Skoolseun verkrag glo 67-jarige vrou

’n Negentienjarige man is in die Oshapapa-nedersetting in die Oniipa-omgewing in hegtenis geneem nadat hy na bewering ‘n 67-jarige vrou verkrag en beroof het, luidens die Namibiese polisie se misdaadverslag. Die voorval het Saterdag omstreeks 18:00 gebeur toe die vrou huis toe geloop het. Die verdagte het glo van vooraf gekom en haar gegryp en gedreig om haar te vermoor as sy skree. Hy het haar daarna verkrag. Hy het haar selfoon ter waarde van N$300 gesteel. Die verdagte is ’n graad 10-leerling aan die Gekombineerde Skool Oshilulu.ROOF Verdagtes waarvan sommige glo polisie-uniforms gedra het, het Saterdag omstreeks 17:30 die voertuig van ’n 56-jarige sakeman van Kameroen op die hoofpad tussen Onhuno en Eenhana naby die Okatope-begraafplaas gestop. Hulle het katalitiese omsetters en skokbrekers ter waarde van N$300 000 gesteel. Niemand is nog in hegtenis geneem nie.Vier verdagtes het Saterdag omstreeks 00:30 in die Oshipwatapwata- informele nedersetting op Oshikango ’n man aangeval, geslaan en van sy voertuig beroof. Die beseerde man is na die Engela-hospitaal geneem. Die voertuig is om 08:00 by die Okahauyulu-nedersetting op die grens met Angola sonder brandstof gevind. Niemand is nog in hegtenis geneem. Vier verdagtes het Saterdag omstreeks 03:00 by die Osondjiva-gasteplaas ingebreek. Hulle het na bewering by die skuifdeur van die hoofhuis toegang verkry. Hulle het die kluis gesoek en ’n pistool en rewolwer gesteel. Hulle het glo vier gewere agtergelaat en het drank, vleis en ander items gesteel. Een van die verdagtes, ’n 32- jarige man, is in hegtenis geneem.

Skoolseun verkrag glo 67-jarige vrou

Kommentaar

Republikein 2025-12-16

Meld asseblief aan om kommentaar te lewer

Skoolseun verkrag glo 67-jarige vrou

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.