Sikloon Debbie tref Australië
Reuseskade is aangerig deur 'n sikloon wat gister deur Australië se noordooste beweeg het.
Winde van tot 260 kilometer per uur is by 'n toeriste-oord by die wêreldbekende Great Barrier Reef gemeet toe die kragtige sikloon Debbie aan land gekom het as 'n kategorie 4-storm, een rang laer as die gevaarlikste windspoedvlak.
Dit is later afgegradeer tot 'n kategorie 3-storm.
Weervoorspellers het aangedui dat die winde vir tot tien uur kon woed, alhoewel dit vinnig sou verswak en waarskynlik spoedig tot 'n kategorie 1-storm afgegradeer sou word.
Volgens die polisie is 'n man ernstig beseer toe 'n muur in Proserpine, ongeveer 900 km noordwes van Queensland se hoofstad, Brisbane, omgeval het. Hy is vir behandeling na die hospitaal geneem.
Die weersomstandighede was gister te erg om enige bepaling van die omvang van die skade te doen of noodreaksie te ontplooi.
Duisende Australiërs het hul huise ontruim voor die aanvang van die storm.
Ander het egter die owerhede se waarskuwing geïgnoreer dat wind van tot 300 km kan voorkom.
Annastacia Palaszczuk, die premier van Queensland, het gewaarsku dat dit die kragtigste storm sedert sikloon Yasi in 2011 kan wees waarin huise, gewasse en vakansieoorde verwoes is.
Sowat 3 500 mense het hul huise in laagliggende gebiede naby Townsville ontruim, terwyl nog 2 000 in Bowen aangeraai is om ook hul huise te verlaat, het Palaszczuk gesê.
“Dit gaan 'n nare sikloon wees,” het Palaszczuk aan die Nine Network-televisiestasie gesê. “Hierdie windvlae gaan baie groot wees.”
Volgens Thomson Reuters Eikon se weer- en mynboudata gaan die sikloon na verwagting die meeste van die streek se steenkoolmyne mis en is daar nie enige vragskepe in die storm se pad nie.
Maatskappye in die gebied wil egter nie kanse waag nie.
Die Abbot Point-steenkoolterminus en hawens by Mackay en Hay Point is tot verdere kennisgewing gesluit, het die hawewoordvoerder, Fiona Cunningham, gesê.
BHP Billiton het sy bedrywighede by sy South Walker Creek-steenkoolmyn opgeskort.
Glencore sê sy bedrywighede by die Collinsville- en Newslands-steenkoolmyn is gestaak.
Die Townsville-lughawe is gesluit en die lugdienste Qantas, Jetstar, Rex en Virgin Australia se vlugte wat vir Maandag en Dinsdag na en van die streek geskeduleer is, is gekanselleer.
“Ons sal kyk hoe dit gaan en ons samewerking gee,” het 'n inwoner van Cungulla, Mike Kennedy, aan die Australiese uitsaaikorporasie gesê.
Queensland is vir sowat 95% van Australië se piesangproduksie verantwoordelik, en hoewel sikloon Debbie die grootste streke in die verre noorde behoort te mis, sê ontleders swaar reën en sterk winde kan aansienlike skade aan gewasse aanrig.
Die polisie sê die gure weer wat met die storm gepaardgaan, is verantwoordelik vir 'n motorongeluk waarin 'n 31-jarige toeris dood is.
Die polisie het nie die vrou se nasionaliteit bekend gemaak nie. - Nampa/Reuters/Netwerk24
Dit is later afgegradeer tot 'n kategorie 3-storm.
Weervoorspellers het aangedui dat die winde vir tot tien uur kon woed, alhoewel dit vinnig sou verswak en waarskynlik spoedig tot 'n kategorie 1-storm afgegradeer sou word.
Volgens die polisie is 'n man ernstig beseer toe 'n muur in Proserpine, ongeveer 900 km noordwes van Queensland se hoofstad, Brisbane, omgeval het. Hy is vir behandeling na die hospitaal geneem.
Die weersomstandighede was gister te erg om enige bepaling van die omvang van die skade te doen of noodreaksie te ontplooi.
Duisende Australiërs het hul huise ontruim voor die aanvang van die storm.
Ander het egter die owerhede se waarskuwing geïgnoreer dat wind van tot 300 km kan voorkom.
Annastacia Palaszczuk, die premier van Queensland, het gewaarsku dat dit die kragtigste storm sedert sikloon Yasi in 2011 kan wees waarin huise, gewasse en vakansieoorde verwoes is.
Sowat 3 500 mense het hul huise in laagliggende gebiede naby Townsville ontruim, terwyl nog 2 000 in Bowen aangeraai is om ook hul huise te verlaat, het Palaszczuk gesê.
“Dit gaan 'n nare sikloon wees,” het Palaszczuk aan die Nine Network-televisiestasie gesê. “Hierdie windvlae gaan baie groot wees.”
Volgens Thomson Reuters Eikon se weer- en mynboudata gaan die sikloon na verwagting die meeste van die streek se steenkoolmyne mis en is daar nie enige vragskepe in die storm se pad nie.
Maatskappye in die gebied wil egter nie kanse waag nie.
Die Abbot Point-steenkoolterminus en hawens by Mackay en Hay Point is tot verdere kennisgewing gesluit, het die hawewoordvoerder, Fiona Cunningham, gesê.
BHP Billiton het sy bedrywighede by sy South Walker Creek-steenkoolmyn opgeskort.
Glencore sê sy bedrywighede by die Collinsville- en Newslands-steenkoolmyn is gestaak.
Die Townsville-lughawe is gesluit en die lugdienste Qantas, Jetstar, Rex en Virgin Australia se vlugte wat vir Maandag en Dinsdag na en van die streek geskeduleer is, is gekanselleer.
“Ons sal kyk hoe dit gaan en ons samewerking gee,” het 'n inwoner van Cungulla, Mike Kennedy, aan die Australiese uitsaaikorporasie gesê.
Queensland is vir sowat 95% van Australië se piesangproduksie verantwoordelik, en hoewel sikloon Debbie die grootste streke in die verre noorde behoort te mis, sê ontleders swaar reën en sterk winde kan aansienlike skade aan gewasse aanrig.
Die polisie sê die gure weer wat met die storm gepaardgaan, is verantwoordelik vir 'n motorongeluk waarin 'n 31-jarige toeris dood is.
Die polisie het nie die vrou se nasionaliteit bekend gemaak nie. - Nampa/Reuters/Netwerk24
Kommentaar
Republikein
Geen kommentaar is op hierdie artikel gelaat nie