Skoolseun in selle oor video van geweld
‘n Sewentienjarige seun wat op ‘n video ‘n dogtertjie van vyf aanrand, is in hegtenis geneem.
Die video is wyd in die sosiale media versprei en het groot opspraak veroorsaak.
Die seun sal vandag voor die landdroshof op Outapi gedaag word, sê kommissaris Moses Simaho van die polisie in die Omusati-streek. Hy sal aangekla word van aanranding en die oortreding van die Wet op die Versorging en Beskerming van Kinders.
Die beweerde oortredings het by die Oshaala-nedersetting in die Onesi-kiesafdeling plaasgevind.
“Dit word beweer die verdagte het die slagoffer met sy oop hande geklap totdat sy teen die grond geval het,” sê Simaho. “Hy het na bewering ‘n vriend beopdrag om ‘n video te neem en dit in die sosiale media te versprei.”
Daar was nie volwassenes tuis tydens die voorval nie.
Die verdagte word op Tsandi aangehou en is ‘n graad 8-leerling by die Gekombineerde Skool Oshaala.
Die foto is ‘n greep uit die video.
Die video is wyd in die sosiale media versprei en het groot opspraak veroorsaak.
Die seun sal vandag voor die landdroshof op Outapi gedaag word, sê kommissaris Moses Simaho van die polisie in die Omusati-streek. Hy sal aangekla word van aanranding en die oortreding van die Wet op die Versorging en Beskerming van Kinders.
Die beweerde oortredings het by die Oshaala-nedersetting in die Onesi-kiesafdeling plaasgevind.
“Dit word beweer die verdagte het die slagoffer met sy oop hande geklap totdat sy teen die grond geval het,” sê Simaho. “Hy het na bewering ‘n vriend beopdrag om ‘n video te neem en dit in die sosiale media te versprei.”
Daar was nie volwassenes tuis tydens die voorval nie.
Die verdagte word op Tsandi aangehou en is ‘n graad 8-leerling by die Gekombineerde Skool Oshaala.
Die foto is ‘n greep uit die video.
Kommentaar
Republikein
Geen kommentaar is op hierdie artikel gelaat nie