Selfdood: 131 gevalle in vier maande

Vierde hoogste syfer in Afrika

12 September 2018 | Gesondheid
Henriette Lamprecht – Van April tot Julie vanjaar is 131 selfdoodgevalle by die Namibiese polisie aangemeld.

Die hoogste aantal gevalle was in Mei, waartydens 41 mense daarin geslaag het om hul eie lewe te neem, gevolg deur April (35), Julie (28) en Junie (27).

Namibië het die 11de hoogste selfdoodkoers in die wêreld en is in Afrika die land wat die vierde hoogste selfdoodsyfer ná Mosambiek, Tanzanië en Burundi op die vasteland het.

Volgens die jongste beskikbare data was die selfdoodkoers in 2015 vir Namibië 22,1 selfdode per 100 000 inwoners, in vergelyking met die 11,4 selfdode per 100 000 inwoners van ander wêreldlande.

Dié skoksyfers is Maandag deur die adjunkminister van gesondheid en maatskaplike dienste, me. Juliet Kavetuna, tydens ’n amptelike herdenkingsgeleentheid van Wêrelddag vir die Voorkoming van Selfdood bekend gemaak.

“Die maatskaplike welstand van alle Namibiërs moet ’n prioriteit wees. Ons moet daadwerklike aksie in die verbetering van die lewensomstandighede van ons mense neem,” het Kavetuna gemaan.

“Solank as wat mense hulpeloos en hopeloos voel, gaan hul psigomaatskaplike welsyn agterweë bly. Die tragedie van selfdood gaan dus by ons bly spook en ons gaan almal direk of indirek deur die dood van nóg ’n Namibiër geraak word,” het sy gesê.

Volgens Kavetuna is die hoogste getal selfdoodpogings, naamlik 48, in die eerste kwartaal van vanjaar in die Erongostreek aangeteken.

Dié streek word gevolg deur die Kavango- (38), Oshikoto- (25) en Ohangwenastreek (23), en by die Oshakati-hospitaal is 19 selfdoodpogings aangemeld.

Die laagste getal selfmoordpogings was in die Hardapstreek met nege gevalle en die Omaheke- en Kunenestreek met onderskeidelik sewe en vyf gevalle.

Volgens Kavetuna bied maatskaplike werkers psigomaatskaplike ondersteuning aan die oorlewendes, wat familie, vriende asook die gemeenskap insluit, wat deur selfdoodpogings en geslaagde selfdoodgevalle geraak word.

Sy het voorts gesê die oorsake van selfdood is ingewikkeld en sluit onder meer ‘n traumatiese voorval, maatskaplike en geografiese isolasie, kulturele en familie-agtergrond, ’n gebrek aan hanteringsvaardighede en swak geestelike en fisieke gesondheid in.

Die ministerie is tans besig met die implementering van voorkomings- en behandelingsmaatreëls saam met rolspelers soos onder meer die ministeries van veiligheid en sekuriteit, onderwys, geslagsgelykheid en kinderwelsyn, Debmarine Namibia, Bel Esprit-hospitaal, Lifeline/Childline en die Raad van Kerke in Namibië.

Bogenoemde maatreëls sluit uitreike na skole en kerke en die deel van inligting oor selfdood in.

“Omdat geslagsgeweld nou verband hou met selfdood, gaan inisiatiewe in dié verband ook geïmplementeer word,” het Kavetuna gesê.

Die hoë voorkoms van selfdood in die land, saam met ’n gebrek aan navorsing, het die ministerie volgens Kavetuna genoodsaak om in 2016 die Nasionale Studie vir die Voorkoming van en Ingryping by Selfdood aan te pak. Die verslag van dié studie sal aanstaande maand bekend gestel word.

Volgens Kavetuna sal die inligting hierin vervat gebruik word in die ontwikkeling van die vyfjaar- nasionale strategiese plan vir die studie van selfdood in Namibië (2018-’19 tot 2022-’23).

Dit sal voorts gebruik word vir die ontwikkeling van ’n beleidsraamwerk om die voorkoming, behandeling, bestuur en koördinering van selfdood te lei.

Die ontwikkeling van die nasionale strategiese plan vind van 22 tot 25 Oktober onder leiding van prof. Ella Aresman plaas.

Volgens Kavetuna is Aresman, ’n hoofwetenskaplike verbonde aan die Nasionale Selfdoodnavorsingstigting in Ierland, deur die Wêreldgesondheidsorganisasie (WHO) gekontrakteer om die ministerie in dié verband te help.

Soortgelyk

 

NSFAF sluit ooreenkoms met Bank Windhoek

5 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

5 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

6 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

17 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

17 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

17 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

17 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

17 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

17 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...