Sifting begin vir beste o.20-span

Andrew Poolman - Die Namibië Rugby-unie het ná afloop van verlede naweek se eerste stel onder 20-proewe 'n oefengroep van 45 spelers aangekondig.Die nasionale junior span sal vanjaar baie fyn dopgehou word in die uitvoering van 'n uiters belangrike taak, naamlik om Namibië se eer op dié vlak te herstel.Namibië het verlede jaar vir die eerste keer in sewe jaar sy plek prysgegee om die vasteland by die Wêreldrugby Onder 20 Trofee-toernooi te verteenwoordig.In hul plek het Kenia hierdie reg verwerf met 'n naelskraapse, laat oorwinning met 21-18 teen Namibië in Nairobi – waar vanjaar se Rugby Afrika Barthes-toernooi opnuut vanaf 19 tot 29 April aangebied sal word.Die Namibiërs is saam met Senegal, Zimbabwe en die Ivoorkus gegroepeer, terwyl Kenia, Madagaskar, Tunisië en Zambië die ander groep vorm.Gedurende Phil Davies se vyf jaar as senior nasionale afrigter van Namibië het hy deurgaans die beste o.20-spelers vroeg reeds blootgestel en vir talle van die huidige ysters wat nou by professionele klubs oorsee speel, was hul twee o.20-jare 'n belangrike trapklip in hul loopbaan. Die vierjaarsiklus na die 2023 Wêreldbekertoernooi in Frankryk begin hier en spelers wat ernstig is om uit die geleenthede van beroepsrugby munt te slaan, kan nou reeds na vore tree.Die NRU is tans nog in die proses om die aansoeke vir sy nasionale afrigtingsposte deur te werk. Die NRU het wel bekend gemaak dat die verkose o.20-oefengroep weer op 14 Maart by die Hage Geingob-stadion vir finale proewe byeen sal kom.“Byvoegings vir die finale proewe sal net op uitnodiging wees, want die oop proewe is mos nou afgehandel en die groep is gekies. Daar is nog spelers wat in Suid-Afrika is of wat die eerste proewe weens beserings of atletiekverpligtinge misgeloop het,” het mnr. Johan Diergaardt as lid van die keurkomitee gesê.Hoewel die stut-posisies se gebrek aan diepte nie juis vertroue inboesem nie, het die nuwe afrigter elders redelike opsies om mee te werk uit die skoolverlaters van die afgelope twee jare, asook enkeles wat hulle steeds op die skoolbanke bevind. Die verkose spelersgroep:Stutte: Bernd Beddies (Tsumeb Gimnasium), Edmando Coetzee (Reho Falcon), Darren de Klerk (St. Lou), Herschell van Wyk (WHS), Harry Ngasia (Grootfontein S.S.).Hakers (sommige ook as flanke oorweeg): Shaun van Wyk (Unam), J.C. Rossouw (Wanderers), Frikkie Engelbrecht (Tsumeb Gimnasium), Martinus Nekundi (Unam).Slotte: Gashwill Majiedt (Rehoboth), Denilo Feris (Reho Falcon), Romario Janga (Rehoboth, WHS), Pieter Daan Kok (Pukke, Tsumeb Gimnasium), Keynnen Basson (St. Lou), Brand Davids (Unam).Losvoorspelers: W.J. Otto (Tuks, Tsumeb Gimnasium), Dhale Cloete (Western Surburbs), Ewald Eksteen (Wanderers), Zander Bronkhorst (Vipers), Max Anderson (Rehoboth), Ethan Rittmann (Windhoek Gimnasium), Tangi Haihambo (Kudus), Itungaa Rukoro (HTS).Skrumskakels: Miquel Busch (Reho Falcon), Tyrese de Wee (WHS), Luandro Oberholzer (Vipers), Lizandro Beukes (Sharks-akademie).Losskakels: Johan Zaayman (Windhoek Affies), Renier Benade (Wanderers), Sergio Dinniz (Unam), Geraldo Beukes (WHS).Senters: Maandero Haimbodi (St. Lou, WHS), Timothy van Wyk (Paul Roos), Doctor Andreas (HTS), Donavan Resandt (St. Lou, WHS), Hatago Nunuhe (Triumphant College).Vleuels: Jayson Morkel (Wanderers), Lincoln Beukes (Grootfontein, Agri Kollege), Donell Gonteb (Pro-Ed Akademie), Steward Moller (Wanderers), Oela Blaauw (Paarl Gimnasium).Heelagters: A.J. Zaahl (Sharks-akademie), Ashton Mukwiilongo (Sharks-akademie), Marco Beukes (Reho Falcon), Jeandre Loubser (Windhoek Affies).

Sifting begin vir beste o.20-span

Kommentaar

Republikein 2025-10-14

Meld asseblief aan om kommentaar te lewer

Sifting begin vir beste o.20-span

Kommentaar

Republikein 2025-10-14

Meld asseblief aan om kommentaar te lewer

MELD AAN

Advertensie