Sewejarige pleeg glo selfdood
Die ma van die jong meisie was nie tuis toe sy haarself gehang het nie.
Henriette Lamprecht – ‘n Sewejarige meisie is Donderdag dood nadat sy haarself glo in ‘n kas gehang het. Volgens adj.komm. Erastus Ikuyu, van die polisie in die Erongostreek, het die voorval Donderdag tussen 18:00 en 19:00 in Kuisebmond op Walvisbaai plaasgevind.
Volgens Ikuyu was Annastasia Tilomalenga Kampulu ten tyde van haar dood sewe jaar en ses maande oud.
Annastasia was na bewering alleen by die huis, nadat haar ma en haar jonger sussie kerk toe is. Haar ouer broer het gaan werk. Met Annastasia se ma se tuiskoms, omstreeks 00:00, het sy haar seun buite die huis aangetref. Volgens hom het hy nie ‘n sleutel gehad om die huis binne te gaan nie en moes hy noodgedwonge vir sy ma buite staan en wag.
Die ma het gesien Annastasia was nie in haar bed nie.
Sy het aan ‘n stuk lap om haar nek in die hangkas gehang. Volgens Ikuyu word geen misdaad vermoed nie en duur die ondersoek voort.
Intussen het statistieke van die teenmisdaadveldtog Operasie Hornkrantz getoon die aantal selfdoodgevalle oor die feesseisoen het van 29 in 2017-’18 tot 50 in die afgelope feesseisoen gestyg.
Volgens Ikuyu was Annastasia Tilomalenga Kampulu ten tyde van haar dood sewe jaar en ses maande oud.
Annastasia was na bewering alleen by die huis, nadat haar ma en haar jonger sussie kerk toe is. Haar ouer broer het gaan werk. Met Annastasia se ma se tuiskoms, omstreeks 00:00, het sy haar seun buite die huis aangetref. Volgens hom het hy nie ‘n sleutel gehad om die huis binne te gaan nie en moes hy noodgedwonge vir sy ma buite staan en wag.
Die ma het gesien Annastasia was nie in haar bed nie.
Sy het aan ‘n stuk lap om haar nek in die hangkas gehang. Volgens Ikuyu word geen misdaad vermoed nie en duur die ondersoek voort.
Intussen het statistieke van die teenmisdaadveldtog Operasie Hornkrantz getoon die aantal selfdoodgevalle oor die feesseisoen het van 29 in 2017-’18 tot 50 in die afgelope feesseisoen gestyg.
Kommentaar
Republikein
Geen kommentaar is op hierdie artikel gelaat nie