Sinus pootjie Hekkie in nederlaag
Die Suid-Afrikaner moes sy WBA-titel afstaan.
Michael Green - Sinusprobleme het 'n groot rol in Hekkie Budler se onlangse nederlaag gespeel, sê Colin Nathan, dié bokser se afrigter.
Budler het sy junior-vlieggewigtitel van die Wêreldboksvereniging (WBA) op Oujaarsaand in Macau verloor toe hy nie vir die elfde ronde van sy geveg teen Hiroto Kyoguchi van Japan uit sy hoek gekom het nie.
“Hekkie het sinusprobleme en gebruik 'n asmapompie. Die aand voor die geveg was sy neus verstop. Ons het hom met Vicks VapoRub behandel, maar dit het nie gehelp nie,” het Nathan aan The Ring gesê.
Budler het aanvanklik heel goed vertoon teen Kyoguchi, maar van die sewende ronde af het die Japanner die geveg begin oorheers.
Budler, wat toe gesukkel het om behoorlik asem te haal, was met punte agter toe Nathan voor die elfde ronde besluit het om die handdoek in te gooi.
“Hy kon nie meer die geveg omkeer nie en was besig om onnodige houe te verduur,” sê Nathan.
Budler was in die kryt baie sportief en het die bedeesde toeskouers in die Wynn Palace Cotoi aangemoedig om Kyoguchi 'n behoorlike sarsie applous te gee.
Hy het die Japanner ook in die lug opgetel.
“Hy (Kyoguchin) was sterker as wat ek verwag het. Hy was op die aand die beter vegter,” sê Budler.
Volgens Nathan, wat ook Budler se bestuurder is, sal Budler nou 'n paar weke blaaskans kry voor daar besluit word teen wie hy volgende sal veg.
Die bokser het gesê hy sal aanhou om as junior-vlieggewig te veg.
– Netwerk24
Budler het sy junior-vlieggewigtitel van die Wêreldboksvereniging (WBA) op Oujaarsaand in Macau verloor toe hy nie vir die elfde ronde van sy geveg teen Hiroto Kyoguchi van Japan uit sy hoek gekom het nie.
“Hekkie het sinusprobleme en gebruik 'n asmapompie. Die aand voor die geveg was sy neus verstop. Ons het hom met Vicks VapoRub behandel, maar dit het nie gehelp nie,” het Nathan aan The Ring gesê.
Budler het aanvanklik heel goed vertoon teen Kyoguchi, maar van die sewende ronde af het die Japanner die geveg begin oorheers.
Budler, wat toe gesukkel het om behoorlik asem te haal, was met punte agter toe Nathan voor die elfde ronde besluit het om die handdoek in te gooi.
“Hy kon nie meer die geveg omkeer nie en was besig om onnodige houe te verduur,” sê Nathan.
Budler was in die kryt baie sportief en het die bedeesde toeskouers in die Wynn Palace Cotoi aangemoedig om Kyoguchi 'n behoorlike sarsie applous te gee.
Hy het die Japanner ook in die lug opgetel.
“Hy (Kyoguchin) was sterker as wat ek verwag het. Hy was op die aand die beter vegter,” sê Budler.
Volgens Nathan, wat ook Budler se bestuurder is, sal Budler nou 'n paar weke blaaskans kry voor daar besluit word teen wie hy volgende sal veg.
Die bokser het gesê hy sal aanhou om as junior-vlieggewig te veg.
– Netwerk24
Kommentaar
Republikein
Geen kommentaar is op hierdie artikel gelaat nie