Shangula kry eerste dosis Covid-19-entstof

Die minister van gesondheid en maatskaplike dienste, dr. Kalumbi Shangula, het vanoggend by die Windhoek Sentrale Hospitaal sy eerste dosis entstof teen Covid-19 ontvang. Dit val saam met met die aanvang van Wêreldimmuniseringsweek wat ten doel het om die gebruik van entstowwe te bevorder in mense in alle ouderdomsgroepe om hulle teen voorkombare siektes te beskerm.

“Die Covid-19-pandemie het bestaande gapings in die gesondheidstelsel ontbloot, maar ook gemeenskappe saamgesnoer omdat inwoners uit alle vlakke van die samelewing óf siek geraak het of op welke manier ook al deur die siekte geraak is,” het Shangula gesê.