Skoonmaakveldtog in Greenwell

Augetto Graig - Twee maatskaplike welsynstudente aan die Universiteit van Namibië (Unam), Laimi Dumeni en Rufaro Mupariwa, het Saterdag met behulp van gemeenskapsleiers Greenwell Matongo C in die Samora Machel-kiesafdeling skoongemaak. Die veldtog is deur die Windhoek-munisipaliteit ondersteun wat swartsakke en handskoene geskenk het. Die studente en mnr. Fanuel Shivute, ’n raadslid van die kiesafdeling en me. Rosalia Gabriel, ’n gemeenskapsleier, het die noodsaaklikheid van ’n skoonmaakveldtog besef. Dumeni en Mupariwa het die taak aangepak as deel van ’n maatskaplike praktiese welsynsprojek onder leiding van hul dosent, dr. Rachel Freeman. Volgens Gabriel, wat sedert 2002 in die omgewing woon, is dit belangrik om die omgewing skoon te hou. “Ek is bly hierdie studente kom help ons. Baie van ons het nie kraanwater by die huis nie, wat dit nog belangriker maak dat ons skoon bly en ons omgewing skoon hou. Ons lewe nou in ’n wêreld met onbekende siektes waarteen ons onsself moet beskerm. Die mense hier is nie kwaad nie en ook nie behulpsaam nie. Hulle is onkundig en ’n gedeelte van wat ons hier doen, is opvoeding,” sê sy. – augetto@republikein.com.na

Skoonmaakveldtog in Greenwell

Kommentaar

Republikein 2025-12-19

Meld asseblief aan om kommentaar te lewer

Skoonmaakveldtog in Greenwell

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.