SKW en SFC woeker in eerste toernooi
Vuisbal
Die Bank Windhoek Vuisballiga het laas naweek by die veld van die Swakopmund Vuisbalklub (SFC) afgeslaan waar agt spanne deelgeneem het.
Sport Klub Windhoek (SKW) se eerste span het in die A-afdeling oorheers, terwyl die gasheerklub in die B-afdeling koning gekraai het.
Wedstryde duur 15 minute en elke span het in twee rondes teen mekaar gespeel.
In groep A het SKW 1 eerste geseëvier. SKW 2 het Cohen Vuisbalklub 4 (CFC) en SFC verslaan om die tweede plek te verseker.
Die jong span van CFC 4 het met die groepwedstryde hul bes probeer, maar moes sonder 'n oorwinning die aftog blaas en SFC het die derde posisie inneem.
Groep B is deur die verdedigende kampioen CFC 1 oorheers, wat min teenstand ondervind het op pad na seges teen CFC 2, CFC 3 en die Deutscher Turn- und Sportverein (DTS). Die botsing tussen CFC 2 en CFC 3 was die felste, maar CFC 2 was met een punt baas.
In die semifinale van die A-kategorie het SKW 1 teen CFC 1 te staan gekom. Hoewel SKW 1 in beheer van sake was, was dit 'n intense stryd tot die einde om met 'n voorsprong van drie punte as die wenners na vore te tree.
CFC 1 en SKW 2 was in die ander semifinaal in aksie. SKW 2 het goed voorbereid gelyk. Hulle het die botsing goed begin en hul teenstanders se foute uitgebuit. In die tweede helfte het CFC 1 minder foute begaan en reëlmatig punte aangeteken om ná harde werk die stryd met ses punte te wen.
EINDSTRYD
In die eindstryd het SKW 1 en CFC 1 sake uitgespook waar laasgenoemde gesukkel het wanneer hulle teen die rotsvaste verdediging van SKW 1 afgeslaan het. In die tweede helfte het CFC 1 stelselmatig gate in die verdediging van SKW 1 begin vind, maar SKW 1 het nie toegelaat dat CFC 1 die voortou neem nie en seëvier met drie punte.
Die spanne wat ná die rondomtalie-ronde derde en vierde geplaas was, het in 'n semifinaal vir afdeling B opgestap.
DTS wat teen SFC gespeel het, het 'n goeie kans gehad om as oorwinnaars van die veld te stap, maar dit is die gasheer wat die louere opraap.
CFC 3 wen met twee punte teen CFC 4 in die semifinaal en vorder ná 'n gemiddelde aanslag na die eindstryd. Die finaal was 'n intense geleentheid waar SFC se Knolle Kolb as plaasvervanger opgestuur is sodat hy meer druk op die aanval kon bewerkstellig. Met dié verandering wen SFC verdienstelik.
In die wedstryd om die derde plek het CFC 4 teen DTS gewen.
Die elfjarige Mika Pilzer wat vir CFC 4 speel, is as die speler van die toernooi in Swakopmund aangewys.
Michael Baas, voorsitter van die Namibiese Vuisbalvereniging, het die liga se borg bedank.
“Ons sien baie uit na vanjaar se liga en ek wil Bank Windhoek bedank wat die kompetisie die afgelope jare moontlik maak,” het Baas gesê.
Volgende op die vuisbal-almanak op 17 Maart is die Bank Windhoek Eersteligaronde by SKW in Olympia.
Sport Klub Windhoek (SKW) se eerste span het in die A-afdeling oorheers, terwyl die gasheerklub in die B-afdeling koning gekraai het.
Wedstryde duur 15 minute en elke span het in twee rondes teen mekaar gespeel.
In groep A het SKW 1 eerste geseëvier. SKW 2 het Cohen Vuisbalklub 4 (CFC) en SFC verslaan om die tweede plek te verseker.
Die jong span van CFC 4 het met die groepwedstryde hul bes probeer, maar moes sonder 'n oorwinning die aftog blaas en SFC het die derde posisie inneem.
Groep B is deur die verdedigende kampioen CFC 1 oorheers, wat min teenstand ondervind het op pad na seges teen CFC 2, CFC 3 en die Deutscher Turn- und Sportverein (DTS). Die botsing tussen CFC 2 en CFC 3 was die felste, maar CFC 2 was met een punt baas.
In die semifinale van die A-kategorie het SKW 1 teen CFC 1 te staan gekom. Hoewel SKW 1 in beheer van sake was, was dit 'n intense stryd tot die einde om met 'n voorsprong van drie punte as die wenners na vore te tree.
CFC 1 en SKW 2 was in die ander semifinaal in aksie. SKW 2 het goed voorbereid gelyk. Hulle het die botsing goed begin en hul teenstanders se foute uitgebuit. In die tweede helfte het CFC 1 minder foute begaan en reëlmatig punte aangeteken om ná harde werk die stryd met ses punte te wen.
EINDSTRYD
In die eindstryd het SKW 1 en CFC 1 sake uitgespook waar laasgenoemde gesukkel het wanneer hulle teen die rotsvaste verdediging van SKW 1 afgeslaan het. In die tweede helfte het CFC 1 stelselmatig gate in die verdediging van SKW 1 begin vind, maar SKW 1 het nie toegelaat dat CFC 1 die voortou neem nie en seëvier met drie punte.
Die spanne wat ná die rondomtalie-ronde derde en vierde geplaas was, het in 'n semifinaal vir afdeling B opgestap.
DTS wat teen SFC gespeel het, het 'n goeie kans gehad om as oorwinnaars van die veld te stap, maar dit is die gasheer wat die louere opraap.
CFC 3 wen met twee punte teen CFC 4 in die semifinaal en vorder ná 'n gemiddelde aanslag na die eindstryd. Die finaal was 'n intense geleentheid waar SFC se Knolle Kolb as plaasvervanger opgestuur is sodat hy meer druk op die aanval kon bewerkstellig. Met dié verandering wen SFC verdienstelik.
In die wedstryd om die derde plek het CFC 4 teen DTS gewen.
Die elfjarige Mika Pilzer wat vir CFC 4 speel, is as die speler van die toernooi in Swakopmund aangewys.
Michael Baas, voorsitter van die Namibiese Vuisbalvereniging, het die liga se borg bedank.
“Ons sien baie uit na vanjaar se liga en ek wil Bank Windhoek bedank wat die kompetisie die afgelope jare moontlik maak,” het Baas gesê.
Volgende op die vuisbal-almanak op 17 Maart is die Bank Windhoek Eersteligaronde by SKW in Olympia.
Kommentaar
Republikein
Geen kommentaar is op hierdie artikel gelaat nie