Siek, maar steeds selle toe
Die ombudsman sê sy voorstelle kry nie aandag nie terwyl die derde golf woed.
Augetto Graig – Mnr. Nathaniel Kennedy (44) het gisternag in die aanhoudingselle van die Windhoek sentrale polisiekantoor deurgebring, nadat hy oggendtyd by sy huis, waar hy in kwarantyn was, in hegtenis geneem is.
Hy is siek met vermoedelike Covid-19-simptome en nadat sy meisie positief getoets het, was die paartjie laas week die hele week in isolasie, vertel sy.
Sy wou nie geïdentifiseer word nie. Haar poging om vir hom mediese hulp te kry, het misluk en sy het maar medikasie by die apteek gekoop in die hoop dat sy dit op 'n manier by hom kan kry, sê sy.
Hy sal vandag in die landdroshof verskyn om verplaas te word vir 'n verskyning môre in Walvisbaai op 'n bedrogklag.
Die Windhoek-polisiekantoor se bevelvoerder, hoofinspekteur Hilea Njambali, het bevestig dat Kennedy laas week reeds kans vir self-isolasie gegun is en gisteroggend ingebring is. Sy sê hy was afgesonder van die res van die sowat 120 mense in aanhouding by dié polisiekantoor.
“Wat moet ons doen?” vra sy oor die situasie, en noem dat 'n uitbreking van Covid-19 in die aanhoudingselle amper onafwendbaar is. As iemand winkeldiefstal pleeg en gevang word, moet hulle na die selle gebring word en wie weet of hulle positief of negatief vir Covid is, noem sy.
In Kennedy se geval slaan sy bors toe, hy is kortasem en grieperig.
“Hy het al die simptome,” sê sy vriendin. “Sy reuksintuig was ook weg, maar dit het teruggekom.”
Sy sê Kennedy was nie getoets nie, aangesien net sy aanvanklik erge simptome getoon het.
DIE OMBUDSMAN
Die ombudsman, adv. John Walters, sê hy kan nie inmeng in interne polisiekwessies nie, maar hy het reeds voorstelle aan die polisie, die regstelsel en korrektiewe dienste gemaak om oorbevolking in selle te verlig.
Met verwysing na gister se berig deur ons susterkoerant Namibian Sun waarin die nasionale polisiehoof lt.genl. Sebastian Ndeitunga sê die selle is oorvol, sê Walters: “Dit blyk hulle het nie een 'n oplossing nie. As die derde golf kom, sal dit definitief in die aanhoudingselle wees.”
Een van sy voorstelle was om pas gearresteerde mense afsonderlik van die res binne die aanhoudingselle te hou, om verdere infeksies te bekamp.
“My ervaring is dat daai selle oorvol is. Ons het al soveel voorstelle gemaak, maar niemand luister na my nie,” sê Walters. Beamptes van die kantoor van die ombudsman het hom ingelig van verskeie ander plekke waar aanhoudingselle oorvol is, en hy beplan om 'n verslag daaroor op te stel.
Volgens die huidige Covid-syfers bevind Namibië homself reeds in die derde golf.
– [email protected]
Hy is siek met vermoedelike Covid-19-simptome en nadat sy meisie positief getoets het, was die paartjie laas week die hele week in isolasie, vertel sy.
Sy wou nie geïdentifiseer word nie. Haar poging om vir hom mediese hulp te kry, het misluk en sy het maar medikasie by die apteek gekoop in die hoop dat sy dit op 'n manier by hom kan kry, sê sy.
Hy sal vandag in die landdroshof verskyn om verplaas te word vir 'n verskyning môre in Walvisbaai op 'n bedrogklag.
Die Windhoek-polisiekantoor se bevelvoerder, hoofinspekteur Hilea Njambali, het bevestig dat Kennedy laas week reeds kans vir self-isolasie gegun is en gisteroggend ingebring is. Sy sê hy was afgesonder van die res van die sowat 120 mense in aanhouding by dié polisiekantoor.
“Wat moet ons doen?” vra sy oor die situasie, en noem dat 'n uitbreking van Covid-19 in die aanhoudingselle amper onafwendbaar is. As iemand winkeldiefstal pleeg en gevang word, moet hulle na die selle gebring word en wie weet of hulle positief of negatief vir Covid is, noem sy.
In Kennedy se geval slaan sy bors toe, hy is kortasem en grieperig.
“Hy het al die simptome,” sê sy vriendin. “Sy reuksintuig was ook weg, maar dit het teruggekom.”
Sy sê Kennedy was nie getoets nie, aangesien net sy aanvanklik erge simptome getoon het.
DIE OMBUDSMAN
Die ombudsman, adv. John Walters, sê hy kan nie inmeng in interne polisiekwessies nie, maar hy het reeds voorstelle aan die polisie, die regstelsel en korrektiewe dienste gemaak om oorbevolking in selle te verlig.
Met verwysing na gister se berig deur ons susterkoerant Namibian Sun waarin die nasionale polisiehoof lt.genl. Sebastian Ndeitunga sê die selle is oorvol, sê Walters: “Dit blyk hulle het nie een 'n oplossing nie. As die derde golf kom, sal dit definitief in die aanhoudingselle wees.”
Een van sy voorstelle was om pas gearresteerde mense afsonderlik van die res binne die aanhoudingselle te hou, om verdere infeksies te bekamp.
“My ervaring is dat daai selle oorvol is. Ons het al soveel voorstelle gemaak, maar niemand luister na my nie,” sê Walters. Beamptes van die kantoor van die ombudsman het hom ingelig van verskeie ander plekke waar aanhoudingselle oorvol is, en hy beplan om 'n verslag daaroor op te stel.
Volgens die huidige Covid-syfers bevind Namibië homself reeds in die derde golf.
– [email protected]
Kommentaar
Republikein
Geen kommentaar is op hierdie artikel gelaat nie