Seun slaan glo pa met panga dood
Die afgelope naweek se misdaad sluit in 'n grumoord op 'n man in die Oshuulula- informele nedersetting en 'n gewelddadige rooftog op 'n man en vrou in Brakwater-Suid.
'n Seun het Saterdagaand glo sy biologiese pa (62) in die informele nedersetting Oshuulula met 'n panga doodgeslaan.
Die 22-jarige man het volgens die Namibiese polisie se misdaadverslag sy pa se keel met die panga oopgesny. Die oorledene het ook diep snye aan sy hande gehad en het op die toneel aan sy beserings beswyk. Die verdagte is in hegtenis geneem en beslag is op die moordwapen gelê.
Die motief vir die misdaad is na bewering wraak, omdat sy ouers 'n saak van kwaadwillige saakbeskadiging teen hom aanhangig gemaak het nadat hy items in hul huis vernietig het.
Die verdagte is op 10 September uit die aanhoudingselle van die Oshakati-polisiekantoor vrygelaat, luidens die verslag.
Hy het glo 'n paar maande gelede ook sy eie slaapkamer afgebrand.
VROU GEDREIG MET WAPEN
Twee mans het na bewering Saterdag kort ná middernag by 'n huis in Brakwater-Suid ingebreek en 'n vrou met 'n vuurwapen gedreig.
Haar man was glo buite die huis besig om hul honde uit te laat toe die mans die huis deur 'n venster binnegekom het.
Toe die man sy vrou hoor skree, het hy binnetoe gehaas. Die twee mans het na bewering op hom geskiet en hy het terugskiet.
Die mans het op die vlug geslaan sonder om enigiets te steel.
DIEFSTAL
Nog 'n inbraak het Saterdag omstreeks 03:00 by die Marina Kandumbu-woonstelle op Nkurenkuru plaasgevind.
Volgens die verslag het twee verdagtes – wat toegang deur 'n venster verkry het – glo 'n selfoon ter waarde van sowat N$8 000 gesteel.
Die verdagtes is in hegtenis geneem en sou Maandag in die hof verskyn. Die selfoon is teruggevind.
VOETGANGER DOODGERY
'n Vyf-en-vyftigjarige vrou is Saterdag omstreeks 21:10 op die M0092-pad naby die Okakwa- informele nedersetting doodgery.
'n Gelisensieerde bestuurder wat vanaf Outapi na die Okalonda- informele nedersetting op pad was, het die vrou getref en sy is op die toneel dood.
Die 22-jarige man het volgens die Namibiese polisie se misdaadverslag sy pa se keel met die panga oopgesny. Die oorledene het ook diep snye aan sy hande gehad en het op die toneel aan sy beserings beswyk. Die verdagte is in hegtenis geneem en beslag is op die moordwapen gelê.
Die motief vir die misdaad is na bewering wraak, omdat sy ouers 'n saak van kwaadwillige saakbeskadiging teen hom aanhangig gemaak het nadat hy items in hul huis vernietig het.
Die verdagte is op 10 September uit die aanhoudingselle van die Oshakati-polisiekantoor vrygelaat, luidens die verslag.
Hy het glo 'n paar maande gelede ook sy eie slaapkamer afgebrand.
VROU GEDREIG MET WAPEN
Twee mans het na bewering Saterdag kort ná middernag by 'n huis in Brakwater-Suid ingebreek en 'n vrou met 'n vuurwapen gedreig.
Haar man was glo buite die huis besig om hul honde uit te laat toe die mans die huis deur 'n venster binnegekom het.
Toe die man sy vrou hoor skree, het hy binnetoe gehaas. Die twee mans het na bewering op hom geskiet en hy het terugskiet.
Die mans het op die vlug geslaan sonder om enigiets te steel.
DIEFSTAL
Nog 'n inbraak het Saterdag omstreeks 03:00 by die Marina Kandumbu-woonstelle op Nkurenkuru plaasgevind.
Volgens die verslag het twee verdagtes – wat toegang deur 'n venster verkry het – glo 'n selfoon ter waarde van sowat N$8 000 gesteel.
Die verdagtes is in hegtenis geneem en sou Maandag in die hof verskyn. Die selfoon is teruggevind.
VOETGANGER DOODGERY
'n Vyf-en-vyftigjarige vrou is Saterdag omstreeks 21:10 op die M0092-pad naby die Okakwa- informele nedersetting doodgery.
'n Gelisensieerde bestuurder wat vanaf Outapi na die Okalonda- informele nedersetting op pad was, het die vrou getref en sy is op die toneel dood.
Kommentaar
Republikein
Geen kommentaar is op hierdie artikel gelaat nie