Sewe sterftes, 312 nuwe gevalle

Die getal Covid-19-verwante sterftes in die land het met sewe tot by 271 gestyg. Die nuwe sterftes sluit in die van 'n 67-jarige man in Walvisbaai, 'n 42-jarige man van Gobabis, 'n 61-jarige vrou van Walvisbaai, 'n 65-jarige man van Oshakati, 'n 52-jarige man van Engela en onderskeidelik 'n 77-jarige en 72-jarige man van Windhoek

Sewentien gesondheidswerkers, 18 leerlinge, vyf onderwysers, 15 studente en 27 gevangenes is onder die 312 nuwe Covid-19-gevalle wat vandag bekendgemaak is. Khomas verteenwoordig 23% van die bevestigde gevalle, gevolg deur Omaheke met 18% van die gevalle.

Nog 470 mense het herstel wat die totaal op 25 408 en 'n herstelkoers van 87% te staan bring. Uit die 3 499 aktiewe gevalle is 297 in die hospitaal waarvan 33 in die intensiewesorgeenheid (ICU) is. In Khomas is 110 mense in die hospitaal en 29 in ICU, gevolg deur 33 in die hospitaal in Zambezi en een in ICU in dié streek.

Tot op hede is 233 517 weefselmonsters getoets, 6 567 kontakte word gemonitor en 2 034 mense is in kwarantyn.