Shoprite se saak teen stakers

Die vakbond Nafau het volgens Shoprite Namibia se argumente in gister se dringende aansoek in Windhoek se Hoërhof die werkgewer sonder enige gronde in ‘n hinderlaag probeer lei.Volgens Shoprite se saak voor die hof is daar al in September besluit ekstra werkers sal soos gewoonlik vir die feesseisoen nodig wees.Volgens die beëdigde verklaring deur me. Karen Smith, die groep se personeelbestuurder, is die datums van 7 Desember 2020 tot 15 Januarie 2020 toe reeds hiervoor neergepen.Volgens Smith het Shoprite op Maandag 21 Desember steeds geen formele kennis van die Namibiese Unie vir Voedsel- en Verwante Werkers (Nafau) ontvang wanneer die staking sou begin nie.Die maatskappy voer aan die benutting van seisoenswerkers was lankal ‘n uitgemaakte saak en dat Shoprite toe die werwing van die werkers op 3 Desember begin het nie geweet het of en wanneer ‘n staking sou plaasvind nie. Behalwe dat winkels in die feestyd langer oop is, vereis die impak van Covid-19 volgens Smith ook dat genoeg personeel beskikbaar is.Om voort te gaan met die werwing van die werkers, van hulle het al op 7 Desember ingeval, is nie volgens Smith deur die ooreenkoms oor reëls vir die staking verbied nie. Stakers se reg om hul arbeid uit protes te onttrek, is volgens Shoprite dus nie ondermyn of benadeel nie.Hierdie standpunt is vooraf verskeie kere volgens die personeelhoof aan die vakbond verduidelik.Sedert 2010 het Shoprite oor die feesseisoen werk aan ‘n bykomende meer as 1 500 mense verskaf buiten vir die sowat 4 600 mense in die maatskappy se diens, het Smith benadruk.Shoprite het aangevoer Nafau het dringendheid probeer skep waar dit nie bestaan nie en die werkgewer benadeel deur hulle minder as 24 uur te gun om op die beweringe te reageer.Regter Nate Ndauendapo het net bewyse van een tegniese gebrek – waarvan daar volgens Shoprite talle ander was – nodig gehad om die saak van die rol te skrap.Hoewel Shoprite die hof gevra het om die vakbond met ‘n kostebevel te straf, is geen beslissing oor koste gemaak nie. Elke party sal dus vir sy eie regskoste betaal.Adv. Tuhafeni Muhonga en mnr. Kennedy Haraseb het Shoprite verteenwoordig.

Shoprite se saak teen stakers

Kommentaar

Republikein 2025-05-16

Meld asseblief aan om kommentaar te lewer

Shoprite se saak teen stakers

Kommentaar

Republikein 2025-05-16

Meld asseblief aan om kommentaar te lewer

MELD AAN

Advertensie