Skerp dienste by grensposte op

PASSIEVOLLE NAMIBIËR SKRYF:Ek vertrou dat hierdie skrywe die regte Sstaatsdepartement se aandag sal trek, want dringende aandag is by ons grensposte nodig.Dit is verblydend dat die regering aangekondig het dat dit makliker gemaak word vir toeriste om Namibië te besoek, veral dat Covid-blitstoetse vir aankoms aanvaarbaar is, en so het SA ook die beweging van toeriste vergemaklik deurdat Covid-blitstoetse met uitgaan vanaf Namibië by die SA grenspos gedoen kan word. Hierdie goeie nuus moet egter opgevolg word met ’n groot verbetering by die Namibiese grensposte.Op die vormpie wat vir paspoortbeheer voltooi word, is daar die vraag: “Hoeveel N$ gaan jy in Namibië spandeer?”As mens verblyf by gastehuise, NWR, Gondwana, hotelle ens., brandstof, etes, spandering aan visvang of jag, koop van aandenkings en nog baie ander bymekaar tel, word maklik tien of twintigduisend N$ per persoon daar ingevul. Die som daarvan word baie vinnig honderde of duisende miljoene N$ wat broodnodig is vir die Namibiese ekonomie, en die behoud of skepping van werksgeleenthede.Dit is dus van uiterste belang dat die goedbedoelde aankondigings om toeriste te trek, opgevolg moet word met ’n drastiese verbetering by grensposte, anders gaan die kabinet se baie goeie stappe by die grensposte verongeluk word.Hier is ons ervaring.My vrou en ek het op 12 Maart Namibië by die Ariamsvlei-grenspos binnegekom. Dit was nie ’n aangename ervaring nie.Eerstens moes ons na ’n baie slordige Covid-toetsgeboutjie gaan. Slegs een klerk was aan diens. Al die toeriste staan buite in die bloedige son, en die wind het erg gewaai. Mens moet eers by die tou mense verby stap om ’n vorm te kry.Met die vorm in die hand is daar geen oppervlak om op te skrywe nie. Mense probeer die vorm teen die muur vasdruk, maar dit is growwe stene. Party gaan sit plat op die grond om op iets te probeer skrywe. Ons het buite op ’n asdrom ons vorms ingevul.Die kommentaar van die mense was baie negatief. Dit het lank geneem om hierdie Covid-stap af te handel.Kan hierdie fasiliteit nie opgegradeer word met meer klerke, oppervlaktes om op te skrywe en sodat mense onderdak staan nie? Dit kan mos binne enkele dae en teen min koste gedoen word.Daarna is ons na die immigrasietoonbank en het die vormpies ingevul, met 'n aanduiding van hoeveel N$ ons in die land gaan spandeer. Weereens was dit net een klerk, en hierdie stap het ook baie lank geneem.Ook hier kan blitsig ’n verbetering gemaak word, veral met die oog daarop dat toerisme stadig weer behoort op te tel, met gevolglike miljarde wat in Namibië gespandeer gaan word.Die derde stap was ook maar tydrowend, tewete die betaling van die fooie vir jou voertuig.Die totale indruk van die Ariamsvlei-grenspos is een van verval, slordigheid en onvriendelikheid. En dit kan so maklik reggestel word met die regte opleiding en opgradering, sodat almal deel kan word van die kabinet se spanpoging om besoekers aan Namibië welkom te laat voel.Namibië is ’n ongelooflike pragtige land met die mees fantastiese mense. Dit is ons almal se plig dat elkeen deel word van die kabinet se bedoeling om toeriste by hulle tienduisende terug te lok na die beste land in die wêreld.Groetnis

Skerp dienste by grensposte op

Kommentaar

Republikein 2026-07-03

Meld asseblief aan om kommentaar te lewer

Skerp dienste by grensposte op

Kommentaar

Republikein 2026-07-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.