Seun (5) met kanker se gesin vra hulp

Vyfjarige met leukemie gediagnoseer

16 November 2020 | Mense
Ester Kamati

Die Labuschagne-gesin op Otjiwarongo het onlangs die ontstellende nuus ontvang dat die vyfjarige Zu-Andre kanker het.

Die diagnose het gevolg nadat bloed vroeg in September by hom getrek is. Op 6 September het hy saam met sy ouers ’n plaaslike onkologiesentrum besoek en hy is die volgende dag met akute leukemie gediagnoseer.

Ná sy diagnose is Zu-Andre vir behandeling na Windhoek verwys en sy ma, Ruzette, moes saam om hom te versorg.

Zu-Andre se vierjarige en eenjarige boeties is ’n groot bron van emosionele ondersteuning en is saam met ma Ruzette in Windhoek.

Hoewel die gesin ’n mediese fonds het, het finansies ’n groot bron van kommer vir die Labuschagne-gesin geword. Terwyl die fonds ’n groot gedeelte van die hospitaalrekeninge dek, is daar dikwels bybetalings en medikasie wat gekoop word.

Die gesin se broodwinner is pa Rudolf. Omdat die gesin in Otjiwarongo woon, moet hulle tans vir verblyf in Windhoek opdok terwyl Zu-Andre behandeling ontvang. Bykomend tot verblyfkoste is vervoer omdat Ruzette nie oor ’n motor beskik wat gebruik kan word vir vervoer na en van die hospitaal nie.

Volgens ’n familielid is Zu-Andre ’n gelukkige en energieke seuntjie.

“Jy sal hom nie sommer hartseer sien nie. Genadiglik reageer hy tot nou goed op die behandeling. Hy sou verlede week chemoterapie ontvang, maar omdat hy koors het, kon hy nie die sessie voltooi nie. Andersins gaan dit relatief goed met hom,” sê die familielid.

Zu-Andre se kanker is tans in remissie, maar die behandeling moet voltooi word voordat hy huis toe gestuur kan word. ’n Spesiale fonds is nou in die lewe geroep om met die ekstra koste te help. Vir meer besonderhede kan Rudolf by 081 204 8970 of Ruzette by 081 725 3756 geskakel word.

[email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

4 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

19 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

19 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

19 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

19 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

19 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

19 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

19 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

19 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...