelaat.Vanoggend kort voor vyf was die stasie vir minder as ‘n minuut in die suidelike oggendhemel te sien en dit sal vanaand om 19:53 vir drie minute lank sy verskyning 39° oos-noordoos in die naghemel maak. Volgens Nasa se webwerf, spotthestation.nasa.gov, volg daar nóg uitstekende geleenthede vir Windhoekers om dié ruimtestasie te sien. Donderdag om 04:45 en Vrydag om onderskeidelik 03:53 en 05:30 sal dit vir vyf tot ses minute lank sigbaar wees. Die ruimtestasie sal Donderdag sy verskyning 10° bo suid-suidwes maak, terwyl dit op Vrydag eers in die suidelike en daarna in die westelike oggendhemel sy verskyning sal maak. Saterdag sal dit om 04:42 slegs vir ‘n minuut lank sigbaar wees. Die internasionale ruimtestasie het van Sondag af reeds elke aand sy verskyning oor Windhoek gemaak en was gister (Maandag 17 Des) om 20:41 ook vir ses minute lank te sien ná sy verskyning in die Noordweste en sy verdwyning weer in die Suidooste. Volgens spotthestation.nasa.gov is dit maklik om die ruimtestasie raak te sien as jy weet wanneer om te kyk. “Dit lyk soos ‘n vinnigbewegende vliegtuig, net báie hoër, en dit vlieg duisende kilometer per uur vinniger,” word berig. Die ruimtestasie vaar elke 90 minute om die aarde, maar is nie deur die dag sigbaar nie. Jy kan dit slegs sien as dit skemer of dagbreek is, en natuurlik wanneer die stasie oor dié deel van die wêreld vlieg waar jy woon. Dit behoort ook binne ‘n radius van 80 km rondom Windhoek sigbaar te wees. MEER FEITEDie ruimtestasie vaar teen sowat 28 000 km/h, wat beteken die bemanning sien daagliks sowat 16 sonsopkomste en sonsondergange.Dié stasie is die aarde se enigste mikrogravitasie-laboratorium, en is so groot soos ‘n sokkerveld. Verskeie wetenskap- en tegnologie-eksperimente word deurlopend op die stasie deur bemanningslede uitgevoer, of vind outomaties plaas.Navorsing wat hier gedoen word, hou voordele vir die aarde in, asook wat toekomstige ruimteverkenning betref.Dit help ook om die impak van langtermyn-ruimtevlugte op mense te bepaal.

namibië uit ruimte gekiek

Kommentaar

Republikein 2026-01-30

Meld asseblief aan om kommentaar te lewer

namibië uit ruimte gekiek

Kommentaar

Republikein 2026-01-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.