Silwer beker wink vir Gim of Affies

Andrew Poolman - Twee goed afgerigte spanne met slaankrag voor en agter takel mekaar môreaand in die Momentum onder 19 Superliga rugby-eindstryd.Gaan Windhoek Afrikaanse Privaatskool beloon word vir 'n seisoen waarin hy boaan die puntelys geëindig het? En gaan sy ambisie genoeg wees om die knoop deur te haak vir 'n geskiedkundige eerste triomf vir die skool wat in 2016 sy eerste eindstryd gehaal en teen WHS verloor het?Aan die ander kant sal die Windhoek Gimnasium Leeus nie naastenby geneë wees om van die titel afstand te doen wat hulle verlede jaar gewen het nie. Dis ook die Gimmies se kans om wraak te neem teen 'n span teen wie hulle 'n ligawedstryd vanjaar op opspraakwekkende wyse met 40-8 verloor het.“Ek sal nie 'n wenner wil voorspel nie, want dis twee werklike goeie spanne. Albei het groot baldraers vir wie hulle die bal kan gee om skade te maak, so dit gaan 'n lekker finaal wees en die span wat dit die meeste wil hê, gaan hom vat. “Windhoek Affies sal honger wees vir sukses en het wedstrydwenners in Bernhardt Wessels, Jurgen-Leigh Human en Danie van der Merwe, maar Gimnasium is goed afgerig en het 'n goeie kombinasie en wedstrydplan.”Só sê Henry Kemp, afrigter van Samsung WHS wie se span vanweë beserings heelwat anders lyk vir hul opwindende bronsfinaal vanaand teen OK Foods Moria. Kemp is vandeesweek ook aangestel as afrigter van die Namibiese o.20-span wat einde vandeesmaand in die Wêreldrugby Junior Trofee-toernooi in Roemenië gaan meeding.Schoemans-groep Windhoek Gimnasium I (15-1): Wiks Tromp, Lyle Beukes, Kieron Diergaardt, Léan Rossouw, Mell Theunissen, Samuel Poulton, Archie Norval, Monré Meyer (kapt), Lean Mostert, Christopher de Jager, André van der Merwe, Michael Thuynsma, Ethan Thiart, Louw Steenkamp, Riyaruka Maurihungirire.Reserwes: Zane Feris, 17 Shaun van Wyk, Marco Lombard, Jaun-Louis Zaayman, Ethan Gaya-Rittman, Jahno du Plessis, Lianzo Cupido, Jean-Pierre Steyn. Afrigter: Jaco Engels.KMC/JCC Windhoek Affies I: Herman Steyn, Louis Karsten, Zinzan Steenkamp, Christiaan Celliers, 11 Keanu Engelbrecht, Johan Zaayman, Danie van der Merwe (kapt), Bernhardt Wessels, Hofmeyr van Blerk, Kobus Wilders, Roelof Theron, De Wet Oosthuizen, Jurgen-Leigh Human, Ruan Strydom, Ernst Lowe.Reserwes: Lucas Maree, Joshua Mienie, Milne Becker, 19 Pieter du Preez, Ruben du Preez, Ruan Opperman, Christo Liebenberg, Arthur Lewies. Afrigter: Johan Zaayman.• Sien die volledige wedstrydprogram op bladsy 18.

Silwer beker wink vir Gim of Affies

Kommentaar

Republikein 2025-05-02

Meld asseblief aan om kommentaar te lewer

Silwer beker wink vir Gim of Affies

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie