Shifeta: Implementeer Parys-verdrag spoedig
Die Namibiese minister van die omgewing en toerisme het by die Klimaatberaad in Marokko gesê ontwikkelende lande is bekommerd oor die gaping in die doelwitte van ontwikkelende lande om kweekhuisgasse te verminder.
Francoise Steynberg
Namibië is een van die eerste lidlande wat die Parys-verdrag bekragtig het.
Daarom sê die minister van die omgewing en toerisme, mnr. Pohamba Shifeta “die vroeë bekragtiging van die Parys-verdrag is ''n duidelike getuienis van hoe dringend die internasionale gemeenskap klimaatverandering ag”.
Dit was deel van sy toespraak by die 22ste Konferensie van Partye (COP22) van die Verenigde Nasies (VN) se Raamwerkkonvensie oor Klimaatverandering (UNFCCC) in Marrakesj, Marokko.
“As ons in wetenskap glo, moet ons almal bekommerd wees.
“Klimaatverandering is ''n realiteit en almal op die planeet ly daaronder.
“Tyd is nie meer aan ons kant om klimaatverandering aan te durf nie.”
Hy het ''n beroep op lidlande gedoen om die Marrakesj-COP ''n sukses te maak: “Dit is nou ons verantwoordelikheid, maar tyd is nie aan ons kant nie.”
Shifeta het gesê ontwikkelende lande is baie bekommerd oor die gaping in die doelwitte van ontwikkelende lande om kweekhuisgasse te verminder.
“Ons (ontwikkelende) lande dra die ekonomiese en maatskaplike koste wat deur gereelde klimaatverwante rampe soos droogtes en vloede veroorsaak word.
“Ons betaal duur vir die gevolge van ''n probleem wat ons nie veroorsaak het nie,” het die minister gesê.
Voorts meen Shifeta dat ontwikkelende lande se pogings om by klimaatverandering aan te pas, beperk word deur maniere van implementering, veral geldelike bronne.
“Om by die impak van klimaatverandering aan te pas, is duur wat ''n swaar las op ''n nasionale begroting plaas. Die verliese en skade aan ons infrastruktuur weens vloede, vee- en gewasverliese verhoog dié geldlas nog meer,” het Shifeta gesê.
GROEN KLIMAATFONDS
Hy meen dié situasie vereis die volle kapitalisering van die Groen Klimaatfonds (GCF). Maar hy is bekommerd oor die trae proses van lande se moontlikheide om toegang tot geskikte finansiering by die Groen Klimaatfonds te kry om by klimaatverandering aan te pas.
Shifeta sê Namibië het planne ingestel vir grootskaalse beleggings in herwinbare energie.
“As ontwikkelende lande doen ons baie om aanpassing- en mitigasie-aktwiteite op ons eie koste te implementeer.
“Namibië het ''n ambisieuse nasionale bepaalde bydrae (NDC) by die UNFCCC ingehandig wat die land se agenda vir nasionale klimaatverandering uiteensit,” het Shifeta gesê.
Hy sê Namibië se NDC verbind die land om kweekhuisgasse in sektore soos landbou, energie, nywerheidsprosesse en afvalbestuur teen 2030 met 90% te verminder.
“Ons sien met groot afwagting uit na die beloofde U$100 miljard vir klimaatveradering,” het die minister gesê en bygevoeg dat ontwikkelende lande ''n groot rol in die vestiging van die Groen Klimaatfonds gespeel het.
“Daar is egter omslagtige prosedures en ''n gebrek aan inligting.
“Hierdie fonds moet sy sigbaarheid verhoog deur uitgebreide uitreik-inisiatiewe.
“Die Groen Klimaatfonds moet ''n sterk teenwoordigheid in verskeie streke van die VN hê deur streekkantore te vestig.”
Shifeta het ''n beroep op die raad van die Groen Klimaatfonds gedoen om dié idee so gou as prakties moontlik te bekragtig.
“As politieke leiers moet ons as burgers van die planeet verenig met ''n gedeelde visie om klimaatverandering te beveg en ons planeet van verdere aardverwarming te red,” het die minster afgesluit
COP22 wat vandag in Marrakesj eindig, staan bekend as die COP vir Afrika en die Afrika Aksie-beraad.
Namibië is een van die eerste lidlande wat die Parys-verdrag bekragtig het.
Daarom sê die minister van die omgewing en toerisme, mnr. Pohamba Shifeta “die vroeë bekragtiging van die Parys-verdrag is ''n duidelike getuienis van hoe dringend die internasionale gemeenskap klimaatverandering ag”.
Dit was deel van sy toespraak by die 22ste Konferensie van Partye (COP22) van die Verenigde Nasies (VN) se Raamwerkkonvensie oor Klimaatverandering (UNFCCC) in Marrakesj, Marokko.
“As ons in wetenskap glo, moet ons almal bekommerd wees.
“Klimaatverandering is ''n realiteit en almal op die planeet ly daaronder.
“Tyd is nie meer aan ons kant om klimaatverandering aan te durf nie.”
Hy het ''n beroep op lidlande gedoen om die Marrakesj-COP ''n sukses te maak: “Dit is nou ons verantwoordelikheid, maar tyd is nie aan ons kant nie.”
Shifeta het gesê ontwikkelende lande is baie bekommerd oor die gaping in die doelwitte van ontwikkelende lande om kweekhuisgasse te verminder.
“Ons (ontwikkelende) lande dra die ekonomiese en maatskaplike koste wat deur gereelde klimaatverwante rampe soos droogtes en vloede veroorsaak word.
“Ons betaal duur vir die gevolge van ''n probleem wat ons nie veroorsaak het nie,” het die minister gesê.
Voorts meen Shifeta dat ontwikkelende lande se pogings om by klimaatverandering aan te pas, beperk word deur maniere van implementering, veral geldelike bronne.
“Om by die impak van klimaatverandering aan te pas, is duur wat ''n swaar las op ''n nasionale begroting plaas. Die verliese en skade aan ons infrastruktuur weens vloede, vee- en gewasverliese verhoog dié geldlas nog meer,” het Shifeta gesê.
GROEN KLIMAATFONDS
Hy meen dié situasie vereis die volle kapitalisering van die Groen Klimaatfonds (GCF). Maar hy is bekommerd oor die trae proses van lande se moontlikheide om toegang tot geskikte finansiering by die Groen Klimaatfonds te kry om by klimaatverandering aan te pas.
Shifeta sê Namibië het planne ingestel vir grootskaalse beleggings in herwinbare energie.
“As ontwikkelende lande doen ons baie om aanpassing- en mitigasie-aktwiteite op ons eie koste te implementeer.
“Namibië het ''n ambisieuse nasionale bepaalde bydrae (NDC) by die UNFCCC ingehandig wat die land se agenda vir nasionale klimaatverandering uiteensit,” het Shifeta gesê.
Hy sê Namibië se NDC verbind die land om kweekhuisgasse in sektore soos landbou, energie, nywerheidsprosesse en afvalbestuur teen 2030 met 90% te verminder.
“Ons sien met groot afwagting uit na die beloofde U$100 miljard vir klimaatveradering,” het die minister gesê en bygevoeg dat ontwikkelende lande ''n groot rol in die vestiging van die Groen Klimaatfonds gespeel het.
“Daar is egter omslagtige prosedures en ''n gebrek aan inligting.
“Hierdie fonds moet sy sigbaarheid verhoog deur uitgebreide uitreik-inisiatiewe.
“Die Groen Klimaatfonds moet ''n sterk teenwoordigheid in verskeie streke van die VN hê deur streekkantore te vestig.”
Shifeta het ''n beroep op die raad van die Groen Klimaatfonds gedoen om dié idee so gou as prakties moontlik te bekragtig.
“As politieke leiers moet ons as burgers van die planeet verenig met ''n gedeelde visie om klimaatverandering te beveg en ons planeet van verdere aardverwarming te red,” het die minster afgesluit
COP22 wat vandag in Marrakesj eindig, staan bekend as die COP vir Afrika en die Afrika Aksie-beraad.
Kommentaar
Republikein
Geen kommentaar is op hierdie artikel gelaat nie