Skole in Kunenestreek kry groot steun

Ses skole in die Opuwo landelike kiesafdeling in die Kunenestreek spog nou met nuwe eetsale, kombuise, verblyf vir onderwyses en ablusiegeriewe. Dié infrastruktuur het bykans N$24 miljoen gekos en is deur middel van die Namibies-Duitse Spesiale Inisiatiefprogram (NGSIP) gebou.Die Gekombineerde Skool Okaoko-Otavi is nou ’n koshuis en ’n informele kombuis ryker, terwyl die skool by Otjitoko ’n saal, koshuis en informele kombuis gekry het. Die Otjondeka-skool het ’n koshuis gekry en die Ombomo- en Hungua-skool het informele kombuise, verblyf vir onderwysers, eetsale en ablusiegeriewe ontvang. Die Gekombineerde Skool Hungua was die grootse begunstigde wat ’n gemeubileerde eetsaal en kombuis ter waarde van ietwat meer as N$6 miljoen ontvang het.“Namibië is die land in Afrika wat per capita die grootste ontvanger van Duitse ontwikkelingshulp is,” het mnr. Christian Grün, hoof van samewerking verbonde aan die Duitse ambassade in Namibië gesê. Volgens hom het Duitsland die afgelope 26 jaar omtrent €840 miljoen aan ontwikkeling in Namibië bestee. “Ons wil Namibië help om te ontwikkel ter wille van alle inwoners, maar ook omdat Namibië ’n demokratiese, vooruitstrewende en stabiele land is op ’n vasteland wat tot ’n groot mate onstabiel is.” Tot dusver het NGSIP meer as N$138 miljoen aan 500 skole in sewe streke bestee.

Skole in Kunenestreek kry groot steun

Kommentaar

Republikein 2025-07-16

Meld asseblief aan om kommentaar te lewer

Skole in Kunenestreek kry groot steun

Kommentaar

Republikein 2025-07-16

Meld asseblief aan om kommentaar te lewer

MELD AAN

Advertensie