Shanghala se versoek om regshulp afgewys
Die prokureur-generaal wou nie uitbrei oor waarom die versoek van die hand gewys is nie.
Jemima Beukes
Die regering het die voormalige minister van justisie, mnr. Sacky Shanghala, se versoek aan die kantoor van die prokureur-generaal (PG) om regsverteenwoordiging aan hom te voorsien of om sy regskoste te betaal in die voortslepende Fishrot-omkoopsaak, van die hand gewys.
Dít is verlede Dinsdag deur die prokureur-generaal, mnr. Festus Mbandeka, bevestig.
“Dié besluit is deur die kantoor geneem en sy prokureurs het reeds aan die begin van April 2021 hom daarvan meegedeel,” het Mbandeka gesê.
Shanghala het die versoek in Desember verlede jaar ingedien. Die PG het geweier om te verduidelik hoekom die versoek van die hand gewys is.
“Gegewe die aard van hierdie saak, kan ek nie uitbrei op die besonderhede nie, maar om te sê dat sy versoek van die hand gewys is, is genoeg,” het hy gesê.
VERTRAGING
Shanghala is sedert November 2019 in aanhouding en sy bates, insluitend sy bankrekeninge, is gevries as deel van 'n ondersoek na die bewerings dat hy en sy medebeskuldigdes miljoene dollars in omkoopgeld aanvaar het in ruil vir visvangkwotas.
Dit het die regering vyf maande geneem om oor die saak te besluit, ondanks politieke ontleders se waarskuwings dat die vertraging die staat se beeld kan beskadig en dit die vermoede verder sou aanvuur dat die regering nie vertrou kan word om die Fishrot-saak op 'n deursigtige manier te hanteer nie.
Shanghala, wat ten tyde van sy inhegtenisneming as minister van justisie gedien het, word daarvan beskuldig dat hy omkoopgeld in ruil vir winsgewende viskwotas aanvaar het.
Hy word ook daarvan beskuldig dat hy die wet op mariene hulpbronne gewysig het om sy medebeskuldigde, die voormalige minister van visserye, mnr. Bernhard Esau, alleenreg te gee om visvangkwotas uit te deel. Hierdeur het miljoene dollars in die rekeninge beland van maatskappye wat aan die nou berugte Fishrot-6 en hul makkers verbind is .
Shanghala is saam met Esau en mnre. James en Tamson Hatuikulipi, Ricardo Gustavo en Pius Mwatelulo in hegtenis geneem ná berigte dat die Yslandse visvangmaatskappy Samherji tussen 2012 en 2018 toegang tot maasbanker-kwotas in Namibië verkry het deur omkoopgeld van ongeveer N$150 miljoen aan politici en sakelui te betaal, volgens die Fishrot Files wat op Wikileaks geplaas is.
Uit die ses beskuldigdes moet James, Shanghala en Mwatelulo nog om borgtog aansoek doen.
- [email protected]
Die regering het die voormalige minister van justisie, mnr. Sacky Shanghala, se versoek aan die kantoor van die prokureur-generaal (PG) om regsverteenwoordiging aan hom te voorsien of om sy regskoste te betaal in die voortslepende Fishrot-omkoopsaak, van die hand gewys.
Dít is verlede Dinsdag deur die prokureur-generaal, mnr. Festus Mbandeka, bevestig.
“Dié besluit is deur die kantoor geneem en sy prokureurs het reeds aan die begin van April 2021 hom daarvan meegedeel,” het Mbandeka gesê.
Shanghala het die versoek in Desember verlede jaar ingedien. Die PG het geweier om te verduidelik hoekom die versoek van die hand gewys is.
“Gegewe die aard van hierdie saak, kan ek nie uitbrei op die besonderhede nie, maar om te sê dat sy versoek van die hand gewys is, is genoeg,” het hy gesê.
VERTRAGING
Shanghala is sedert November 2019 in aanhouding en sy bates, insluitend sy bankrekeninge, is gevries as deel van 'n ondersoek na die bewerings dat hy en sy medebeskuldigdes miljoene dollars in omkoopgeld aanvaar het in ruil vir visvangkwotas.
Dit het die regering vyf maande geneem om oor die saak te besluit, ondanks politieke ontleders se waarskuwings dat die vertraging die staat se beeld kan beskadig en dit die vermoede verder sou aanvuur dat die regering nie vertrou kan word om die Fishrot-saak op 'n deursigtige manier te hanteer nie.
Shanghala, wat ten tyde van sy inhegtenisneming as minister van justisie gedien het, word daarvan beskuldig dat hy omkoopgeld in ruil vir winsgewende viskwotas aanvaar het.
Hy word ook daarvan beskuldig dat hy die wet op mariene hulpbronne gewysig het om sy medebeskuldigde, die voormalige minister van visserye, mnr. Bernhard Esau, alleenreg te gee om visvangkwotas uit te deel. Hierdeur het miljoene dollars in die rekeninge beland van maatskappye wat aan die nou berugte Fishrot-6 en hul makkers verbind is .
Shanghala is saam met Esau en mnre. James en Tamson Hatuikulipi, Ricardo Gustavo en Pius Mwatelulo in hegtenis geneem ná berigte dat die Yslandse visvangmaatskappy Samherji tussen 2012 en 2018 toegang tot maasbanker-kwotas in Namibië verkry het deur omkoopgeld van ongeveer N$150 miljoen aan politici en sakelui te betaal, volgens die Fishrot Files wat op Wikileaks geplaas is.
Uit die ses beskuldigdes moet James, Shanghala en Mwatelulo nog om borgtog aansoek doen.
- [email protected]
Kommentaar
Republikein
Geen kommentaar is op hierdie artikel gelaat nie