Skote klap in transito-roof
Misdaad
Erwin Leuschner – Binne enkele ure ná ’n brutale rooftog op ’n transitovoertuig gisteroggend by ’n winkelsentrum in Swakopmund, het die polisie twee verdagtes in hegtenis geneem.
Nog twee deelnemers aan die rooftog – insluitend ’n vermoedelik ernstig beseerde man – was teen druktyd nog op die vlug.
Volgens Ileni Shapumba, woordvoerder van die Erongo-polisie, het die vier oortreders omstreeks 07:22 by die Woermann & Brock -winkelsentrum in die Mondesa-buurt toegeslaan toe veiligheidsmanne van San Cross Security kontant in ’n geldwa gelaai het.
“Verskeie skote is afgevuur. Die boosdoeners het die bestuurder van die geldwa oorrompel en met sy wapen weggekom. ’n Ander wag is tydens die skietery in die maag getref,” het Shapumba verduidelik.
Die beseerde veiligheidsbeampte is in die hospitaal opgeneem.
Die mans het daarna met kontant van bykans N$150 000 in ’n swart Nissan na Arandis gevlug. Die voertuig is later verlate en sonder registrasiemerk in Mondesa opgespoor.
“Sover is twee verdagtes deur die polisie in Walvisbaai in hegtenis geneem,” het Shapumba gesê. Die polisie het op kontant van N$37 370 in hul besit beslag gelê.
Die derde verdagte is as die Oshiwambo-sprekende Malakia Shikongo Naobeb geïdentifiseer. Volgens Shapumba bestuur hy ’n Toyota Corolla. Dit word vermoed dat hy na die Khomasstreek of die noorde van die land gevlug het.
“Die vierde verdagte is nog nie geïdentifiseer nie. Hy is raakgeskiet en ernstig beseer tydens die rooftog, omdat baie bloed en vier tande in die verlate wegkomvoertuig gevind is,” het Shapumba gesê. “Die polisie het al die plaaslike klinieke besoek, maar hy is nog nie ingebring of behandel nie.”
Die polisie versoek die publiek se bystabd vir enige verwante inligting. Die twee gesoekte verdagtes word as gewapen en gevaarlik beskryf.
Nog twee deelnemers aan die rooftog – insluitend ’n vermoedelik ernstig beseerde man – was teen druktyd nog op die vlug.
Volgens Ileni Shapumba, woordvoerder van die Erongo-polisie, het die vier oortreders omstreeks 07:22 by die Woermann & Brock -winkelsentrum in die Mondesa-buurt toegeslaan toe veiligheidsmanne van San Cross Security kontant in ’n geldwa gelaai het.
“Verskeie skote is afgevuur. Die boosdoeners het die bestuurder van die geldwa oorrompel en met sy wapen weggekom. ’n Ander wag is tydens die skietery in die maag getref,” het Shapumba verduidelik.
Die beseerde veiligheidsbeampte is in die hospitaal opgeneem.
Die mans het daarna met kontant van bykans N$150 000 in ’n swart Nissan na Arandis gevlug. Die voertuig is later verlate en sonder registrasiemerk in Mondesa opgespoor.
“Sover is twee verdagtes deur die polisie in Walvisbaai in hegtenis geneem,” het Shapumba gesê. Die polisie het op kontant van N$37 370 in hul besit beslag gelê.
Die derde verdagte is as die Oshiwambo-sprekende Malakia Shikongo Naobeb geïdentifiseer. Volgens Shapumba bestuur hy ’n Toyota Corolla. Dit word vermoed dat hy na die Khomasstreek of die noorde van die land gevlug het.
“Die vierde verdagte is nog nie geïdentifiseer nie. Hy is raakgeskiet en ernstig beseer tydens die rooftog, omdat baie bloed en vier tande in die verlate wegkomvoertuig gevind is,” het Shapumba gesê. “Die polisie het al die plaaslike klinieke besoek, maar hy is nog nie ingebring of behandel nie.”
Die polisie versoek die publiek se bystabd vir enige verwante inligting. Die twee gesoekte verdagtes word as gewapen en gevaarlik beskryf.
Kommentaar
Republikein
Geen kommentaar is op hierdie artikel gelaat nie