Skoolklere vir siggestremde leerlinge
Die Wilku-trust en Dundee Precious Metals het skoolklere ter waarde van sowat N$90 000 aan die skool vir siggestremde leerlinge in die hoofstad geskenk. Volgens 'n trustee van die Wilku-trust, mnr. Kurt Johannesson, het Dundee Precious Metals sowat die helfte bygedra. Me. Sonja Lambert, ook 'n trustee van die Wilku-trust, het tydens die geleentheid gesê hulle het vir al 148 leerlinge, van wie 48 albino's is, elk skoolklere gekoop. Daar is onder meer twee skoolbroeke vir elk, truie, hemde en skoene. Johannesson het gesê die trust ondersteun die skool sedert 2012. Die waarnemende skoolhoof, mnr. Everitte Koopman, het tydens die oorhandiging gesê die skenking sal die druk op ouers verlig omdat hulle skoolklere én skoonmaakmiddels vir die skool moet aankoop.
Kommentaar
Republikein
Geen kommentaar is op hierdie artikel gelaat nie