Seniorpark se water afgesny
'n Ouetehuis in Windhoek het gister deurgeloop onder die munisipaliteit se valbyl-beleid oor agterstallige rekenings.
Maria Eiseb
Meer as 150 inwoners van die Seniorpark-ouetehuis in die hoofstad sit sonder water nadat die munisipaliteit gister die toevoer weens opgeloopte skuld afgesny het.
Volgens die inwoners kla hulle reeds vir jare by die ministerie van werke en vervoer en die Windhoek-munisipaliteit oor pype en geysers wat lek.
Volgens die opsigter van die ouetehuis, mnr. Seth Majiedt, sukkel hulle al vir meer as drie jaar met lekkasies.
As dit nie 'n gebarste waterpyp is nie, is dit 'n lekkende geyser wat aanhoudend loop, het hy gesê.
Hy sê hul pleidooi om dit reg te maak, val op dowe ore.“Die munisipaliteit sê die waterverbruik van Seniorpark is ongelooflik hoog en hulle het besluit om dit toe te maak. Die ministerie van werke en vervoer wat verantwoordelik is vir die regmaak van lekkasies, wil ook nie die verantwoordelikheid daarvoor neem nie,” sê hy.
“Ons word skenkings gegee vir die regmaak van die pype en krane, maar die werknemers van die ministerie sê altyd daar is nie geld om die goed reg te maak nie. Ek weet nie hoekom hulle nie die goed wat geskenk word, gebruik om die probleem op te los nie.”
Volgens Majiedt word hulle as die opsigters daarvan beskuldig dat hulle nie hul werk doen nie, maar hy kan in sy boeke toon hoeveel klagtes hy al aangemeld het.
Me. Gertrude de Witt, een van die inwoners, se geyser is vir die afgelope sowat drie maande stukkend en die water loop net in die drein af.
“Dis skoon water wat maar net so verniet in die drein afvloei.
“Ek het al drie keer die probleem gerapporteer, maar miskien is die werknemers van die ministerie dood en daarom kan hulle nie die goed kom regmaak nie,” het sy gesê.
SOEBAT
'n Ander inwoner, me. Mathilde Bezuidenhout, het gesê die water lek al van die begin van die jaar af by haar woonstel, maar niks word daaraan gedoen nie.
Mnr. Petrus Swartbooi vertel dat hy sedert Augustus toe hy ingetrek het, nog nie die geyser gebruik het nie. As hulle dit aanskakel, drup dit aanhoudend. “Dit kan nie so aangaan nie; ons soebat die mense by werke van verlede week af en nou hoor ons hulle is met verlof, maar hulle het ook niemand gestuur nie,” het hy gesê.
Die munisipale woordvoerder, me. Lydia Amutenya, het gesê dit is moontlik dat die rekening van die oord meer as 'n maand agterstallig is en daarom is die dienslewering afgesny.
Sy het ook tydens 'n nuuskonferensie in November gesê Windhoekers wie se munisipale rekeninge teen 15 Desember langer as 30 dae agterstallig is, sal summier afgesny word.
Sy het toe gesê residensiële kliënte kan hul rekeningafdeling besoek om alternatiewe reëlings vir die betaling van rekeninge te tref.
Meer as 150 inwoners van die Seniorpark-ouetehuis in die hoofstad sit sonder water nadat die munisipaliteit gister die toevoer weens opgeloopte skuld afgesny het.
Volgens die inwoners kla hulle reeds vir jare by die ministerie van werke en vervoer en die Windhoek-munisipaliteit oor pype en geysers wat lek.
Volgens die opsigter van die ouetehuis, mnr. Seth Majiedt, sukkel hulle al vir meer as drie jaar met lekkasies.
As dit nie 'n gebarste waterpyp is nie, is dit 'n lekkende geyser wat aanhoudend loop, het hy gesê.
Hy sê hul pleidooi om dit reg te maak, val op dowe ore.“Die munisipaliteit sê die waterverbruik van Seniorpark is ongelooflik hoog en hulle het besluit om dit toe te maak. Die ministerie van werke en vervoer wat verantwoordelik is vir die regmaak van lekkasies, wil ook nie die verantwoordelikheid daarvoor neem nie,” sê hy.
“Ons word skenkings gegee vir die regmaak van die pype en krane, maar die werknemers van die ministerie sê altyd daar is nie geld om die goed reg te maak nie. Ek weet nie hoekom hulle nie die goed wat geskenk word, gebruik om die probleem op te los nie.”
Volgens Majiedt word hulle as die opsigters daarvan beskuldig dat hulle nie hul werk doen nie, maar hy kan in sy boeke toon hoeveel klagtes hy al aangemeld het.
Me. Gertrude de Witt, een van die inwoners, se geyser is vir die afgelope sowat drie maande stukkend en die water loop net in die drein af.
“Dis skoon water wat maar net so verniet in die drein afvloei.
“Ek het al drie keer die probleem gerapporteer, maar miskien is die werknemers van die ministerie dood en daarom kan hulle nie die goed kom regmaak nie,” het sy gesê.
SOEBAT
'n Ander inwoner, me. Mathilde Bezuidenhout, het gesê die water lek al van die begin van die jaar af by haar woonstel, maar niks word daaraan gedoen nie.
Mnr. Petrus Swartbooi vertel dat hy sedert Augustus toe hy ingetrek het, nog nie die geyser gebruik het nie. As hulle dit aanskakel, drup dit aanhoudend. “Dit kan nie so aangaan nie; ons soebat die mense by werke van verlede week af en nou hoor ons hulle is met verlof, maar hulle het ook niemand gestuur nie,” het hy gesê.
Die munisipale woordvoerder, me. Lydia Amutenya, het gesê dit is moontlik dat die rekening van die oord meer as 'n maand agterstallig is en daarom is die dienslewering afgesny.
Sy het ook tydens 'n nuuskonferensie in November gesê Windhoekers wie se munisipale rekeninge teen 15 Desember langer as 30 dae agterstallig is, sal summier afgesny word.
Sy het toe gesê residensiële kliënte kan hul rekeningafdeling besoek om alternatiewe reëlings vir die betaling van rekeninge te tref.
Kommentaar
Republikein
Geen kommentaar is op hierdie artikel gelaat nie