Skolefees by HTS is groot

Bank Windhoek is opnuut die hoofborg van die 24ste Hennie de Waal-sportfees wat Woensdag by die sportvelde van die Hoër Tegniese Skool (HTS) in Windhoek afgeskop het en môre sy hoogtepunt bereik.Wyle oom Hennie, ’n jarelange geliefde onderwyser by HTS, het dié sportfees in die lewe geroep om Namibië se onafhankwording jaarliks te vier.Ongeveer 800 o.15- en o.19-deelnemers van skole oor die land, asook Zambië en Suid-Afrika sal aan netbal, sokker en rugby deelneem wat deur duisende toeskouers ondersteun word.Vanjaar sal siggestremde atlete aan netbal, sokker, skaak en tennis deelneem. Ananias Shikongo en Johannes Nambala is beide produkte van HTS wat hul land eervol op die atletiekbaan verteenwoordig het. Die twee Paralimpiese en wêreldkampioene is die beskermhere vir die fees.Behalwe die sokker wat by Hoërskool Academia gespeel word, sal al die ander kodes by HTS aangebied word.Me. Suzette January, borgskapkoördineerder van Bank Windhoek, sê: “Bank Windhoek is verheug om weer deel van die geleentheid te wees wat die skole saamsnoer. Ons kan aan geen beter manier dink om die land se diversiteit te vier nie, want dit sluit almal in. Hierdie is ’n geleentheid vir ons om met Namibiërs kennis te maak wat uit verskeie vlakke van die samelewing kom. Bank Windhoek doen besigheid in alle gemeenskappe en is gedrewe om vooruitgang vir hulle te bewerkstellig,” het sy gesê.

Skolefees by HTS is groot

Kommentaar

Republikein 2025-12-19

Meld asseblief aan om kommentaar te lewer

Skolefees by HTS is groot

Kommentaar

Republikein 2025-12-19

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.