Ses sterftes, 191 nuwe gevalle

Die Covid-19-verwante sterftes styg met ses - drie in Oshakati en een elk in onderskeidelik Lüderitz, Usakos en Onandjokwe - tot 739. Vandag is 191 nuwe gevalle aangemeld waarvan 11 gesondheidswerkers, vier leerlinge en drie onderwysers is. Die aktiewe gevalle staan tans op 2 546 waarvan 228 in die hospitaal en 49 in die ICU is. Tot op hede het 48 531 (94%) herstel en is 56 759 mense teen Covid-19 ingeënt.

Tans is 1 049 mense in kwarantyn en word 2 938 kontakte gemonitor.