Skoonmaker vas vir diefstal van koshuiskos
'n Skoonmaker van die Karundu Primêre Skool op Otjiwarongo is in hegtenis geneem nadat kos wat by die skoolkoshuis se kombuis gesteel is, by sy huis gevind is.
Die 28-jarige skoonmaker en sy vermeende medepligtige (27) is in hegtenis geneem nadat bees- en wildkarkasse, asook bokse hoender, vis en kaas by sy huis deur lede van die Namibiese polisie (Nampol), wat deur onderwysers van die skool vergesel is, gevind is.
Nampol se woordvoerder van die Otjozondjupastreek, ao. Maureen Mbeha, het gesê onderwysers en leerlinge het opgemerk dat een van die kombuisvensters by die skoolkoshuis gebreek is.
Hulle het die polisie gebel wat bevind het dat van die kos uit die kombuis se stoorkamers voete gekry het.
Die polisie en en die onderwysers het die verdagtes se spore tot by die huis in die Ombili-nedersetting gevolg.
Dit word vermoed dat die twee mans Saterdagnag in die kombuis ingebreek het.
“Karkasse is by die huis gevind en sommige van die kositems is by ander huise gevind wat dieselfde nag aan inwoners van die informele nedersetting verkoop is," het Mbeha gesê.
Die waarde van die gesteelde goedere word op N$10 000 beraam.
Die twee verdagtes sal na verwagting môre in die Otjiwarongo-landdroshof verskyn.
Die polisieondersoek duur voort - Nampa
Foto Nampa
Die 28-jarige skoonmaker en sy vermeende medepligtige (27) is in hegtenis geneem nadat bees- en wildkarkasse, asook bokse hoender, vis en kaas by sy huis deur lede van die Namibiese polisie (Nampol), wat deur onderwysers van die skool vergesel is, gevind is.
Nampol se woordvoerder van die Otjozondjupastreek, ao. Maureen Mbeha, het gesê onderwysers en leerlinge het opgemerk dat een van die kombuisvensters by die skoolkoshuis gebreek is.
Hulle het die polisie gebel wat bevind het dat van die kos uit die kombuis se stoorkamers voete gekry het.
Die polisie en en die onderwysers het die verdagtes se spore tot by die huis in die Ombili-nedersetting gevolg.
Dit word vermoed dat die twee mans Saterdagnag in die kombuis ingebreek het.
“Karkasse is by die huis gevind en sommige van die kositems is by ander huise gevind wat dieselfde nag aan inwoners van die informele nedersetting verkoop is," het Mbeha gesê.
Die waarde van die gesteelde goedere word op N$10 000 beraam.
Die twee verdagtes sal na verwagting môre in die Otjiwarongo-landdroshof verskyn.
Die polisieondersoek duur voort - Nampa
Foto Nampa
Kommentaar
Republikein
Geen kommentaar is op hierdie artikel gelaat nie