Shangula: Bly kalm

Francoise Steynberg – Vir nou bly die grense eers tot verdere kennisgewing gesluit. Die minister van gesondheid en maatskaplike dienste, dr. Kalumbi Shangula, het gister in die daaglikse Covid-19-verslag herbevestig dat die landsgrense van Namibië volgens die regulasies vir padreisigers gesluit bly. “Die publiek word versoek om kalm te bly en saam met die regering te werk,” het Shangula gesê.Mnr. Etienne Maritz, die uitvoerende direkeur van binnelandse sake, immigrasie, veiligheid en sekureit, het gistermiddag bevestig dat besprekinge op politieke en tegniese vlak tussen sy ministerie, die gesondheidsministerie en die toerismeministerie plaasvind.“Ons ondersteun die toerismebedryf en ons sal binnekort – voor die einde van die week – ’n aankondiging oor die grense maak. Ons is besig om die regulasies vir die Staatskoerant voor te berei,” het hy beklemtoon. Die woordvoerder van die ministerie van die omgewing, bosbou en toerisme, mnr. Romeo Muyunda, het Shangula se skokaankondiging Maandag beaam dat toeriste slegs die land via die Internasionale Lughawe Hosea Kutako en Walvisbaai-lughawe mag binnekom. “Die verklaring van die gesondheidsminister is korrek. Ons wag vir goedkeuring van die kabinet om landsgrense oop te maak,” het Muyunda gesê.“Ons het die Toerismeherlewingsinisiatief se verslag ingehandig vir die toetsfase wat op 30 September geëindig het en daarin het ons voorstelle vir die pad vorentoe gemaak. “Dit sluit in die opening van landsgrense met lande wat ook hul grense oopgemaak het. Dié grensposte is Ariamsvlei en Noordoewer met Suid-Afrika en Wenela met Zambië,” het Muyunda gesê. Grense met Angola en Botswana bly gesluit, want hulle is steeds onderhewig aan ’n noodtoestand. “Ons glo dat al hierdie verwarring deur die kabinetsbeslissing met ons aanbevelings opgelos sal word.”STILLE PROTESTerwyl die kwessie oor geslote grense en toerismeregulasies gister by ’n kabinetsvergadering bespreek is, is ’n stille protes onder die vaandel van #SOSTourism gister in die hoofstad gehou in ’n poging om die toerismesektor te red. Gondwana Collection Namibia het al hul toerismevoertuie op die sypaadjies in Nelson Mandela-rylaan geparkeer. Die sekretaris-generaal van die Namibië Openbare Passasiersvervoervereniging (NPPTA), mnr. Nathan Africa, en sy busbestuurders het ook met hul busse daarheen opgeruk.Intussen het die uitvoerende hoof van Gondwana, mnr. Gys Joubert, as ’n noodkreet ’n hartroerende brief oor die benarde situasie waarin die toerismesektor hom bevind aan die sekretaris-generaal van die Verenigde Nasies (VN) geskryf.’n Bekommerde toerismegroep het hul ontevredenheid oor die Namibië Toerismeraad (NTB) in ’n brief aan Republikein uitgespreek. “Die NTB wat elke jaar miljoene van rolspelers in die toerismebedryf ontvang, het niks in die afgelope sewe maande aangekondig of enige hulp verleen nie,” lui die brief.“Hulle het die blaam op die regering geplaas en die Namibië Toerismevereniging (Fenata) die leiding laat neem. Vir die pad vorentoe het ons ’n duidelike antwoord van NTB oor hul rol nodig.“Van die toerismebedryf wat reeds platgeslaan is, kan nie verwag word om die NTB te ondersteun wat ’n absolute gebrek aan optrede die afgelope sewe maande getoon het nie.”– francoise@republikein.com.na

Shangula: Bly kalm

Kommentaar

Republikein 2025-11-05

Meld asseblief aan om kommentaar te lewer

Shangula: Bly kalm

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.