Skandeerders: Sersant vas
Francoise Steynberg - ''n Sersant van lugvaartsekuriteit het gister in die Katutura- landdroshof verskyn nadat hy glo die vermeende Chinese smokkelaar van 18 renosterhorings by die skandeerders op die Internasionale Lughawe Hosea Kutako laat deurglip het.
Volgens ''n woordvoerder van die polisie, komm. Edwin Kanguatjivi, is sersant Pendapala Abraham Iitula (42) al Maandag om 18:00 by die lughawe in hegtenis geneem nadat hy glo verlede Woensdag ydens die voorval by die skandeerders gewerk het.
Iitula het gister in die Katutura-landdroshof op ''n klag van regsverydeling verskyn en is op borgtog van N$2 000 vrygelaat, volgens Kanguatjivi.
Die saak is tot 3 Februarie 2017 uitgestel.
Intussen het die Chinese beskuldigde, mnr. Ye Zhiwei (28), weer gister in die hof in Kemptonpark, Suid-Afrika, verskyn, het kapt. Carol Mulamu van die Valke in Gauteng aan Republikein bevestig.
"Hy bly in aanhouding en sy saak is tot 13 Desember vir sy formele borgtogaansoek uitgestel," het Mulamu gesê.
Die Namibiese Lughawensmaatskappy (NAC) het verlede Donderdagaand bevestig dat ondersoeke aan die lig gebring het dat die onwettige horings by die skandeerders van die passasiertransit-area waargeneem is.
Die bemarkingsbeampte van NAC, mnr. Dan Kamati, het gesê opvolgondersoeke is onderweg om te bepaal waarom en hoe die passasier toegelaat is om deur te gaan. Die ondersoek sou deur die betrokke rolspelers saam met lugvaartsekuriteit uitgevoer word.
Ye was verlede Woensdagoggend op ‘n vroeë oggendvlug vanaf Hosea Kutako na die Internasionale Lughawe O.R. Tambo in Johannesburg en is dié middag deur die Valke op die lughawe met die 18 horings in sy reistasse betrap.
Hy was op pad om op ’n vliegtuig van die Suid-Afrikaanse Lugdiens na Hongkong te klim toe die Valke se eenheid vir ernstige georganiseerde misdaad hom voorgekeer en sy reistasse deursoek het. Die horings met ''n gewig van meer as 43 kg was in sy reistasse verseël en die waarde beloop miljoene.
Ye is onmiddellik in hegtenis geneem.
Hy sou via Johannesburg na Hongkong gevlieg het met sy eindbestemming Fuzhou in die Fujian-provinsie, in suidoostelike China.
Volgens ''n woordvoerder van die polisie, komm. Edwin Kanguatjivi, is sersant Pendapala Abraham Iitula (42) al Maandag om 18:00 by die lughawe in hegtenis geneem nadat hy glo verlede Woensdag ydens die voorval by die skandeerders gewerk het.
Iitula het gister in die Katutura-landdroshof op ''n klag van regsverydeling verskyn en is op borgtog van N$2 000 vrygelaat, volgens Kanguatjivi.
Die saak is tot 3 Februarie 2017 uitgestel.
Intussen het die Chinese beskuldigde, mnr. Ye Zhiwei (28), weer gister in die hof in Kemptonpark, Suid-Afrika, verskyn, het kapt. Carol Mulamu van die Valke in Gauteng aan Republikein bevestig.
"Hy bly in aanhouding en sy saak is tot 13 Desember vir sy formele borgtogaansoek uitgestel," het Mulamu gesê.
Die Namibiese Lughawensmaatskappy (NAC) het verlede Donderdagaand bevestig dat ondersoeke aan die lig gebring het dat die onwettige horings by die skandeerders van die passasiertransit-area waargeneem is.
Die bemarkingsbeampte van NAC, mnr. Dan Kamati, het gesê opvolgondersoeke is onderweg om te bepaal waarom en hoe die passasier toegelaat is om deur te gaan. Die ondersoek sou deur die betrokke rolspelers saam met lugvaartsekuriteit uitgevoer word.
Ye was verlede Woensdagoggend op ‘n vroeë oggendvlug vanaf Hosea Kutako na die Internasionale Lughawe O.R. Tambo in Johannesburg en is dié middag deur die Valke op die lughawe met die 18 horings in sy reistasse betrap.
Hy was op pad om op ’n vliegtuig van die Suid-Afrikaanse Lugdiens na Hongkong te klim toe die Valke se eenheid vir ernstige georganiseerde misdaad hom voorgekeer en sy reistasse deursoek het. Die horings met ''n gewig van meer as 43 kg was in sy reistasse verseël en die waarde beloop miljoene.
Ye is onmiddellik in hegtenis geneem.
Hy sou via Johannesburg na Hongkong gevlieg het met sy eindbestemming Fuzhou in die Fujian-provinsie, in suidoostelike China.
Kommentaar
Republikein
Geen kommentaar is op hierdie artikel gelaat nie