Sjebiens weer oop van Maandag tot Saterdag

Sjebiens kan weer Maandag tot Saterdag van 09:00 tot 21:00 drank verkoop. Dit vorm deel van die nuwe regulasies wat gister in die Staatskoerant gepubliseer is. Volgens die nuwe regulasies word drankverkope nou weeksdae (Maandag tot Vrydag) van 09:00 tot 18:00 en Saterdae van 09:00 tot 13:00 toegelaat. Waar drank op 'n perseel verkoop en gebruik word, is dit toelaatbaar van 09:00 tot 22:00 Maandag tot Saterdag. Geen drankverkope word op Sondae toegelaat nie, behalwe waar dit verkoop word aan 'n persoon in 'n restaurant of gastehuis ens. waar dit op die perseel gebruik word. Dit word egter ook net tot 22:00 toegelaat.