Skole kry DStv-leerprogram
Augetto Graig - Mariental Hoërskool se skoolhoof, mnr. Albertus Stein, was onlangs die gasheer toe die minister van onderwys, kuns en kultuur, me. Katrina Hanse-Himarwa, dié skool se nuwe hulpbronsentrum besoek het.
Sy was vergesel van mnr. Roger Gertze, hoofbestuurder van MultiChoice Namibia; me. Esme Isaack, goewerneur van die Hardapstreek, Mariental se burgemeester, mnr. Willem Mensah, en die voorsitter van die Hardap-streekraad, mnr. Edward Wambo.
Die doel was om die bekendstelling van die verbeterde MultiChoice Hulpbronsentrum (MRC) by die skool te vier.
Die sentrum het ’n nuwe plasmatelevisieskerm met bykomende monteerraam, satellietskottel en persoonlike video-opnemer (PVR) ontvang. Terselfdertyd het die skool se onderwysers opleiding ontvang in die gebruik van die toerusting en hoe om die inhoud met onderrig te integreer. Die ingeslote DStv-opvoedingspakket bied aan onderwysers toegang tot nuwe materiaal en hulpbronne, veral omdat hulle dit kan opneem en vertoon soos dit hulle pas. Die pakket sluit in Business Day TV, BBC World News, Mind-set, MBC, History, BBC Knowledge, Animal Planet, Nat Geo Wild, National Geographic en die Discovery Channel.
In haar toespraak het minister Hanse-Himarwa vir Stein gevra om seker te maak die kinders baat ten volle by dié “deurbraak-uitkoms” wat die toerusting kan bied.
“Hierdie toerusting moet nie stof in die biblioteek vergaar nie en ek as minister van onderwys, afkomstig van die Hardapstreek en Mariental, sal besondere aandag aan die eksamenuitslae van hierdie streek skenk. Ek sal nie verswakking van eksamenuitslae aanvaar nie, veral nie nadat die plasmaskerms en PVR-dekodeerders hier afgelewer is nie,” het sy gesê.
Altesaam 300 skole in Namibië kry dié jaar verbeterde toegang tot gehalte opvoedkundige televisie en programme vol inligting oor die wêreld om hulle.
“Ek wil skoolhoof Stein, die skooladministrateurs, onderwysers en leerders van Mariental Hoërskool vra om die tegnologie te omarm wat julle vandag ontvang het. Neem eienaarskap en sorg vir die toerusting om die afbreek of verdwyning daarvan te voorkom, sodat baie jare nadat julle weg is, ander ook voordeel daaruit kan trek. Maak die meeste van hierdie aanbod, en mag dit met julle goed gaan in die komende eksamens,” het Gertze gesê.
Goewerneur Isaack het die betrekking tussen MultiChoice en die minister as ’n slim vennootskap beskryf. Sy het ’n belofte gemaak om spesiale aandag te skenk aan die toestand van die toerusting in die skole in haar streek.
“Ek sal na al die skole gaan waar die plasmaskerms en PVR-dekodeerders geïnstalleer is, om te sien of die kinders ten volle van die belegging gebruik maak. Ek onderneem verder om die minister van onderwys op die hoogte te hou oor die waarde wat die kinders hieruit put. Ek sal nie my skoolbesoeke vooraf aankondig nie, maar net onverwags opdaag om self te sien in watter toestand dié hulpbronprogram in my streek is. Wees op die uitkyk na die goewerneur, sy kom aan!” het sy gesê.
Multichoice Namibië se hulpbronprogram is deel van ’n 10 jaar Multichoice Afrika-inisiatief wat soortgelyke sentrums in sowat 1 900 skole in 29 lande op die vasteland opgerig het. “Hierdeur word die uitgebreide omvang en vermoë van DStv se digitale satelliettegnologie ingespan om hoë gehalte leermateriaal na skole in Afrika te bring,” het Gertze gesê.
Sy was vergesel van mnr. Roger Gertze, hoofbestuurder van MultiChoice Namibia; me. Esme Isaack, goewerneur van die Hardapstreek, Mariental se burgemeester, mnr. Willem Mensah, en die voorsitter van die Hardap-streekraad, mnr. Edward Wambo.
Die doel was om die bekendstelling van die verbeterde MultiChoice Hulpbronsentrum (MRC) by die skool te vier.
Die sentrum het ’n nuwe plasmatelevisieskerm met bykomende monteerraam, satellietskottel en persoonlike video-opnemer (PVR) ontvang. Terselfdertyd het die skool se onderwysers opleiding ontvang in die gebruik van die toerusting en hoe om die inhoud met onderrig te integreer. Die ingeslote DStv-opvoedingspakket bied aan onderwysers toegang tot nuwe materiaal en hulpbronne, veral omdat hulle dit kan opneem en vertoon soos dit hulle pas. Die pakket sluit in Business Day TV, BBC World News, Mind-set, MBC, History, BBC Knowledge, Animal Planet, Nat Geo Wild, National Geographic en die Discovery Channel.
In haar toespraak het minister Hanse-Himarwa vir Stein gevra om seker te maak die kinders baat ten volle by dié “deurbraak-uitkoms” wat die toerusting kan bied.
“Hierdie toerusting moet nie stof in die biblioteek vergaar nie en ek as minister van onderwys, afkomstig van die Hardapstreek en Mariental, sal besondere aandag aan die eksamenuitslae van hierdie streek skenk. Ek sal nie verswakking van eksamenuitslae aanvaar nie, veral nie nadat die plasmaskerms en PVR-dekodeerders hier afgelewer is nie,” het sy gesê.
Altesaam 300 skole in Namibië kry dié jaar verbeterde toegang tot gehalte opvoedkundige televisie en programme vol inligting oor die wêreld om hulle.
“Ek wil skoolhoof Stein, die skooladministrateurs, onderwysers en leerders van Mariental Hoërskool vra om die tegnologie te omarm wat julle vandag ontvang het. Neem eienaarskap en sorg vir die toerusting om die afbreek of verdwyning daarvan te voorkom, sodat baie jare nadat julle weg is, ander ook voordeel daaruit kan trek. Maak die meeste van hierdie aanbod, en mag dit met julle goed gaan in die komende eksamens,” het Gertze gesê.
Goewerneur Isaack het die betrekking tussen MultiChoice en die minister as ’n slim vennootskap beskryf. Sy het ’n belofte gemaak om spesiale aandag te skenk aan die toestand van die toerusting in die skole in haar streek.
“Ek sal na al die skole gaan waar die plasmaskerms en PVR-dekodeerders geïnstalleer is, om te sien of die kinders ten volle van die belegging gebruik maak. Ek onderneem verder om die minister van onderwys op die hoogte te hou oor die waarde wat die kinders hieruit put. Ek sal nie my skoolbesoeke vooraf aankondig nie, maar net onverwags opdaag om self te sien in watter toestand dié hulpbronprogram in my streek is. Wees op die uitkyk na die goewerneur, sy kom aan!” het sy gesê.
Multichoice Namibië se hulpbronprogram is deel van ’n 10 jaar Multichoice Afrika-inisiatief wat soortgelyke sentrums in sowat 1 900 skole in 29 lande op die vasteland opgerig het. “Hierdeur word die uitgebreide omvang en vermoë van DStv se digitale satelliettegnologie ingespan om hoë gehalte leermateriaal na skole in Afrika te bring,” het Gertze gesê.
Kommentaar
Republikein
Geen kommentaar is op hierdie artikel gelaat nie