Simon pa-en-seun die trekpleister
Boks
Harry Simon het ’n goeie vertoning belowe wanneer hy môreaand teen Kaminja Ramadhan van Tanzanië in die Ramatex-saal deur die kryttoue klim.
Die hoofgeveg word onder meer voorafgegaan deur sy seun, Harry Simon Junior, se botsing teen Meshack Kondwani van Zimbabwe – die eerste keer in Namibië dat ’n pa en seun op dieselfde aand in beroepsgevegte in aksie is.
Die 44-jarige Harry Simon Senior, ’n eertydse wêreldkampioen en met ’n skoon beroepsrekord van 30 gevegte, se gewildheid het die afgelope jare ondanks sy onaktiwiteit ongeskonde gebly. Sy Tanzaniese opponent Ramadhan is op 42-jarige leeftyd ook al verby sy beste, met ’n rekord van 12 gewen, agt verloor en een gelykopuitslag.
Simon het dié week erken hy weet min van sy teenstander, maar dat hy gewis sal wys dat hy die beter vegter is – ongeag of hy met ’n vroeë uitklophou of ’n eenparige puntebeslissing wen.
Harry Simon Junior het sover net sagte teenstand in sy beroepsloopbaan van ses oorwinnings beleef. Hy word môreaand opgeweeg teen ’n 44-jarige veteraan wat tevore in Windhoek teen onder andere Paulus Moses, Betuel Uushona, Julius Indongo en Albinus Felesianu verloor het. Kondwani het inderdaad sy laaste 15 gevegte verloor en staan nou op 20 oorwinnings en 20 nederlae.
Ander gevegte op die program sluit in Albinus Felesianu teen Limbani Chipaka van Malawi (superliggewig), asook die terugkeer van die ligswaargewig Vikapita Meroro (28 gewen, sewe verloor) wat teen ’n ervare Malawiër in Mussa Ajibu (28 gewen, 11 verloor, vyf gelykop) te staan kom. Ajibu is in April vanjaar deur Wilbeforce Shihepo in die derde ronde uitgeslaan.
Die gevegte by Ramatex-saal begin om 18:00. Kaartjies is Shoprite en Checkers-winkels beskikbaar teen N$300 vir sitplekke naaste aan die kryt, of N$100 vir gewone toegang.
Die hoofgeveg word onder meer voorafgegaan deur sy seun, Harry Simon Junior, se botsing teen Meshack Kondwani van Zimbabwe – die eerste keer in Namibië dat ’n pa en seun op dieselfde aand in beroepsgevegte in aksie is.
Die 44-jarige Harry Simon Senior, ’n eertydse wêreldkampioen en met ’n skoon beroepsrekord van 30 gevegte, se gewildheid het die afgelope jare ondanks sy onaktiwiteit ongeskonde gebly. Sy Tanzaniese opponent Ramadhan is op 42-jarige leeftyd ook al verby sy beste, met ’n rekord van 12 gewen, agt verloor en een gelykopuitslag.
Simon het dié week erken hy weet min van sy teenstander, maar dat hy gewis sal wys dat hy die beter vegter is – ongeag of hy met ’n vroeë uitklophou of ’n eenparige puntebeslissing wen.
Harry Simon Junior het sover net sagte teenstand in sy beroepsloopbaan van ses oorwinnings beleef. Hy word môreaand opgeweeg teen ’n 44-jarige veteraan wat tevore in Windhoek teen onder andere Paulus Moses, Betuel Uushona, Julius Indongo en Albinus Felesianu verloor het. Kondwani het inderdaad sy laaste 15 gevegte verloor en staan nou op 20 oorwinnings en 20 nederlae.
Ander gevegte op die program sluit in Albinus Felesianu teen Limbani Chipaka van Malawi (superliggewig), asook die terugkeer van die ligswaargewig Vikapita Meroro (28 gewen, sewe verloor) wat teen ’n ervare Malawiër in Mussa Ajibu (28 gewen, 11 verloor, vyf gelykop) te staan kom. Ajibu is in April vanjaar deur Wilbeforce Shihepo in die derde ronde uitgeslaan.
Die gevegte by Ramatex-saal begin om 18:00. Kaartjies is Shoprite en Checkers-winkels beskikbaar teen N$300 vir sitplekke naaste aan die kryt, of N$100 vir gewone toegang.
Kommentaar
Republikein
Geen kommentaar is op hierdie artikel gelaat nie