Sensei Karin klim nog 'n IOGKF-vlak
Karate
Sensei Karin Brockmann het Okinawa Goju-Ryu Karate Namibië onlangs op die internasionale verhoog verteenwoordig toe sy haar vyfde dan swartgordel (Godan) verwerf het – 'n vlak wat net een vorige Namibiese vrou (sensei Marion Bause) kon bereik.
Haar prestasie is onder die wakende oog van die IOGKF se tegniese adviseur, Sensei Bakkies Laubscher (9de dan IOGKF) van Suid-Afrika behaal.
Sensei Karin se verhaal in die sport het in 1991 begin toe haar man haar vir die eerste karate-les ingeskryf het. Die eerste aanduiding van haar hardnekkigheid is ontbloot toe sy haar swartgordel kort ná die geboorte van haar tweelingseuns verwerf het.
Sy het met haar passie vir die gevegsport deurgedruk totdat sy in 2009 haar gradering vir die vierde dan suksesvol afgelê het. Hierna het sy 'n blaaskans weg van die sport geneem om haar kinders groot te maak en haar eie apteek aan te skaf en op die been te bring.
Ná haar geleidelike terugkeer tot karate het sensei Karin vroeg in 2020 die uitnodiging na die gradering vir die vyfde dan ontvang. Vir tien maande het sy ywerig geoefen om vir die uitdagende fisieke toets voor te berei.
Die bereiking van die nuwe mylpaal verseker Sensei Karin se plek as een van die mees senior vroulike karateka in Namibië.
“Van hier af vorentoe is my doelwit om aan te hou oefen! Ek wil my kennis van die tegnieke verbeter en verdiep. Ek wil fokus op die harmonie en krag van die liggaam en die verstand, wat na jou daaglikse lewe oorspoel en ons help om gesond en gefokus te midde van die daaglikse stres te bly,” het sy agterna gesê.
Okinawa Goju-Ryu Karate Namibië het sy gelukwensing en dank teenoor sensei Karin ná haar uitsonderlike prestasie uitgespreek en haar voorspoed toegewens met die voortdurende nastrewing van uitmuntendheid.
Haar prestasie is onder die wakende oog van die IOGKF se tegniese adviseur, Sensei Bakkies Laubscher (9de dan IOGKF) van Suid-Afrika behaal.
Sensei Karin se verhaal in die sport het in 1991 begin toe haar man haar vir die eerste karate-les ingeskryf het. Die eerste aanduiding van haar hardnekkigheid is ontbloot toe sy haar swartgordel kort ná die geboorte van haar tweelingseuns verwerf het.
Sy het met haar passie vir die gevegsport deurgedruk totdat sy in 2009 haar gradering vir die vierde dan suksesvol afgelê het. Hierna het sy 'n blaaskans weg van die sport geneem om haar kinders groot te maak en haar eie apteek aan te skaf en op die been te bring.
Ná haar geleidelike terugkeer tot karate het sensei Karin vroeg in 2020 die uitnodiging na die gradering vir die vyfde dan ontvang. Vir tien maande het sy ywerig geoefen om vir die uitdagende fisieke toets voor te berei.
Die bereiking van die nuwe mylpaal verseker Sensei Karin se plek as een van die mees senior vroulike karateka in Namibië.
“Van hier af vorentoe is my doelwit om aan te hou oefen! Ek wil my kennis van die tegnieke verbeter en verdiep. Ek wil fokus op die harmonie en krag van die liggaam en die verstand, wat na jou daaglikse lewe oorspoel en ons help om gesond en gefokus te midde van die daaglikse stres te bly,” het sy agterna gesê.
Okinawa Goju-Ryu Karate Namibië het sy gelukwensing en dank teenoor sensei Karin ná haar uitsonderlike prestasie uitgespreek en haar voorspoed toegewens met die voortdurende nastrewing van uitmuntendheid.
Kommentaar
Republikein
Geen kommentaar is op hierdie artikel gelaat nie