Sikloon Idai: Duisende het cholera, malaria

Deur Elise Tempelhoff - Die dodetal van die verwoestende sikloon Idai wat Mosambiek, Malawi en Zimbabwe byna ’n maand gelede getref het, het Vrydag tot 1 005 gestyg.602 mense is in Mosambiek dood, 344 mense in Zimbabwe en 59 in Malawi, het Al Jazeera Vrydag berig.Op 27 Maart het cholera in die Mosambiekse hawestad Beira uitgebreek. Die siekte is al by 4 072 mense gediagnoseer en het minstens sewe lewens geëis.Sowat 30 000 mense is reeds teen cholera ingeënt.7 000 malariagevalle is ook aangeteken.Henny de Vries, Nederlandse ambassadeur in Mosambiek, het getwiet muskietnette en medisyne is dringend nodig om mense teen malaria te beskerm.Die Verenigde Nasies het Idai vroeër bestempel as die dodelikste sikloon wat die Suidelike Halfrond tot nog toe getref het.257 mense in Zimbabwe word steeds vermis, het Monica Mutsvanga, minister van inligting, aan Al Jazeera gesê.Nou staar hongersnood miljoene oorlewendes in die gesig.Die Wêreldvoedselprogram (WFP) het Dinsdag in ’n verklaring gesê minstens 3 miljoen mense in Zimbabwe, Mosambiek en Malawi is sonder kos.Die Amerikaanse tak van die WFP het vandeesweek $31 miljoen vir voedselhulp geskenk. Dit sal aanvanklik genoeg wees om kos te kry by die helfte van dié wat nou ernstige voedselnood ervaar.Daar is ook nog mense wat in verafgeleë gebiede vasgekeer is.Humane Society International (HIS) het intussen ook ’n span helpers na die gebied gestuur wat die ergste deur Idai getref is om diere in nood te help. Hul span gee nou kos aan diere wat oënskynlik van hul eienaars vervreem is, sê HSI in ’n verklaring.Tot dusver het meer as 200 diere wat in die sikloon beseer is, hulp gekry. Dit sluit honde, katte en ’n hele klomp beeste, varke en bokke in.HSI het ook spesiaal ’n helikopter uitgestuur om diere te help wat op plekke is wat van die buitewêreld afgesny is.Diere wat gehelp word, kry vitamiene en word met antibiotika ingespuit om te keer dat hulle siek word. Die diere, waarvan sommige ontwater is, kry ook onmiddellik skoon water.Baie gemeenskappe het “onbeskryflike verliese gely”, het Kelly Donithan van HSI se dierereddingspan Vrydag gesê.In baie gemeenskappe is die mense en hul diere dood. In een gemeenskap buite Beira het net 16 beeste van ’n trop van 108 die sikloon oorleef.Die span kom ook op klein hondjies af waarvan die ma in die sikloon dood is.Donithan sê die HSI-span werk byna 24 uur per dag om diere se lyding te probeer verlig.“Oor Malawi en Mosambiek heen is diere vir mense baie belangrik. In die meeste gevalle vorm diere die middelpunt van gemeenskappe. Deur lewensreddende hulp te gee, probeer HSI gemeenskappe help op die lang pad na herstel.”HSI het komberse, dierekos en dieremedisyne nodig. – Netwerk24

Sikloon Idai: Duisende het cholera, malaria

Kommentaar

Republikein 2025-05-01

Meld asseblief aan om kommentaar te lewer

Sikloon Idai: Duisende het cholera, malaria

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie