Senuwees hou vir sege teen Skotte

Andrew Poolman – 'n Ewe hardnekkige Skotland-span het Namibië tot in die laaste boulbeurt besig gehou, maar kon uiteindelik nie verhinder dat Gerhard Erasmus en sy manne die merkwaardige prestasie van 'n derde opeenvolgende oorwinning by die T20 Wêreldbeker behaal nie.Die eerste twee ligapunte in die Supertwaalffase van die toernooi sou straks op min Namibiese ondersteuners se wenslysie voor die toernooi gewees het, maar afrigter Pierre de Bruyn se Eagles het gisteraand in Abu Dhabi koelkop gebly teen Skotland en met vier paaltjies gewen.Nadat Erasmus 'n belangrike loot gewen en gekies het om eerste te boul, het sy linkerarm snelbouler Ruben Trumpelmann met die nuwe bal 'n vernietigende eerste boulbeurt afgestuur wat soos volg verloop het: Paaltjie, wydloper, nul, wydloper, paaltjie, paaltjie, nul, nul.Ná die eerste ses balle was Skotland gevolglik op 2/3 – vir die verlies van George Munsey (geboul), Calum MacLeod (gevang Zane Green) en die kaptein Richie Berrington (b.v.p.), almal vir nulletjies.Berrington, wat die beslissing teen hom onsuksesvol deur die TV-skeidsregter laat hersien het, se paaltjie was 'n deurslaggewende oomblik. Dié topkolwer het as kaptein ingestaan vir Kyle Coetzer, wat deur 'n vingerbesering uitgeskakel is.Trumpelmann het uiteindelik met 3/17 in sy vier boulbeurte geëindig, nadat hy 17 leë balle afgestuur het. Die res van die boulaanval was ewe doeltreffend, met Jan Frylinck (2/10), JJ Smit (1/20) en David Wiese (1/22) wat ook elk vier boulbeurte met lof voltooi het.Te danke aan Michael Leask (44), Matthew Cross (19) en Chris Greaves (25) het Skotland tot 'n mate van hierdie katastrofe herstel, maar eindig nietemin op 'n ondergemiddelde 109/8 aan die einde van sy 20 boulbeurte.Die skaal was behoorlik in die Namibiese guns, hoewel die gereelde val van paaltjies die span onrustig sal stem in die opbou na sy komende wedstryde teen die gedugte Afghanistan (komende Vrydag), Pakistan, Nieu-Seeland en Indië.Craig Williams (23 van 29 balle), met Michael van Lingen (18 van 24 balle) as sy nuwe aanvangsvennoot, het 28 behaal voordat laasgenoemde uitgevang is. Zane Green (9) en Erasmus (4) is ook vroeg uit en toe misgis Williams hom misgis en word gestonk.Uiteindelik het David Wiese met 16 van 14 balle (1x6) en JJ Smit (32 nie uit nie van 23 balle, 2x4 2x6) die knoop help deurhaak, sodat Namibië nou by hierdie toernooi met opeenvolgende oorwinnings teen Nederland, Ierland en Skotland kan spog.“Dis nog 'n trotse oomblik vir ons span en vir Namibië. Ons is 'n klein land, maar trots. Ons was hierdie vertoning aan ons mense by die huis verskuldig. Ons is deeglik bewus dat ons vlakke verder sal moet lig vir wat voorlê,” het Erasmus agterna gesê.FOTO’sJJ Smit het koelkop gebly om onoorwonne te bly tot die wenlopies gekom het. Foto Nampa/AFP en ICC / Getty ImagesPaaltjiewagter Zane Green spring in die arms van Ruben Trumpelmann ná die snelbouler se derde paaltjie binne die eerste vier balle van in die eerste boulbeurt. Foto Getty ImagesRuben Trumpelmann met sy toekenning as speler van die wedstryd. Foto ICC / Getty Images

Senuwees hou vir sege teen Skotte

Kommentaar

Republikein 2025-12-18

Meld asseblief aan om kommentaar te lewer

Senuwees hou vir sege teen Skotte

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.