Skouspel van swemmers kom nader

Andrew Poolman - Sportliefhebbers kan uitsien na die grootste internasionale swembyeenkoms sedert 1990 waarvan die Namibiese Swemunie (Nasu) in die komende dae die gasheer sal wees.Swemmers en waterpolo-spanne van elf uit die lidlande van die Konfederasie van Afrika-swem (CANA) se Sone 4 sal vanaf komende Saterdag 16 Februarie tot Woensdag 20 Februarie in sentraal-Namibië kom meeding.Benewens die Olympia-swembad as die hoofvenue vir die swem waarin meer as 120 mans en vroue hul lande sal verteenwoordig, sal waterpolo-wedstryde by die swembad in Katutura beslis ook vir groot opwinding sorg.Oopwaterswem is die derde watersport wat deel van die geskiedkundige byeenkoms vorm, met die Oanobdam as die venue. Dit stoot die totale getal deelnemers tot omtrent 450 op.Die lidlande van Sone 4 wat spanne stuur, is Angola, Botswana, Malawi, Mauritius, Mosambiek, Namibië, Seychelles, Suid-Afrika, eSwatini, Zambië en Zimbabwe.Nog drie lande uit Sone 3 neem op spesiale uitnodiging deel, naamlik Kenia, Uganda en Tanzanië.Vir swemmers is hierdie byeenkoms die ideale geleentheid om vir die 2019 FINA wêreldkampioen¬skap te kwalifiseer wat van 12 tot 28 Julie in Gwangju, Suid-Korea aangebied word.Suid-Afrika en Zimbabwe is die twee hoogs gerekende swemlande in die kompetisie, terwyl Namibië se voorste swemmers gewis met ’n sterk tuisaanslag sal wil kom.In die waterpolo-kompetisie se A-afdeling sal die toplande in die streek met hul mans- en vrouespanne meeding. In die B-afdeling is die klem meer op ontwikkeling en kan elke land twee spanne elk in die mans- en vroue-afdelings inskryf.Minister Erastus Utoni van sport, jeug en nasionale diens sal Saterdag om 14:00 die amptelike openingseremonie by die Olympia-swembad bywoon. Die eerste swemitems begin reeds om nege-uur daardie oggend.Sondag sal ’n afdag wees voordat die kompetisie by die Olympia-swembad Maandag, Dinsdag en Woensdag beslis word, daagliks vanaf 09:00 tot 12:30 en weer 14:30 tot 17:30.Dieselfde ure geld daagliks vir die waterpolo-wedstryde by die Katutura-swembad, van Maandag tot Woensdag.Die oopwaterswem by Oanobdam word op ’n enkele dag afgehandel, naamlik komende Sondag tussen 07:00 en 17:00.SEIDLER UITHoewel die name van die Namibiese spanne en bestuurslede gister nog nie aan die koerant beskikbaar gestel is nie, het dit bekend geword dat Phillip Seidler nie vir die oopwaterswem beskikbaar is nie.Die gedugte jong Swakopmunder wat reeds sy doelwit verklaar het om vir 2020 die land se eerste Olimpiese kwalifiseerder in dié kode te word, sal op mediese advies op die kantlyn bly vanweë ’n knaende kniebesering.Sy laaste kompeterende deelname was op 28 en 29 Januarie, toe hy in die Oos-Kaap aan die NMBA-kampioenskap in beide die 10 km en 5 km afstande meegeding het. Seidler het goue medaljes in beide items verower en sodoende verseker dat hy ’n gunstige loting vir Suid-Afrika se nasionale oopwaterswemkampioenskap verwerf het.“Phillip is hard aan die oefen en voorberei vir die SA kampioenskap in Maart, wat die kans vir kwalifisering vir die wêreldkampioenskap is,” sê sy ma en afrigter, Nadja Seidler.

Skouspel van swemmers kom nader

Kommentaar

Republikein 2026-07-23

Meld asseblief aan om kommentaar te lewer

Skouspel van swemmers kom nader

Kommentaar

Republikein 2026-07-23

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.